وەرگرتنی مۆڵەتی قوتابخانەی ئامادەیى پیشەی ناحکومى

ڕسوماتی داواکاری مۆڵەتى کردنەوەی قوتابخانەی ئامادەیى پیشەیی ناحکومى بەم شێوەیەى خوارەوەیە:
١- بڕى (٢،٠٠٠،٠٠٠) دوو ملیۆن دینار وەردەگیرێت لە بەڕێوەبەرایەتی ژمێریاری لە دیوانی وەزارەت بەپێی پسوولەى دارایی ژمارە (٣٧أ) کە لە ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگە ناحکومییەکان ژمارە (٣)ی ساڵی ٢٠٢٠، ئەگەر هاتوو ڕەزامەندى درا وەیان نەدرا لە وەزارەتى پەروەردە بە داواکار ئەو بڕە پارەیە گەڕانەوەى نییە.
٢- ئەگەر هاتوو ڕەزامەندى درا لە وەزارەتى پەروەردە بە داواکارى مۆڵەتى قوتابخانەی ئامادەیى پیشەیى، پێویستە داواکار ڕسوماتی پێدانی مۆڵەت بەبڕى (٢،٠٠٠،٠٠٠) دوو ملیۆن دینار بدات لە بەڕێوەبەرایەتی ژمێریاری لە دیوانی وەزارەت بەپێی پسوولەى دارایی (٣٧أ). بەپێی ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگە ناحکومییەکان ژمارە (٣)ی ساڵی ٢٠٢٠.