تۆمارکردنی لقی کۆمپانیای بیانی

تۆمارکردنى لقی کۆمپانیا و دامەزراوە ئابوورییە بیانییەکانە لە هەرێمی کوردستان، بە مەبەستی هێنانە ناوەوەی سەرمایەی بیانی و بەرەو پێشبردنی ئابووری، بەشێوەی ئەلیکترۆنی لە ڕێگای پۆرتاڵی تۆمارکردنی دامەزراوە بازرگانیەکان.

لایەنی بەرپرس

وەزارەتی بازرگانی و پیشەسازی / بەڕێوەبەرایەتی گشتی تۆمارکردنی کۆمپانیاکان / بەڕێوەبەرایەتی تۆمارکردنی لقی کۆمپانیا بیانیەکان

ناونیشانی سەردانی هاوڵاتی

ئەدرەسی وەزارەتی بازرگانی- بەڕێوەبەرایەتی گشتی تۆمارکردنی کۆمپانیاکان

ماڵپەڕ

ماڵپەڕی فەرمی وەزارەتی بازرگانی و پیشەسازی

ماڵپەڕی فەرمی تۆمارکردنی دامەزراوە بازرگانییەکان

کاتی کارکردن

(٩:٠٠) بەیانی بۆ (١٢:٠٠) نیوەڕۆ (ڕسومات دادەخرێت).

ناونیشانەکان

بەڕێوەبەرایەتی گشتی تۆمارکردنی کۆمپانیاکان / هەولێر

هەولێر / ئیسکان شەقامی جەوهەر باپیر
ئیمەیڵ :- company@moti.gov.krd

0662273919

بەڕێوەبەرایەتی کۆمپانیاکان / هەولێر

هەولێر / گەڕەکی برایەتی نزیک بەندیخانەی نەوجەوانان

بەڕێوەبەرایەتی کۆمپانیاکان / سلێمانی

سلێمانی / شەقامی حمە جەزا

بەڕێوەبەرایەتی کۆمپانیاکان / دهۆک

دهۆک / شەقامی مازی

بەڕێوەبەرایەتی کۆمپانیاکان / زاخۆ

مەرجەکانی وەرگرتنی ئەم خزمەتە

بریکارنامە، ئەگەر لە لایەن بریکاری یاساییەوە ڕێکارەکان ئەنجام بدرێت.

بريکارنامەى تايبەت

پێویستە کۆمپانیا لە وڵاتی دایک بە فەرمی تۆمار کرابێت.

پێویستە بەڕێوەبەری لق لە هەرێمی کوردستان بە فەرمی دانیشتووی هەرێم بێت.

پێویستە کۆمپانیا لە وڵاتى دایک ساڵێک بەسەر دامەزراندنى تێپەر ببێت و لە ئەژمێرەی کۆتایی، بارى دارایى کۆمپانیا باش بێت.

لقی کۆمپانیا پێویستە ئەدرەسی فەرمی هەبێت.

سەرجەم بەڵگەنامە بیانییەکان لە فەرمانگەی پەیوەندییەکانی دەرەوە و و وەزارەتی داد، ڕاستاندنیان بۆ بکرێت.

ڕاستاندنی ئەو بەڵگەنامانەی لە دەرەوی هەرێمی کوردستان دەرچوون، لە لایەن فەرمانگەی پەیوەندییەکانی دەرەوە

ڕاستاندنی ئەو بەڵگەنامانەی کە لە دەرەوەی هەرێم دەردەچن (تصدیق الوثائق الصادرة من خارج الاقلیم) لە لایەن وەزارەتی داد

ناسنامە و بەڵگەنامەکان

بڕوانامەی دامەزراندنی کۆمپانیا لە وڵاتی دایک کە ڕاستێندراو بێت لە باڵوێزخانەی عێراق یان نوێنەرایەتی حکومەتی هەرێم لەو وڵاتە (یان نزیکترین باڵوێزخانە) و وەرگێڕدرابێتە سەر زمانی عەرەبی یان کوردی.

گرێبەستی دامەزراندنی کۆمپانیای دایک کە ڕاستێندراو بێت لە باڵوێزخانەی عێراق یان نوێنەرایەتی حکومەتی هەرێم لەو وڵاتە و وەرگێڕدرابێتە سەر زمانی عەرەبی یان کوردی.

ئەژمێرەى کۆتایى (حیساباتی خیتامی) دوا ساڵی دارایى کۆمپانیای دایک کە ڕاستێندراو بێت لە باڵوێزخانەی عێراق یان نوێنەرایەتی حکومەتی هەرێم لەو وڵاتە و وەرگێڕدرابێتە سەر زمانی عەرەبی یان کوردی.

بڕیاری (کۆنووس)ی بۆردی بەڕێوەبردنی کۆمپانیای دایک بە کردنەوەی لقی کۆمپانیا لە هەرێمی کوردستان کە ڕاستێندراو بێت لە باڵوێزخانەی عێراق یان نوێنەرایەتی حکومەتی هەرێم لەو وڵاتە و وەرگێڕدرابێتە سەر زمانی عەرەبی یان کوردی.
ئەم بڕیاری کردنەوەى لقە دەبێت بە شێوەیەکی فەرمی ئاڕاستەی بەڕێوەبەرایەتی گشتی تۆمارکردنی کۆمپانیاکان لە هەرێمی کوردستان کرابێت، کە تێیدا بەڕێوەبەری لق و دەسەڵاتەکانی بەڕێوەبەرەکە، هەروەها بریکاری یاسایی دەستنیشان کرابن.

کارتی نیشتیمانی و کارتى زانیارى بۆ بەڕێوەبەری لق ئەگەر عێراقى بێت، کارتی نشینگە و پاسپۆرت ئەگەر بەڕێوەبەرەکە بیانی بێت.

گرێبەستی کرێ یان قەواڵەی مولک بۆ ئەدرەسی لقەکە.

ماوەی پێویست بۆ وەدەستهێنانی ئەم خزمەتە

(١) یەک بۆ (٣) سێ ڕۆژی کارکردن.

نرخی وەدەستهێنانی ئەم خزمەتە

بە پێی بڕیاری ژمارە (١١٩) لە ٢٠/١١/٢٠١٧.
(٢٠٠،٠٠٠) دوو سەد هەزار ڕسومی تۆمارکردنی لقی کۆمپانیای بیانی.
(٥٠،٠٠٠) پەنجا هەزار کرێی وردبینیکردنی بەڵگەنامەکان.
(٢٥،٠٠٠) بیست و پێنج هەزار کرێی بڵاوکردنەوە.
(٢٥،٠٠٠) بیست و پێنج هەزار کرێی پشکنینی بارەگای کۆمپانیا.

ڕێکار و هەنگاوەکان

لە رێگەی سیستەمێکی ئەلەکترۆنیەوە (پۆرتاڵی تۆمارکردنی دامەزراوە بازرگانییەکان) گشت بەڵگەنامەکان پێشکەش دەکەیت و چاوەڕێ دەکەیت تا لە رێگەی ئیمەیلەوە ئاگادار دەکرێیتەوە کە سەردانی فەرمانگە بکەیت بەمەبەستی بردنی بەڵگەنامە رەسەنەکان بۆ پشتڕاستکردنەوە.

پۆرتاڵی تۆمارکردنی دامەزراوە بازرگانییەکان

لە فەرمانگە گشت بەڵگەنامەکان کە لە سیستەم داندراوە بەراورد دەکرێت لەگەڵ وێنە ڕەسەنەکان و پاشان ڕسوماتت لێوەردەگیرێت و وێنەیەکی ڕەسەن لە بڕیار و مۆڵەتی تۆمارکردنی لقی کۆمپانیای بیانی وەردەگریت.

فۆرمی داواکاری

پێویستە فۆرمی داواکاری هاوپێچ بکرێت، ئەگەر هەبێت.

یاسا و رێنمایی