پێدانى مۆڵەتى بیناکردن بۆ دروستکردنى خانوو

بۆ به‌ده‌ستهێنانی ئه‌م خزمه‌ته‌ هه‌ندێک ڕسومات دیاریکراوه‌، بە شێوەیەکى گشتى تێچووى بەدەستهێنانى ئەم خزمەتە دەوەستێتە سەر قەبارەى پڕۆژەکە:
ئەم ڕسوماتانە لە ڕێگەى هاوکێشەى تایبەتەوە دیاریکراون به‌پێی (بڕیاری ژمارە (١٢٦)ی ساڵی ٢٠١٧ی ئەنجومەنی وەزیران):
- ڕووربەى گشتی خانوو × ١,٠٠٠ دینار = ڕسوماتى خانوو.
- ڕووکارى خانوو × شۆسته‌ × ١٥,٠٠٠ دینار = ڕسوماتى شۆستە.
- ڕووکارى خانوو × پانى شەقام (قیر) × ٨,٠٠٠ دینار / ٤ = ڕسوماتى قیر.
- ڕووکارى خانوو × ٧,٠٠٠ دینار / ٤ = ڕسوماتى قاڵبی شۆسته‌.
- دانانى بارمتە (أمینات) بە بڕى (٣,٠٠٠) سێ هەزار دینار بۆ یەک مەتر دووجا، دواى تەواوبوونى کارەکەى دەتوانێت وەری بگرێتەوە.
- کرێى پشکنین بۆ هەر پشکنینێک بڕى (١٥,٠٠٠) پازدە هەزار دینار وەردەگیرێت.