هه‌ڵوه‌شانه‌وه‌ (تفنیش)ی ئۆتۆمبێل

خزمەتخواز سەردانی بەڕێوەبەرایەتی هاتووچۆی تایبەتمەند دەکات.

سەردانی سکاڵانووس (عه‌ریزه‌نووس) دەکات، بە مەبەستی پڕکردنەوەی فۆڕمی هەڵوەشاندنەوەی ئۆتۆمبێل.

سەردانی ژووری بەرپرسی بەشی هونەری دەکات، بە مەبەستی وەرگرتنی ڕەزامەندی هەڵوەشاندنەوەی ئۆتۆمبێلەکە.

سەردانی بەڕێوەبەرایەتی گشتی باجەکان و خانووبەرەی میری دەکات، بە مەبەستی هێنانەوی پاکانەی خاوەنی ئۆتۆمبێلەکە.

هێنانی نووسراوی به‌شی پۆلیسی بەڵگه‌ و تاوا‌نه‌کان تایبەت بە ئۆتۆمبێل.

له‌ به‌شی پشکنین فۆڕمێکی پشکنینی تایبه‌ت به‌ ئۆتۆمبێله‌که‌ ڕاده‌کێشرێت.

سەردانی لیژنەی پشکنینی هەڵوەشاندەوەی ئۆتۆمبێل دەکات و بردنی ئۆتۆمبێلەکە، بە مەبەستی هەڵوەشاندنەوەی لاشەی.

سەردانی په‌نجه‌ره‌ی کۆمپیوته‌ری سزا و ده‌ستبه‌سه‌رداگرتن دەکات، بە مەبەستی دڵنیابوون لە نەبوونی سزا لەسەر ئۆتۆمبێلەکە.

ئەگەر سزای لەسەر بوو، سەردانی پەنجەرەی سزادان دەکات، بە مەبەستی پێبژاردنی بڕی ئه‌و سزایه‌.

سەردانی ژووری ئه‌فسه‌ری په‌نجه‌مۆر دەکات، بە مەبەستی وه‌رگرتنی په‌نجه‌مۆر.

سەردانی پەنجەرەی وردەکاری کۆمپیوتەر دەکات، بە مەبەستی گەڕاندنەوەی ژمارەی ئۆتۆمبێلەکە بۆ ناو سیستەمی بەڕێوەبەرایەتی هاتووچۆ، بۆ دووبارە بەکارهێنانەوەی ژمارەکە.

سەردانی پەنجەرەی ڕسوومات دەکات، بە مەبەستی دانی ڕسووماتی هەڵوەشاندنەوەی ئۆتۆمبێل.

مامه‌ڵه‌که‌ ڕادەستدەکرێت لە پەنجەرەی وەرگرتنی مامەڵە. دوای وردبینیکردن نووسراوی هاتووچۆی تایبه‌تمه‌ند ده‌درێت به‌ خاوه‌نه‌که‌ی، به‌ مه‌به‌ستی پێدانی ژماره‌یه‌کی تر له‌ جیاتی ژماره‌ی ئۆتۆمبێلی هه‌ڵوه‌شاوه‌.