وەرگرتنی مۆڵەتی قوتابخانەی ئامادەیى ئەکادیمى ناحکومى

ڕسوماتی داواکاری مۆڵەتى کردنەوەی قوتابخانەی ئامادەیى ئەکادیمى ناحکومى بەم شێوەیەى خوارەوەیە:
١- بڕى (٢،٠٠٠،٠٠٠) دوو ملیۆن دینار وەردەگیرێت لە بەڕێوەبەرایەتی ژمێریاری لە دیوانی وەزارەت بە پێی پسوولەى دارایی ژمارە (٣٧أ) کە لە ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگا ناحکومییەکان ژمارە (٣)ی ساڵی ٢٠٢٠، ئەگەر هاتوو ڕەزامەندى درا وەیان نەدرا لە وەزارەتى پەروەردە بە داواکار ئەو بڕە پارەیە گەڕانەوەى نییە.
٢- بڕى (٤٠٠،٠٠٠) چوار سەد هەزار دینار وەردەگیرێت بۆ بەشداربوون لە خزمەتگوزارى ئەلیکترۆنى لە سیستەمى (e-parwarda) پارەکە کۆمپانیاى (soft max) وەریدەگرێت بۆ ماوەى (١) یەک ساڵ بەرامبەر خزمەتگوزارى ئەلیکترۆنى کە بریتییە لە:
- سیستەمى زانیارى قوتابى.
- سیستەمى قوتابخانە.
- سیستەمى مامۆستا و فەرمانبەران.
- خولى ڕاهێنان.
- پاڵپشتى و سازدانەوە بۆ ماوەى (١٢) دوازدە مانگ.
- هەڵگرتنى زانیارى داواکار بۆ ماوەى (١٨) هەژدە مانگ.
٣- ئەگەر هاتوو ڕەزامەندى درا لە وەزارەتى پەروەردە بە داواکارى مۆڵەتى قوتابخانەی ئامادەیى ئەکادیمى، پێویستە داواکار ڕسوماتی پێدانی مۆڵەت بە بڕى (١٠،٠٠٠،٠٠٠) دە ملیۆن دینار بدات لە بەڕێوەبەرایەتی ژمێریاری لە دیوانی وەزارەت، بە پێی پسوولەى دارایی (٣٧أ). بە پێی ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگا ناحکومییەکان ژمارە (٣)ی ساڵی ٢٠٢٠.
٤- ئەگەر هاتوو ڕەزامەندى درا لە وەزارەتى پەروەردە بە داواکارى مۆڵەتى قوتابخانەی ئامادەیى پیشەیى، پێویستە داواکار ڕسوماتی پێدانی مۆڵەت بەبڕى (٢،٠٠٠،٠٠٠) دوو ملیۆن دینار بدات لە بەڕێوەبەرایەتی ژمێریاری لە دیوانی وەزارەت بە پێی پسوولەى دارایی (٣٧أ). بە پێی ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگا ناحکومییەکان ژمارە (٣)ی ساڵی ٢٠٢٠.