دەستەی وەبەرهێنان

پێدانی مۆڵەتی وەبەرهێنان به‌و پڕۆژانه‌ى له‌ياساى وەبەرهێناندا هاتوون بە هەموو سێکتەرەکانییەوە، لەگەڵ سوود وەرگرتنی وەبەرهێن لە ئیمتیازاتی پێشکەشکراو وەک لێخۆشبوونی باج و تەحویلکردنی پارە بۆ دەرەوەی هەرێم و چەند ئیمتیازاتێکی تر.
(ماددەی دووەم، خاڵی ١ تا ١١).

پشتگيریکردنى وه‌به‌رهێن بۆ هێنانی ئامێر و که‌ره‌سته‌ى خاو و سه‌ره‌تايى بۆ هەموو پێداویستی پڕۆژەکە، که‌ هاورده‌يان بکات بۆ لێخۆشبوون له‌ باج و ڕه‌سمى گومرگ.

گه‌ياندنى خزمه‌تگوزارى ژێرخان تا سنوورى پرۆژه‌ مۆڵه‌تپێدراوه‌کان له‌ ده‌سته‌ى وه‌به‌رهێنان وه‌کو (تۆڕى ئاو، ئاوه‌ڕۆ، گه‌ياندنى کاره‌با، شه‌قام).

وەبەرهێن بەپێی بڕگەی (٢) لە ماددەی (٧)ی یاسای ژمارە (٤) لە ساڵی ٢٠٠٦، بۆی هەیە دەستی کاری بیانی و ناوخۆیی لە پڕۆژەکەی بەکاربێنێت، بەمەرجێک زیاتر دەستی کاری ناوخۆیی سوودمەند بێت. هەروەها بەپێی یاسای وەبەرهێنانی بەشى چوارەم/ ماددەی (٨) بڕگەى (٦) وەبەرهێن پێویستە ڕاهێنان و ئامادەکاری دەستی کاری ناوخۆیی بکات.

بەدواداچوون بۆ پڕۆژەکان بەپێی تايبەتمەندى و نەخشە کەرتییە پێشکەشکراوەکان لە لایەن لیژنەی تایبەت کە پەیوەندییان بە جۆری کەرتەکەوە هەیە وەکو (کەرتی تەندروستی، نیشتەجێبوون، پیشەسازی، کشتوکاڵی).

سەرپەرشتیكردنى پڕۆژەكان بەپێى نەخشەى پێشكەشكراو بۆ وەبەرهێنان، پاش وەرگرتنى مۆڵەتى پڕۆژەكان.

ئامادەکردنی ئەو زانیارییانەی کە پەیوەندییان بە ئابووری و کۆمەڵایەتی و شوێنی جوگرافی و ژمارەی دانیشتوانی هه‌رێمى کوردستانەوە هه‌يه‌، بەپێى کەشوهەوا و که‌رتى کشتوکاڵ و گەشتوگوزار و پیشەسازی و هەروەها دیاریکردنی قەبارەی سامانی سروشتی و ژمارەی دانیشتوان. ئەم زانییاریانەش بە شێوەی نامیلکە ڕێکخراوە وەک Fact sheet، spotlight doing business in kurdistan و investment opportunities هتد .
بۆ ڕاکێشانی وەبەرهێنانی بیانی و ناوخۆ بۆ ئەنجامدانی کاری وەبەرهێنان لە هەرێمی کوردستان.

هەڵسەنگاندنی ئەو نەخشانەی لە لایەن وەبەرهێن پێشکەشکراوە لە هەموو بوارەکانی (ئەندازیاری، تەلارسازی، ستراکچەر، کارەبا، میکانیک)، گونجاوی لەگەڵ پڕۆگرامی ژینگە.

خستنه‌ڕووى زانیاریی يارمه‌تيده‌ر بۆ وه‌به‌رهێنه‌ران و ده‌زگاى حکومى و ناحکومى و توێژه‌رانى زانستى و ده‌زگاى ڕاگه‌ياندن لەسەر پڕۆژەکانی وەبەرهێنان، پڕۆژە مۆڵەتپێدراوەکان بەوردی و بەگشتی، ئامادەکردنی نامیلکە و بڵاوکراوەی زانیاری لەسەر ژیان و گوزەرانی دانیشتوانی هەرێمى کوردستان.

هەلەکانی وەبەرهێنان، پڕۆژەی پێشنیارکراون و دوای لێکۆڵینەوە لەگەڵ لایەنە پەیوەندیدارەکان بە شێوەیەکی ڕاستەوخۆ نەخشەسازییان بۆ کراوە و پڕۆژەی پێویستن لە هەرێمی کوردستان.
دوای کۆکردنەوەی پلانی وەزارەتەکان بەپێی پێویستیی ئەو وەزارەتە چەند پڕۆژەیەک دەخەنە بەردەست، بە شێوەی لیست کۆدەکرێنەوە و وەکو هەلی وەبەرهێنان دەخرێنە بەردەست.