پێناسە
لە کاتی ونبوونی تابلۆی ئۆتۆمبێل یان ماتۆڕسکیل بە هەموو جۆرەکانییەوە بە هەر هۆکارێک بێت، پێویستە خاوەنی ساڵیانە سەردانی بەڕێوەبەرایەتی هاتووچۆی تایبەتمەند بکات، بە مەبەستی دروستکردنەوەی تابلۆی تازە.
لایەنی بەرپرس
وەزارەتی ناوخۆ / بەرێوبەرایەتی گشتی هاتووچۆی هەرێم / بەرێوبەرایەتی هاتووچۆی پارێزگاکانی هەرێم
ناونیشانی سەردانی هاوڵاتی

ناونیشانی سەردانی هاوڵاتی بۆ بەرێوەبەرایەتییەکانی هاتووچۆ

کاتی کارکردن
(٨:٣٠)ی بەیانی بۆ (٣:٠٠)ی دوانیوەڕۆ.
بەڕێوەبەرایەتی هاتووچۆی هەولێر
هەولێر/ سەر شەقامی (١٥٠)م/ بەرامبەر گەنجان ستی

440
بەڕێوەبەرایەتی هاتووچۆی کۆیە
کۆیە / نزیک بنکەی پۆلیسی کۆیە
440
بەڕێوەبەرایەتی هاتووچۆی سۆران
قەزای سۆران/ سەر ڕێگای دیرزیان/ نزیک یاریگای سۆران
07508687599
بەڕێوەبەرایەتی هاتووچۆی دهۆک
دهۆک / قەزای سمێل / دۆمیز / نزیک وارفین ستی

440
بەڕێوەبەرایەتی هاتووچۆی سلێمانی
سلێمانی/ تاسلوجە
ئیمەیڵ:- info@sultraffic.com

440
بەڕێوەبەرایەتی هاتووچۆی هەڵەبجە
پارێزگای هەڵەبجە / گۆران ستی
0538852876
بەڕێوەبەرایەتی هاتووچۆی گەرمیان
گەرمیان / سەر شەقامی ڕزگاری / کەلار

بەڕێوەبەرایەتی هاتووچۆی ڕاپەڕین
ڕانیە / گەڕەکی ڕاپەڕین

440
مەرجەکانی وەرگرتنی ئەم خزمەتە
تابلۆی ژمارەکە لەو پارێزگایە تۆمارکرابێت کە داواکارییەکەی لێ پێشکەش دەکرێت، لە لایەن خاوەنی ساڵیانە یاخود بریکاری ساڵیانە داواکارییەکە پێشکەش بکرێت.
ساڵیانەی ئۆتۆمبێل یان ماتۆڕسیلەکە ڕەسەن بێت.
پێویستە ئۆتۆمبێل یان ماتۆڕسکیلەکە پشکنینی لاشەی ئۆتۆمبێل یان ماتۆڕسکیل پشکنینی (opvi) توندوتۆڵی ئۆتۆمبێل یان ماتۆڕسکیل بەسەر نەچووبێت، بە پێچەوانەوە پێویستە سەردانی یەکێک لە بنکەکانی پشکنین بکات، بە مەبەستی تازەکردنەوەی پشکنینەکان.
پێویستە بڕی ئەو سزایانە بدرێت کە لەسەر ئۆتۆمبێل یان ماتۆڕسکیلەکەیە.
ئەگەر یەک تابلۆ ون بووبێت، پێویستە لە بەڕێوەبەرایەتی پۆلیسی ون بووەکان نووسراوی ونکردن بهێنێت.
ئەگەر هەردوو تابلۆی ون بووبێت، پێویستە نووسراوی دادگا بهێنێت، و ناتوانرێت هەمان ژمارەی پێشووی ئۆتۆمبێل یان ماتۆڕسکیل پێ بدرێتەوە، بەڵکو ژمارەی نوێی پێ دەدرێت.
ناسنامە و بەڵگەنامەکان
کارتی نیشتمانی یان (ڕەگەزنامەى عێراقى، ناسنامەى بارى شارستانى).
کارتی زانیاری.
ئەگەر بیانی بێت (پاسپۆرت و کارتی نشینگە و لایەنگری دانیشتن).
ساڵیانەی ئۆتومبێلەکە.
ماوەی پێویست بۆ وەدەستهێنانی ئەم خزمەتە
(١) یەک ڕۆژ.
نرخی وەدەستهێنانی ئەم خزمەتە
بە پێی بڕیاری ژمارە (٧٩) ساڵی ٢٠١٦:
- ڕسوماتی ونبوونی تابلۆ بۆ یەکەم جار بڕی (١٠٠،٠٠٠) سەد هەزار دینار.
- ڕسوماتی ونبوونی تابلۆ بۆ دووەم جار بڕی (١٥٠،٠٠٠) سەد و پەنجا هەزار دینار.
- ڕسوماتی ونبوونی تابلۆ بۆ زیاتر لە دووجار بڕی (٢٥٠،٠٠٠) دوو سەد و پەنجا هەزار دینار.

بە پێی ڕێنمایی ژمارە (٢)ی ساڵی ٢٠٢٢:
- ڕسوماتی چاپکردنی (١) یەک تابلۆ (٣٧،٥٠٠) سی و حەوت هەزار و پێنج سەد.
- ڕسوماتی چاپکردنی (٢) دوو تابلۆ (٧٥،٠٠٠) حەفتا و پێنج هەزار.
- ڕسوماتی چاپکردنی (٣) سێ تابلۆ (١١٢،٠٠٠) سەد و دوانزە هەزار دینار.

بە پێی فەرمانی وەزاری ژمارە (٥٩٣) پیتی (د) لە بەرواری ٢٤/١٢/٢٠٢١:
- ڕسوماتی نووسینی سكاڵا (عەریزە) (٥،٠٠٠) پێنج هەزار دینار.
ڕێکار و هەنگاوەکان
پێویسته‌ خاوه‌نی ساڵیانه‌ یاخود‌ بریکاری خاوه‌نی ساڵیانه‌، سه‌ر‌دانی به‌شی پۆلیسی ونبووه‌کانی ئه‌و شوێنه‌ بکات که‌ ساڵیانه‌که‌ی لێ ون کردووه‌. نووسراوی ونبوون بە دەست بهێنێت ئەگەر یەک تابلۆی ون بووبێت. ئەگەر هەردوو تابلۆی ون بووبێت پێویستە نووسراوی دادگا دەبێت.
خزمەتخواز سەردانی بەڕێوەبەرایەتی هاتووچۆی تایبەتمەند دەکات.
سەردانی سکاڵانووس(عه‌ریزه‌نووس)، بە مەبەستی پڕکردنەوەی فۆرمی ونبوون.
په‌نجه‌ره‌ی کۆمپیوته‌ری سزا و ده‌ستبه‌سه‌رداگرتن، بە مەبەستی دڵنیابوون لە نەبوونی سزا لەسەر ئۆتۆمبێل یان ماتۆڕسکیلەکە.
ئەگەر سزای لەسەر بوو، سەردانی پەنجەرەی سزادان بکرێت بۆ پێدانی بڕی سزاکە.
ژووری ئه‌فسه‌ری په‌نجه‌مۆر، بە مەبەستی وه‌رگرتنی په‌نجه‌مۆر.
سەردانی پەنجەرەی ڕسومات دەکات، بە مەبەستی دانی ڕسوماتی ونبوون.
سەردانی پەنجەرەی وەرگرتنی مامەڵە، بە مەبەستی ڕادەستکردنی مامەڵەکە و وردبینیکردن. دواتر سەردانی کارگەی چاپکردنی تابلۆ دەکات، بە مەبەستی چاپکردنی تابلۆی تازە.
لە کاتی گۆڕانی ژمارەی ئۆتۆمبێ یان ماتۆڕسکیلەکە بۆ ژمارەیەکی نوێ، پێویستە سەردانی بەڕێوەبەرایەتی هاتووچۆی تایبەتمەند بکرێت بۆ وەرگرتنەوەی ساڵیانە نوێیەکە.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
وەزیری ناوخۆ
بەڕێوەبەری گشتی دیوان
بەڕێوەبەری دڵنیایی جۆری
پەسەند کراوە لەلایەن
فەرمانگەی هەماهەنگی و بەدواداچوون
پێناسی خزمەت
MOI-18
دوا دەستکاری27-10-2022

Add new comment