پێناسە
پێدانی مۆڵەتی کارە بە نوسینگەی تایبەتمەند لە بواری فێرکردنی شۆفێری بە هەموو جۆرەکانییەوە لە هەرێمی کوردستان.
لایەنی بەرپرس
وەزارەتی ناوخۆ / بەڕێوەبەرایەتی گشتی دیوان / بەڕێوەبەرایەتی کۆمپانیا ئەمنیەکان و مۆڵەتپێدان
ناونیشانی سەردانی هاوڵاتی

ناونیشانی سەردانی هاوڵاتی بۆ وەزارەتی ناوخۆ و بەڕێوەبەرایەتییەکانی هاتووچۆ

کاتی کارکردن
(٨:٣٠)ی بەیانی بۆ (٣:٠٠)ی دوا نیوەڕۆ.
بەڕێوەبەرایەتی کۆمپانیا ئەمنیەکان و مۆڵەتپێدان / هەولێر
هەولێر / تەنیشت ئاسایشی هەولێر
بەڕێوەبەرایەتی هاتووچۆی هەولێر
هەولێر/ سەر شەقامی (١٥٠)م/ بەرامبەر گەنجان ستی
066188
بەڕێوەبەرایەتی هاتووچۆی کۆیە
بەڕێوەبەرایەتی هاتووچۆی سۆران
قەزای سۆران/ سەر ڕێگای دیرزیان/ نزیک کارگەی قیرتاوی سۆران
07508687599
بەڕێوەبەرایەتی هاتووچۆی سلێمانی
سلێمانی/ تاسلوجە
ئیمەیڵ:- info@sultraffic.com
053188
بەڕێوەبەرایەتی هاتووچۆی هەڵەبجە
پارێزگای هەڵەبجە / گۆران ستی
0538852876
بەڕێوەبەرایەتی هاتووچۆی ڕاپەڕین
ڕانیە / گەرەکی ڕاپەڕین
بەڕێوەبەرایەتی هاتووچۆی دهۆک
دهۆک / قەزای سمێل / دۆمیز / نزیک وارفین ستی
062188
بەڕێوەبەرایەتی هاتووچۆی گەرمیان
گەرمیان / سەر شەقامی ڕزگاری / کەلار
مەرجەکانی وەرگرتنی ئەم خزمەتە
تەمەنی خاوەن نوسینگە لە (١٨) هەژدە ساڵ کەمتر نەبێت.
شوێنی تایبەتی هەبێت و گونجاو بێت لەگەڵ مەرجەکانی لیژنەی پشکنینی نوسینگە کە هاوپێچ کراوە.
دابینکردنی (٢) دوو ئۆتۆمبێل تایبەت و (٢) دوو ئۆتۆمبێلی بارهەڵگر کە مەرج و جۆری ئۆتۆمبێل بە گشتی هاوپێچ کراوە بە پێی ڕێنمایی ژمارە (٣) ساڵی ٢٠١٦ هەمواری دووەمی ژمارە (٦)ی ساڵی ٢٠١٨ هەمواری سێیەمی ژمارە (١٦)ی ساڵی ٢٠١٨.
دابینکردنی (٢) دوو ڕاهێنەر خاوەن بڕوانامەی ڕاهێنان بێت بە لایەنی کەم مۆڵەتی شوفێری گشتیان هەبێت، بە گشتی هاوپێچە.
ڕەزامەندی پۆلیس.
بریکارنامەی یاسایی ئەگەر خزمەتەکە لە لایەن بریکارەوە داوا بکرێت.
پشتگیری موختار.
پشکنینی تەندروستی شوفێرەکان و خاوەن نوسینگە.
پێوستە نووسراوی پاکانە باجی دەرامەتی هەبێت.
ڕەزامەندی لیژنەی پشکنین.
ماوەی مۆڵەت پێدانی کردنەوەی نووسینگە (١) یەک ساڵە، پێویستە خزمەتخواز دوای ساڵێک مۆڵەتەکە نوێ بکاتەوە.
ناسنامە و بەڵگەنامەکان
کارتی نیشتمانی یان (ڕەگەزنامەى عێراقى، ناسنامەى بارى شارستانى)ی بەڕێوەبەری ڕێپێدراو.
ئەگەر بیانی بێت (پاسپۆرت و کارتی نشینگە).
کارتی زانیاری بەڕێوەبەری ڕێپێدراو.
لیستی ناوی بەڕێوەبەڕ و ڕاهێنەرانی نوسینگە لەگەڵ بڕوانامەکانیان و مۆڵەتی شۆفێرییان.
ساڵیانەی ئۆتۆمبێلەکان لەگەڵ کۆنووسێک بۆ ئامێر و کەلوپەلەکانی ئۆتۆمبێلی فێرکردن.
بیمەی تایبەت بۆ گەرەنتی پاراستنی ئۆتۆمبێل و کەسەکان.
ماوەی پێویست بۆ وەدەستهێنانی ئەم خزمەتە
(١) یەک مانگ بۆ (٢) دوو مانگ.
نرخی وەدەستهێنانی ئەم خزمەتە
بە پێی ماددەی (٦)، پێنجەم، بڕگە (١) لە ڕێنمایی ژمارە (٣) ی ساڵی ٢٠١٦ی وەزارەتی ناوخۆ،
- (١،٠٠٠،٠٠٠) یەک ملیۆن دینار ڕسوماتی پێدانی مۆڵەتی کارکردنە بۆ ماوەی (١) یەک ساڵ و بە پێی هەمان ماددە بڕگە (٢)، (٥٠٠،٠٠٠) پێنج سەد هەزار دینار بۆ نوێکردنەوەی ساڵانەی مۆڵەتی کارە.
- (١٠،٠٠٠) دە هەزار دینار وەردەگیرێت بۆ هەر کاتژمێرێک لە بەرامبەر بەکارهێنانی گۆڕەپانی بەڕێوەبەرایەتی هاتووچۆی تایبەتمەند.
ڕێکار و هەنگاوەکان
سەردانی بەڕێوەبەرایەتی هاتووچۆی تایبەتمەند لە پارێزگاکان دەکات بۆ نوسینی داواکاری ''ڕەزامەندی دیاریکردنی ناوێک بۆ نوسینگە''.
سەردانیکردنی هۆبەی هاتوو لە دیوانی وەزارەتی ناوخۆ، بە مەبەستی تۆمارکردنی داواکارییەکەی کە بە نووسراو لە بەڕێوەبەرایەتی گشتی هاتووچۆ هێناویەتی.
سەردانیکردنی هۆبەی مۆڵەتپێدان لە بەڕێوەبەرایەتی کۆمپانیا ئەمنییەکان و مۆڵەتپێدان لە دیوانی وەزارەتی ناوخۆ، بە مەبەستی وردبینیکردن لە بەڵگەنامەکان.
خزمەتخواز دوای ئەو کاتەی کە بۆی دیاریکراوە سەردانی بەڕێوەبەرایەتی کۆمپانیا ئەمنییەکان و مۆڵەتپێدان لە دیوانی وەزارەتی ناوخۆ دەکاتەوە، بە مەبەستی دانی ڕسومات لە بەشی خەزنە.
دوای گەڕانەوەی ڕەزامەندی کردنەوەی نوسینگە لە وەزارەتی ناوخۆ، خزمەتخواز پێویستە سەردانی بەڕێوەبەرایەتی گشتی هاتووچۆ بکات، بە مەبەستی دانی ڕسوومات.
پشکنینی شوێنی نوسینگەی بۆ دەکرێت لە لایەن ئەندازیارێکی ڕووپێوی کە ئەندام بێت لە سەندیکای ئەندازیارانی کوردستان.
دووبارە سەردانی بەڕێوەبەرایەتی هاتووچۆی پارێزگاکان دەکات لە بەشی مۆڵەت، بە مەبەستی وەرگرتنی مۆڵەتی کردنەوەی نوسینگەی فێرکردنی شۆفێری.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
وەزیری ناوخۆ
بەڕێوەبەری گشتی دیوان
بەڕێوەبەری دڵنیایی جۆری
پەسەند کراوە لەلایەن
فەرمانگەی هەماهەنگی و بەدواداچوون
پێناسی خزمەت
MOI-30
دوا دەستکاری24-08-2022

Add new comment