وەرگرتنی باجی گواستنەوەی موڵکایەتی

خزمەتخواز سەردانی یەکێک لە بەڕێوەبەرایەتییەکانی باجی دەرامەت دەکات.

سەردانی ژووری خەمڵێنەری زەوی و زار دەکات، بە مەبەستی پڕکردنەوەی فۆڕمی فرۆشتنی موڵک و هەژمارکردنی باجەکەی کە لە ياساى ژمارە (٢٠) ساڵى ٢٠١١ هەموارى ياسايى (٢٦) ساڵى ٢٠٠٧ دا هاتووە.

سەردانی ژووری کۆمپیوتەر دەکات، بە مەبەستی زانینی هەبوونی دۆسییە.

سەردانی ژووری خەمڵێنەری پیشە دەکات، لە کاتی هەبوونی دۆسییە، ئەگەر قەرزار نەبوو ڕاستەوخۆ لاری نەبوونی ڕاییکردنی مامەڵەی فرۆشتنی موڵکەکەی پێدەدات، ئەگەر قەرزار بوو ئەوا ڕێکارەکانی دانی باجەکەی بگرێتەبەر.

سەردانی ژووری وردبینی پەیوەندیدار دەکات، بۆ وردبینیکردنی فۆڕمی فرۆشتنەکەی و پێڕاگەیاندنی باجەکەی و پڕکردنەوەی پسوولەی لیستی پێدان. ئەگەر خزمەتخواز داوای لێبوردنی ڕەها (اعفاء المطلق) یان بەخشینی(هبة) کرد لەم بڕە باجە ئەوا دەنێردرێتە ژووری کۆمپیوتەر، بۆ دڵنیابوون لەوەی مافی لێبوردنی ڕەها (اعفاء المطلق) یان بەخشینی(هبة) هەیە یاخود نا.

سەردانی ژووری خەزنە دەکات، بە مەبەستی دانی باجەکەی ئەگەر لێبوردنی ڕەهای لە باجەکە وەرنەگرت.

سەردانی ژووری خەمڵێنەری زەوی و زار دەکات، بە مەبەستی تۆمارکردن و وەرگرتنەوەی سەرەتاکانی مامەڵەکە پاشان مۆرکردنی فۆڕمی تایبەت بە مامەڵەی فرۆشتنی موڵک.

سەردانی ژووری بەڕێوەبەر دەکات، بە مەبەستی واژۆکردن لەسەر فۆڕمەکە.

سەردانی ژووری خەمڵێنەری زەوی و زار دەکات، بە مەبەستی گەڕاندنەوەی سەرەتاکان و هەڵگرتنی سەرەتاکانی مامەڵەکە.