وەزارەتی سامانە سروشتییەکان

ئەنجامدانی کەشفی ساڵانە لە ڕووی پەیڕەوکردنی ڕێنمایی تایبەت بە ڕێکارەکانی پێدان و نوێکردنەوەی مۆڵەت بە کارگەی غاز و وێستگەی سوتەمەنی.

ڕێگەدان بە فرۆشتن و دابەشکردنی بوتڵی غاز بەپێى مەرج و ڕێنماییەکانی دابەشکردن، واتا بوون بە بریکاری دابەشکردنی غاز.

بۆ هەڵسەنگاندنی کوالێتی بەرهەمە نەوتییەکان و کانزاکان و ئاو، دڵنیاکردنەوەی هاوڵاتییان بۆ کوالێتی ئەم بەرهەمانەی دەگاتە دەستیان بۆ نموونە:- (تاقیگەی پشکنینی نەوتی خاو و بەرهەمەکانی، تاقیگەی پشکنینی ئاوی پیشەسازی، تاقیگەی پشکنینی کانزایی).

بۆ تۆمارکردنی کۆمپانیا خزمەتگوزارییە نەوتییەکان، که دەیانەوێت له هەرێمی کوردستان له‌ بواری نه‌وت و گاز کار بکەن.

دەرهێنان و نوێکردنەوەی مۆڵەتی کانگاکان (تێکەڵە، چەو و لم، بەردی مەرمەر، بەردی مۆزاييک، خۆڵ، خۆڵى كەرپوچ، سەرەبەرد، بەردى بيناسازى، لمی باخچە و گەچ). واتا پاش ئەوەی لیژنەیەک لەناو بەڕێوەبەرایەتی وەبەرهێنانی کانزایی / بەڕێوەبەرایەتی کانەبەردەکان هەڵدەبژێردرێت، بە مەبەستى سەردان بۆ شوێنی کانگاکە پاش هەموو پێزانین و ڕێنماییەکانی وەبەرهێنانی کانزایی بڕیاری مۆڵەتپێدان دەدرێت، یاخود پاش ئەوەی کانگاکە بەرهەمهێن دەبێت بڕیاری نوێکردنەوە دەدرێت، بۆ جێبەجێكردنى ياساى وەبەرهێنانى كانزايی و ڕێگرى بە كاركردن بەشێوەى سەرپێچى لە لايەن هاوڵاتيان.

پرۆسەیەکە ئەنجامدەدرێت، بە مەبەستی دابەشکردنی نەوت بەسەر هاوڵاتییان بەپێی پسوولەی خۆراک لە ڕێگەی تانکەری گواستنەوەی نەوت.

دروستکردنی پڕۆژەی گەشتیاری و وێستگەی کارەبا و تاوەری مۆبایل و کارگەی ئاسن تواندنەوە و کارگەی بەرهەمهێنانی گازی دەستکرد و کارگەی غاز و کارگەی ئالیک و کارگەی کۆنکرێتی ئامادەکراو و کارگەی چیمەنتۆ و کارگەی بلۆک و کارگەی بۆڕی بلاستیکی و کارگەی خشتی سوور و غەسلی ئۆتۆمبێل و کارگەی ڕیسایکلین و کارگەی زەیتون و کارگەی شیرەمەنی و گۆرەپانی یاریگا و کۆگای ساردکەرەوە و پەلەوەر و حەوزی ماسی و نەمامگە و باخ و هەنگ و مانگای شیر و مەڕو بزن و بیری ئاو، کە لە لایەن هاوڵاتییانی هەرێمی کوردستان یان کەرتی تایبەت یان کەرتی گشتی دروستدەکرێن بۆ دڵنیابوون، کە لە داهاتوو ئەم ناوچەیە یان ئەم شوێنە نابێتە شوێنی کێڵگەی نەوتی یان کانزایی.

پێدانی ڕێنمایی تایبەت بە خاوەن وێستگە لە سەرەتای دروستکردنیدا بۆ کەشفی زەوی تەرخانکراو لە لایەن لیژنەکانەوە.

ئەنجامدانی گرێبەستی گواستنەوەی گازئۆیل بۆ وێستگەکانی کارەبا و گواستنەوەی نەوتی خاو بۆ پاڵاوتگەکان لە کێڵگەکان.

سەرپەرشتی کردنی راکێشانی بۆڕی غازی بۆ ماڵان، شوێنە گەشتیارییەکان، کەرتی پیشەسازی و کشتوکاڵی کە لە لایەن کۆمپانیای رێپێدراو ئەنجام دەدرێت و دواتر غازەکەی بۆ دابین دەکرێت.