ڕێکخستنی کاری شۆفێری تەکسی و لێدانی لەزگە بە پیشەییکردن و ڕێکخستن و جیاکردنەوەی کاری شۆفێری تەکسییە لە هەرێمی کوردستان، لە ڕێگەی دروستکردنی کارتی تایبەت بە شۆفێری، هەروەها جیاکردنەوەی تەکسی پارێزگاکان لە یەکدی، بە لێدانی لەزگەی تایبەتمەند بۆ هەر پارێزگایەک.
نوێکردنەوەی مۆڵەتی شۆفێری (بە هەموو جۆرەکانی) نوێکردنەوەی مۆڵەتی شۆفێرییە بۆ ئەو هاوڵاتییانەی مۆڵەتەکانیان بەسەرچووە یاخود ماوەی بەسەرچوونیان نزیکە، تاوەکو بتوانن بەشێوەیەکی یاسایی شوفێری بکەن، گشت جۆرەکانی مۆڵەتی شوفێری بۆ ماوەی (٥) پێنج ساڵ کاری پێ دەکرێت.
مۆڵەتی شۆفێری کاتیی بۆ کەسی بیانی هەر هاوڵاتییەکی بیانی سەردانی هەرێمی کوردستان بکات، دەتوانێت مۆڵەتی شۆفێری کاتی بە دەستبهێنێت، ئەگەر لە وڵاتی خۆی خاوەنی مۆڵەتی لێخوڕین بێت. ئەم مۆڵەتە کاتییە بۆ ماوەی یەک (١) ساڵ بەکاردەهێنرێت، دەتوانرێت تازەبکرێتەوە.
مۆڵەتی جام ڕهشکردنی ئۆتۆمبێل پێدانی مۆڵەتی ڕهشکردنی جامی ئۆتۆمبێلە لهسهر داواکاری خاوهنی ئۆتۆمبێل، به ئهنجامدانی ڕێکاره یاساییهکان لە یەکێک لە بەڕێوەبەرایەتییەکانی هاتووچۆی تایبەتمەند، بۆ ماوەی ساڵێک.
ههڵوهشانهوه (تفنیش)ی ئۆتۆمبێل ههڵوهشانهوه و کەپسکردنی ئەو ئۆتۆمبێلانەی بە ڕووداوی هاتووچۆ، یاخود هەر هۆکارێکی تر، کە مەرجەکانی توندوتۆڵی و سەلامەتییان لە دەستداوە و ناشێن بۆ لێخوڕین، لە لایەن لیژنەی تایبەتمەندەوە هەڵدەوەشێنرێنەوە.
دروستکردنەوەی تابلۆی ونبووی ئۆتۆمبێل و ماتۆڕسکیل و ئامێرەکان لە کاتی ونبوونی تابلۆی ئۆتۆمبێل، ماتۆڕسکیل یان ئامێرە کشتوکاڵی و بیناسازی بە هەموو جۆرەکانییەوە بە هەر هۆکارێک بێت، پێویستە خاوەنی ساڵیانە سەردانی بەڕێوەبەرایەتی هاتووچۆی تایبەتمەند بکات، بە مەبەستی دروستکردنەوەی تابلۆی تازە.
نوێکردنهوهی ساڵیانهی ئۆتۆمبێل و ماتۆڕسکیل و ئامێرە بیناسازی و کشتوکاڵییەکان و بە هەموو جۆرەکانییەوە هەر ئۆتۆمبێل یان ماتۆڕسکیلێک یان هەر ئامێرێکی کشتوکاڵی و بیناسازی خاوەنی ساڵیانهی تایبەت بە خۆیەتی، لە ڕۆژی دەرچوونی ساڵیانەکەوە ماوەی بەسەرچوونی پێنج (٥) ساڵه. خاوەنی ساڵیانە پێویستە لە کاتی بەسەرچوونی ساڵیانەکەی لە بەڕێوەبەرایەتی هاتووچۆی تایبەتمەند ساڵیانەکەی تازەبکاتەوە.
گۆڕینی ئاکاری (صنفی) ئۆتۆمبێلی گەورە گۆڕینی عارهبانه هەر ئۆتۆمبێلێکی بارهەڵگری گەورە مافی گۆڕینی عارەبانەکەی هەیە لە فلاتەوە بۆ تانکی، یان لە فلاتەوە بۆ قەلاب یاخود هەر جۆرە عارەبانەیەکی تر بۆ بەکارهێنانی، بە مەبەستی کارکردن.
نوێکردنەوەی مۆڵەتی نووسینگەی فێرکردنی شۆفێری ئۆتۆمبێل هەر نووسینگەیەکی فێرکردنی شۆفێری مۆڵەتەکەی دوای ساڵێک بەسەردەچێت. پێویستە نووسینگەکان ساڵانە مۆڵەتەکەیان نوێبکەنەوە تاوەکو بتوانن بە شێوەیەکی یاسایی کاری ڕاهێنان و فێرکردنی شۆفێری بە هاوڵاتیان بکەن.
دەرهێنان یاخود نوێکردنەوەی مۆڵەتی کۆمپانیای هاوردەکردنی ئۆتۆمبێل دەرهێنان یاخود نوێکردنەوەی مۆڵەتی بازرگانیکردن بە ئۆتۆمبێل و ئامێرەکانی کشتوکاڵی و بیناسازی بۆ کۆمپانیاکانی هاوردەکردنی ئۆتۆمبێل لە هەرێمی کوردستان.
