مۆڵەتی كردنەوەی سەنتەرەكانی شەبەنگی ئۆتیزمی ناحكومی

پێشكەشكردنی داواكاری بۆ كردنەوەی سەنتەری شەبەنگی ئۆتیزمی ناحكومی بە بەڕێوەبەری گشتی چاودێری و گەشەپێدانی كۆمەڵایەتی.

ئاڕاستەكردنی داواكارییەكە بۆ لیژنەی سەنتەرەكانی شەبەنگی ئۆتیزم لە ناو بەڕێوەبەرایەتی گشتی.

هێنانی سەرجەم داواكارییەكان و بەڵگەنامە پێشكەشكراوەكان، وەک (بەڵگەنامەی بە كرێگرتنی خانوو كە ڕوبەرەكەی لە (٤٠٠)م٢ كەمتر نەبێت، پڕوپۆزەلی سەنتەر كە بەرنامە و پلانی سەنتەر و ئامانجەكانی ڕونكرابێتەوە، (cv) بەڕێوەبەر و ستافی سەنتەر، بەڵێننامەی پابەندبوون بە ڕێنماییەكان).

دەرچوونی لیژنە بۆ كەشفی بینا و پێدانی ڕێنمایی بۆ گونجاندنی بینای سەنتەر، كە هەموو مەرجەكانی لەخۆ گرتبێت.

هێنانەوەی ئەستۆپاكی لە دامودەزگا پەیوەندیدارەكان.

دوای گونجاندنی بینا، داوایەک ئاڕاستە دەكات بۆ بەڕێوەبەری گشتی، كە بیناكەی ئامادەی كاركردنە.

ئاڕاستەكردنی بۆ لیژنە و دەرچوونی كەشفی دووەم، بۆ دڵنیابوونەوە لە جێبەجێكردنی ڕێنماییەكان لە بینای سەنتەر.

پێشكەشكردنی ڕاپۆرتی لیژنە لە بارەی سەردانییەكەوە بۆ بەڕێوەبەری گشتی.

بەرزكردنەوەی سەرجەم دۆسیە و ڕاپۆرتی لیژنە بۆ وەزارەت بۆ وەرگرتنی ڕەزامەندی.

هێنانەوەی ڕەزامەندی پێدانی مۆڵەت لە وەزارەت.

دانی بڕە پارەی دیاریكراو لە ڕێنمایی.

وەرگرتنی مۆڵەتی جیداری بۆ پێدانی مۆڵەت، پاڵپشت بە فەرمانی وەزاری لە بەڕێوەبەرایەتی گشتی چاودێری و گەشەپێدانی كۆمەڵایەتی.