مۆڵەت و ڕێگاپێدان

پێدانی مۆڵه‌تی به‌ مووچه‌ به‌ فه‌رمانبه‌ران، یان پێدانی بڕێک پاره‌ی مانگانه‌ به‌و كه‌سانه‌ی، كه‌ فه‌رمانبه‌ر نین و سه‌رپه‌رشتی كه‌سێكی كه‌مئه‌ندام ده‌كات.
ئەوەی یه‌ک (١) كه‌مئه‌ندام به‌خێو ده‌كات (١٤٠) سەد و چل هه‌زار دیناری پێده‌درێت، ئه‌وه‌ی دوو (٢) كه‌مئه‌ندام به‌خێو ده‌كات (٢١٠) دوو سەد و دە هه‌زار دیناری پێده‌درێت.

پێدانی مۆڵەتی کردنەوەی دایەنگەی ناحکومی، بەپێی ڕێنماییەکانی سیستەمی دایەنگەکان لە ڕەخساندنی ژینگەی گونجاو بۆ گەشەکردن و نەشونمای دروستی منداڵان، بە جێبەجێکردنی پڕۆگرامی پەروەردەیی و کۆمەڵایەتی هاوچەرخ لە بوارەکانی فێربوون، ڕۆشنبیری و کات بەسەربردن.

هاوڵاتی و کەسانی خاوەن سەرمایە دەتوانن داوای مۆڵەتی کردنەوەی سەنتەری شەبەنگی ئۆتیزم بكەن، بەو مەرجەی هاوڵاتییەكە پسپۆڕی لە پەروەردەی تایبەت هەبێت، یاخود كەسێكی پسپۆڕ دیاریبكات، كە توانا و شارەزایی لە کارکردن لەگەڵ منداڵانی توشبووی ئۆتیزم هەبێت.

كۆمپانیای ده‌ستی کاری خۆماڵی نووسینگه‌یه‌كی به‌كارخستنی كرێكاری خۆماڵییه‌، كه‌ خاوه‌نه‌كه‌ی كه‌سێكی مه‌عنه‌وی بێت وه‌ک (كۆمپانیا، ڕێكخراو، سەنتە‌ره‌كانی ڕاهێنانی پیشه‌یی له‌ كه‌رتی تایبه‌ت).

بەڵگەنامەیەکی فەرمییە لە لایەن وەزارەتمانەوە دەردەچێت و ماف دەداتە کۆمپانیا بۆ هێنانی کرێکاری بیانی.

هەر هاوڵاتی یان دانیشتوویەکی هەرێمی کوردستان، کە تەمەنی یاسایی تەواو کردبێت، مافی دەرهێنانی مۆڵەتی لێخوڕینی ئۆتۆمبێلی هەیە، ئەم مۆڵەتە بۆ ماوەی پێنج (٥) ساڵە و دوای ئەم ماوەیە بەسەردەچێت و پێویستە نوێبکرێتەوە.

ڕێکارەکانی تەواوکردنی دامەزراندنی کارگەیە بەو خاوەن کارگانەی زەوییان بۆ تەرخانکراوە لە لایەن وەزارەتی شارەوانییەوە، هەروەها بیناکەی تەواوکراوە و ئامێرەکانی چەسپێنراوە.

پێدانی مۆڵەتی کارگە (لە ژێر دامەزراندن)ـە بەو خاوەن کارگانەی کە ئامێرەکانیان هاوردەکردووە و لە فەرمانگەکانی دادنوس تۆماریان کردووە.

نوێکردنەوەی مۆڵەتی تەندروستییە بۆ کارگەکانی خواردن و خواردنەوە، پاککەرەوەکان و کەلوپەلی جوانکاری، کە لە ناوخۆی هەرێمی کوردستان کاردەکەن.

نوێکردنەوەی مۆڵەتی کارکردنی ناوەندە پزیشکییەکانی (نەخۆشخانە، سەنتەر و کۆمەڵگای پزیشکی تایبەت) کە خزمەتگوزاری تەندروستی پێشکەشدەکەن، نوێکردنەوەی مۆڵەت ساڵانەیە و پێویستە نوێ بکرێتەوە.