وەزارەتی کشتوکاڵ و سەرچاوەکانی ئاو

بریتییە لە شیکردنەوەى خاک لەرووى فیزیاوى و کیمیاوى، و شیکردنەوەى ئاو و دیارکردنى ترشى و تفتی وڕێژەى توخمە قورسەکان و ژەهراوییەکان، هەروەها شیکردنەوەى پەینى کیمیاوى ئۆرگانى ودیارکردنى ڕیژەى تەخمە خۆراکیەکان هەروەها شیکردنەوەى ڕووەک و دیارکردنى ڕێژەى توخمە خۆراکیەکان و ڕێژەى زەیت.

بریتییە لە گواستنەوەى خاوەندارێتى پڕۆژەی سامانی ئاژەڵ (پەلەوەر، کاوێژکارەکان، هەڵهێنەر، کارگەی ئالیک، کوشتارگەى پەلەوەر، پڕۆژەکانى دایکانە (گۆشت و هێلکە) لە کەسێکەوە بۆ کەسێکى تر، لە ئەنجامدانى فرۆشتنى پڕۆژەکە، لە فرۆشیارەوە بۆ کڕیار.

بریتییە لە بەنداوێکى بچووک کە بۆ مەبەستى کۆکردنەوەى سەرچاوەکانى ئاو و باران بۆ بووژانەوەى ئاوى ژێر زەوى و بەراوکردنى زەوییە کشتوکاڵییەکان وە کۆنترۆڵ و کەمکردنەوەى مەترسى لافاو.

چاککردنی مانگای بەکەڵ و زیادکردنی وەچەی نوێ، بەمەبەستی زیاد کردنى بەرهەمى شیر و گۆشت.

بریتییە لە داواکاری خاوەن کارگەکانی چەرەزات و بازرگانەکان بۆ هاوردەکردنی چەرەزات لە دەرەوەی هەرێم.

ئەم پڕۆژەیە بریتییە لە بەرهەمهێنانى نەمامى باخدارى (مێوە و جوانکارى) لە نەمامگەکانى باخدارى لە بەڕێوەبەرایەتی گشتی کشتوکاڵى پارێزگاکان و ئیدارە سەربەخۆکان، بە مەبەستى فرۆشتنیان بەسەر جووتیاران و هاوڵاتیان بە نرخى پاڵپشتیکراو.

بریتییە لەپێدانی پەنجەماسی ئامادەکراو لەپڕۆژەکانی پەنجەماسی لەکەرتی گشتی, بەپڕۆژەکانی بەخێوکردنی ماسی لەکەرتی تایبەت بەنرخێکی پاڵپشتکراو. رێژەیەکیش دیاری دەکرێت بۆ خستنەناو ئاوی بەنداوەکان و کۆگا ئاوییەکان، بە مەبەستی پاراستنی ژێرخانی ماسی لەبەنداوەکان.

پێدانى ڕەزامەندى سەرەتایی بۆ دروستکردنى پڕۆژەکانى سامانى ئاژەڵ دواى دڵنیابوون لە هەبوونى مەرجەکانى دروستکردنى پڕۆژەکە پێویستە هەموو پڕۆژەیەک ڕەزامەندى سەرەتایی وەربگرێت پێش دروستکردنى.

بریتییە لە دابەشکردن و فرۆشتنى نەمامى دارستان لە نەمامگەکانی تایبەت بە بەڕێوەبەرایەتى دارستان و پاوان لە پارێزگاکان و ئیدارە سەربەخۆکان، ئەم پرۆسەیە ساڵانە لە مانگى یازدە (١١) تا کۆتایى مانگى چوار (٤)، واتا بۆ ماوەى شەش (٦) مانگ بەردەوام دەبێت.

دابین کردنى دەرمان وڤاکسینى ڤیتیرنەرى وپێداویستى تاقیگەیى بۆ بەرێوەبەرایەتى ڤیتیرنەرى پارێزگاکان و ڕێکخستن و رێپێدانى مۆلەتى هاوردنى دەرمان وڤاکسینى ڤیتیرنەرى وپێداویستى تاقیگەیى بۆ کۆمپانیاکانى ڤیتیرنەرى.