پێدانی مۆڵەتی سەرەتایی کارگە

پێناسە
ئەم پرۆسەیە بریتییە لە دەرکردنی مۆڵەتی سەرەتایی بۆ خاوەن پڕۆژەکانی کەرتی تایبەت، کە ڕێگەیان پێدەدات دەست بە پڕۆژەکانیان بکەن و ئامێری پێویست هاوردە بکەن.
زانیاریی لایەنی بەرپرس

وەزارەتی بازرگانی و پیشەسازی » بەڕێوەبەرایەتی گشتی گەشەپێدانی پیشەسازی

کاتی کارکردن
(٨:٠٠)ی بەیانی تاکو (٣:٠٠)ی دوای نیوەڕۆ.
بەڕێوەبەرایەتیى گشتیى گەشەپێدانى پیشەسازى / هەولێر١
هەولێر / شەقامى (٦٠)م / ناو دیوانى وەزارەتى بازرگانى
بەڕێوەبەرایەتیى گەشەپێدانى پیشەسازى / هەولێر٢
هەولێر / شەقامى مەخمور / نزیک کارگەى بیپسى حەیات
ئیمەیل:- info@industryErbil
0662549830
بەڕێوەبەرایەتیى گەشەپێدانى پیشەسازى / سلێمانى
سلێمانى / شەقامى سالم
ئیمەیل:- industry suleimany@gmail.com
07480103169
بەڕێوەبەرایەتیى گەشەپێدانى پیشەسازى / دهۆک
دهۆک / ماڵتا / شەقامى زاخۆ
ئیمەیل:- dohukinfoindustry@yahoo.com
07504544638
مەرجەکان
ئەو پڕۆژەیە لە پلانى ساڵانەى وەزارەتى بازرگانى و پیشەسازى هەبێت کە خزمەتخواز دەتوانێت لە ڕێگای ئەم بەستەرەوە https://gov.krd/moti/ ئاگادار بێت لە پلانی ساڵانەی وەزارەت.
پێشکەشکردنی کەتەلۆگی پەسەندکراو لە لایەن کۆمپانیای بەرهەمهێنی ئامێرەکان.
پێشکەشکردنی ئۆفەری کڕینی پەسەندکراوی ئامێرەکان لە لایەن کۆمپانیای بەرهەمهێن، بە مەرجێک مۆدێلی ئامێرەکان لە ٢٠١٧ بەرەو سەرەوە بێت، توانای بەرهەمی ئامێرەکانی تێدا نووسرابێت و نرخی ئامێرەکە دیاری کرابێت.
کەڵکى ئابوورى (جدوى الاقتصادي) بۆ کارگەکە ئامادەکراو بێت و پەسەندکرابێت لە لایەن سەندیکاى ئابووریناسان.
نووسینی سەر ئامێرەکە دەبێت بە کوردی، عەرەبی یان ئینگلیزی بێت.
(Layout)ی پرۆژەکە.
هێنانی پاکانەی باجی دەرامەتی خاوەن کارگە.
نووسراوی وەرگرتنی ناوی بازرگانی لە بەڕێوەبەرایەتیی گشتیی تۆمارکردنی کۆمپانیاکان.
خزمەتخواز پێویستە لە ماوەی سێ (٣) ساڵدا ئامێری مۆڵەتپێدراو بهێنێت.
ناسنامە و بەڵگەنامەکان
کارتى نیشتمانى (یان ناسنامەى باری شارستانى و ڕەگەزنامەى عێراقى).
ماوەی پێویست
بیست (٢٠) بۆ سی(٣٠) ڕۆژی کارکردن.
تێچوو
بەپێی ڕێنمایی دارایی ژمارە (٥٠) لە ڕێکەوتی ٢٥\١١\٢٠٠٧ خشتەی ڕەسم و کرێی خزمەتگوزارییەکان لە دامودەزگاکانی حکومەتی هەرێمی کوردستان، ژمارە (١) بڕگە (ب)، بڕی:
(٠,٠٠١) لە کۆی نرخى ئامێرەکان وەردەگیرێت.
ڕێکار و هەنگاوەکان
خزمەتخواز سەردانی یەکێک لە بەڕێوەبەرایەتییەکانى سەر بە بەڕێوەبەرایەتیی گشتیی گەشەپێدان دەکات بەپێی سنوورى جوگرافیاکەی.
سەردانی بەڕێوەبەر دەکات، بە مەبەستی پێشکەشکردنی داواکاری.
سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتەی داواکارییەکە.
سەردانی بەشی پلان دەکات، بە مەبەستی پشکنینی هەبوونی چاڵاکی کارگە لە خشتەی ساڵانەی حکومەت.
سەردانی بەڕێوەبەر دەکات، بە مەبەستی هامشکردن لەسەر داواکارییەکە.
سەردانی بەشی هونەری دەکات، بە مەبەستی وەرگرتنی نامەی داواکاری ئەستۆپاکی باجی دەرامەت، لەگەڵ نامەی داواکاری ئەستۆپاکی ناوی بازرگانی لە ژوورەکانی بازرگانی و پیشەسازی.
سەردانی بەشی یاسایی دەکات، بە مەبەستی لێوەرگرتنی بەڵێننامە.
سەردانی بەڕێوەبەر دەکات، بە مەبەستی واژۆکردنی نامەی داواکاری ئەستۆپاکی باجی دەرامەت و نامەی داواکاری ئەستۆپاکی ناوی بازرگانی، لە ژوورەکانی بازرگانی و پیشەسازی.
سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی دەرکردەی نامەی داواکاری ئەستۆپاکییەکان.
سەردانی باجی دەرامەت دەکات، بە مەبەستی هێنانەوەی ئەستۆپاکی.
سەردانی ژوورەکانی بازرگانی و پیشەسازی دەکات، بە مەبەستی هێنانەوەی ئەستۆپاکی ناوی بازرگانی.
سەردانی بەڕێوەبەر دەکات، بە مەبەستی واژۆکردنی ئەستۆپاکی باجی دەرامەت و ژوورەکانی بازرگانی و پیشەسازی.
سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتەی داواکارییەکە.
سەردانی بەشی هونەری دەکات، بە مەبەستی پێشکەشکردنی بەڵگەنامەکان.
دوای پێنج (٥) بۆ حەوت (٧) ڕۆژ، خزمەتخواز سەردانی بەشی هونەری دەکاتەوە، بە مەبەستی وەرگرتنی پسوولە.
سەردانی بەشی وردبینی دەکات، بە مەبەستی وردبینیکردنی بەڵگەنامەکان.
سەردانی بەشی ژمێریاری دەکات، بە مەبەستی لێوەرگرتنی ڕسومات.
سەردانی بەشی هونەری دەکات، بە مەبەستی وەرگرتنەوەی مۆڵەتەکە.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
پێویستە ئەم خزمەتە لەلایەن بەڕێزان وەزیر/سەرۆکی دەستە و بەڕێوبەری گشتی دیوان و لیژنەی خزمەت واژوو بکرێت.
پێناسی خزمەت
MOTI-05
دوا دەستکاری27-03-2024

Feedback

ئایا ئەم زانیارییە بەسوودە؟

Please include your email if you want us to follow up with you.