مۆڵەتی شۆفێری جۆری تایبەت (خصوصي) و گشتی (عمومي)

خزمەتخواز سەردانی بەشی دەرهێنانی مۆڵەتی شۆفێری دەکات لە یەکێک لە بەڕێوەبەرایەتییەکانی هاتووچۆی شارەکان.

سەردانی ژووری وەرگرتنی فۆڕم دەکات، بە مەبەستی پڕکردنەوەی زانیاری کەسی.

سەردانی لیژنەی پزیشکی دەکات، بە مەبەستی پشکنین (لە دەرەوەی بەڕێوەبەرایەتی هاتووچۆ ئەنجامدەدرێت).

دوای گەڕاندنەوەی ئەنجامی پشکنین، دەچێتە لای ئەفسەری تۆماری مۆڵەت، بە مەبەستی دیاریکردنی ڕۆژی تاقیکردنەوەی هێماکان و میکانیک، ئەگەر خزمەتخواز خوێندەواری هەبێت، ئەگەر نەخوێندەوار بێت، پێویستە بۆ ماوەی پێنج (٥) ڕۆژ بچێتە نووسینگەیەکی فێرکردنی لێخوڕین و بڕوانامە بە دەستبهێنێت.

دوای دەرچوون لە تاقیکردنەوەی هێما و میکانیک، دەچێتەوە لای ئەفسەری تۆماری مۆڵەت، بە مەبەستی دیاریکردنی ڕۆژی تاقیکردنەوەی پراکتیکی ژمارە (٨).

دوای دەرچوون لە تاقیکردنەوەی پراکتیکی ژمارە (٨)، دەچێتەوە لای ئەفسەری تۆماری مۆڵەت، بە مەبەستی دیاریکردنی ڕۆژی تاقیکردنەوەی پراکتیکی پیتی (L)، ناسراو بە ڕەمپە.

دوای دەرچوون لە تاقیکردنەوەی پراکتیکی پیتی (L)، دەچێتەوە لای ئەفسەری تۆماری مۆڵەت، بە مەبەستی پەسەندکردنی ئەنجامەکان و وردبینیکردنی دۆسییەکە.

سەردانی ژووری ژمێریار دەکات، بە مەبەستی لێوەرگرتنی بڕی ڕسوماتی دیاریکراو.

سەردانی ژووری وەرگرتن دەکات، بە مەبەستی وەرگرتنەوەی دۆسییەکەی پاش وردبینی کۆتایی، و لە هەمان کاتدا مۆڵەتەکەی بۆ دروستدەکرێت.