خوێندن و ڕاهێنان

پێدانی مۆڵەتی کردنەوەی زانکۆ و لقی زانکۆی نێودەوڵەتی، پەیمانگەی تایبەت، لقی زانکۆی تایبەتی ناوخۆیی و لقی پەیمانگەی تایبەتی ناوخۆییە، هەروەها کردنەوەی کۆلێژ، سەنتەری زانستی و بەشی زانستی لە زانکۆ و پەیمانگە تایبەتەکان لە هەرێمی کوردستان.

گواستنەوەی قوتابییان و خوێندکارانە لە نێوان زانکۆ و پەیمانگەکانی هەرێم، یان لە زانکۆ و پەیمانگەکانی ناوەڕاست و باشوری عێراق یان قوتابییانی دەرەوەی وڵات بۆ زانکۆ و پەیمانگەکانی هەرێم یان قوتابییانی هەرێم بۆ دەرەوەی وڵات.

کردنەوەی خولی ڕاهێنانی پیشەیی بۆ هاوڵاتییان بۆ کەمکردنەوەی ڕێژەی بێکاری و بەرزکردنەوەی ئاستی ڕۆشنبیری لە بوارە جیاوازەکان وەکو PVC، کاره‌با، ساردکەرەوە، دورمان، کۆمپیوتەر.

وەرگرتنى مۆڵەتى كردنەوەى پەیمانگای ناحكومى بە پێی ئەو بەشەی داواكار داوای مۆڵەتی كردنەوەی بۆ دەكات، كە چەند بەشێک دەگرێتەوە (كۆمپیوتەر، نەوت، وەرزش، هونەر و مۆسیقا، كارگێڕی، ژمێریاری)، بە مەبەستی وەرگرتنی قوتابیان، بەتایبەتی ئەوانەی كە دەرچووی پۆلی (٩)ی بنەڕەتین، لە خوێندن دابڕاون و مافی خوێندنیان نییە لە پەیمانگا یاخود قوتابخانە میرییەكان، لەبەر ئەوەی لەم پەیمانگایانە مەرجی تەمەن نییە بۆ وەرگرتنیان.

وەرگرتنەوەی بڕوانامەی دەرچوون، بۆ مەبەستی درێژەدان بە خوێندن، دامەزراندن یاخود هەر مەبەستێکی تر بێت.

بە مەبەستی درێژەدان بە خوێندن لە دەرەوەی وڵات یاخود هەر مەبەستێکی تر، پێویستە دەرچووان بە شێوەیەکی فەرمی لە وەزارەتی پەروەردە، بە بەرگی وەرگێڕانی بڕوانامەی تایبەت، بڕوانامەكانیان وەربگێڕنە سەر زمانی ئینگلیزی.

بریتییە لە ساناكردن و ڕاپەراندنی ئیش و كارەكانی چاپەمەنی ئەم وەزارەتە و بە چاپ گەیاندنی بەرهەمە گرنگەكانی نووسەر و شاعیر و هونەرمەندەكان، بە مه‌به‌ستی خزمه‌تكردن به‌ بزوتنه‌وه‌ی ڕوناكبیری و ده‌وڵه‌مه‌ندكردنی كتێبخانه‌ی كوردی و هاندان و ده‌ستگرتنی نووسه‌ران و ڕوناكبیران بۆ چاپكردنی به‌رهه‌مه‌كانیان.
(ڕێنمایی ژمارە (٢)ی ساڵی ١٩٩٨)، هه‌روه‌ها (بڕیاری ئه‌نجومه‌نی وه‌زیران ژماره‌ (٥١٢) له‌ (٢٣)ی ئابی ٢٠٠٥).

ناردنى ئارەزمەندان فەرمانبەر بێ یاخود نا بۆ دەرەوەى ووڵات بە مەبەستى خوێندنى باڵا ماستەر / دکتۆرا لە چوارچیوەى زەمالات کە ووڵاتانى دەرەوە دەبەخشنە بە حکومەتى هەرێمى کوردستان.

په‌سه‌ندكردنی بڕوانامەى دەرچووانى زانکۆ و پەیمانگا حكومییه‌كان لە دكتۆرا و ماسته‌ر و دبلۆمی باڵا و به‌كالۆریۆس و دبلۆم، دوای وردبینی و یه‌كانگیربوونی نووسراو و زانیاری و مۆر و واژووی سه‌ر بڕوانامه‌ له‌گه‌ڵ ئه‌و داتایەی له‌ بەڕێوەبەرایەتی بڕوانامه‌كان پارێزراوه‌ چ له‌شێوه‌ی فایلی به‌رجه‌سته‌ یان فایل و داتای كۆمپیوته‌ری، و هه‌ماهه‌نگی له‌گه‌ڵ زانكۆ حكومییه‌كان بۆ ئه‌م مه‌به‌سته.

بەڕێوەبەرایەتیی گشتیی کتێبخانە گشتییەکان خزمەتگوزاری سپاردنی کتێب و چاپکراوی ناخولەکی لە ڕێگەی هۆبەکانی سپاردن پێشکەشدەکات، و بەرپرسە لە جێبەجێکردنی (یاسای چاپەمەنی هەرێمی کوردستان ژمارە (١٠) ساڵی ١٩٩٣ هەموارکراو - مادەی هەشتەم) بەپێدانی ژمارەی سپاردن بۆ کتێب و چاپکراوی ناخولەکی پێش چاپکردنیان و تۆمارکردنیان لە تۆمارەکانی سپاردن لە بەرامبەر وەرگرتنی پێنج (٥) دانە لە هەر کارێک دوای چاپکردن.