دەرهێنانی مۆڵەتی پیشەی کڕین و فرۆشتنی خشڵ

پێناسە
پێدانی مۆڵەتی پیشەی کڕین و فرۆشتنی خشڵە بە تاک و کۆ.
زانیاریی لایەنی بەرپرس

وەزارەتی پلاندانان/دەستەی پێوانەسازی و کۆنترۆلی جۆری/بەڕێوەبەرایەتی پێوانەسازی و کۆنترۆلی جۆری

کاتی کارکردن
(٨:٣٠)ی بەیانی بۆ (٢:٣٠)ی دوا نیوەڕۆ.
بەڕێوەبەرایەتی پێوانەسازی و کۆنترۆلی جۆری هەولێر
هەولێر / گەڕەکی شۆرش / تەنیشت نەخۆشخانەی ڕاپەرینی منداڵان
ئیمەیڵ:- Gold.quality@yahoo.com
07503093109
بەڕێوەبەرایەتی پێوانەسازی و کۆنترۆلی جۆری سلێمانی
سلێمانی/ شەقامی مامۆستایان – بەرامبەر مزگەوتی قازی محمد
ئیمەیڵ:- Qualitycontrolsul@yahoo.com
بەڕێوەبەرایەتی پێوانەسازی و کۆنترۆلی جۆری دهۆک
دهۆک / شندوخا شیمالیە / مالتا
ئیمەیڵ:- qualicondohuk@yahoo.com
07504508380
مەرجەکان
خزمەتخواز عێراقی بێت.
تەمەنی لە (١٨) هەژدە ساڵ کەمتر نەبێت.
فەرمانبەرى حکومەت نەبێت.
پێویستە پیشوەر شوێنکاری بازرگانی هەبێت.
پێویستە نوسراوی پشتگیری سەندیکای زێڕنگرانی هەبێت.
پێویستە خزمەتخواز ئەستۆپاکی باجی دەرامەت، بۆ دڵنیابوون لەوەی قەرزدار نییە و باجی بە حکومەت داوە.
پێویستە خزمەتخواز بەڵێنامە پڕ بکاتەوە کە پابەندە بە سەرجەم ڕێنماییەکانی خشڵ.
پێویستە خزمەتخواز ڕەزامەندی ئاسایشی هەبێت.
پێویستە خاوەن مۆڵەت خۆی لە شوێنکارەکەی کار بکات، تەنها لە کاتی نەخۆشی و سەفەرکردن نەبێت.
لە کاتی داواکردنی مۆڵەت خۆی یان بریکاری یاسایی ئامادە بێت بەڵام پێویستە تاقیکردنەوەی پیشەگەر خۆی ئامادە بێت.
خاوەن مۆڵەت نابێت مۆڵەتەکەی بەکرێ بداتەوە.
مۆڵەتە لەگەڵ ڕۆژمێری ساڵانە بەسەر دەچێت پێویستە لە ماوەی ٢/١ تاخو ٣١/٥ مۆڵەتەکە نوێبکرێتەوە.
ناسنامە و بەڵگەنامەکان
کارتی نیشتیمانی یان (ناسنامەی باری شارستانی و ڕەگەزنامەی عێراقی بۆ دڵنیابوون لە (ناو و ڕەگەزی خزمەتخواز کە عێراقییە).
(٤) چوار وێنەی ڕەنگاوڕەنگ.
نوسراوی ئەستۆپاکی باجی دەرامەت.
گرێبەستی شوێنی کارەکەی، وێنەی تۆماری مولک یاخود گرێبەستی شوێنی کار.
نوسراوی ڕەزامەندی ئاسایش.
نوسراوی سەندیکاى زێرینگران.
ماوەی پێویست
ڕیکارەکانی بەڕێوەبەرایەتی پێوانەسازی و کۆنترۆڵی جۆری (٢) دوو ڕۆژ، بەڵام ‌‌هێنانی ڕەزامەندی بە پێی شوێنەکەیە.
تێچوو
بە پێی ڕێنمایی دارایی ژمارە (١١/٣٨١٦) لە ٢٠١٤/٣/٢٦:
- بڕی (٢٠٠،٠٠٠) دوو سەد هەزار دینار لە بەرامبەر دەر‌هێنانی مۆڵەتی کڕین و فرۆشتنی خشڵ.
- بڕی (٥٠،٠٠٠) پەنجا هەزار دینار بۆ کرێی تاقیکردنەوەی پیشەوەر.
- بڕی (٢٣،٠٠٠) بیست و سێ هەزار دینار بۆ کرێی پشکنینی مەیدانی.
- (٥،٠٠٠) پێنج هەزار دینار بۆ کێشکردنی تەرازوو.
- (٥،٠٠٠) پێنج هەزار دینار تێچووی فۆرم.
- (٦،٠٠٠) شەش هەزار دینار بۆ کڕینی (٢) دوو پوول.
ڕێکار و هەنگاوەکان
سەرەتا خزمەتخواز (پیشەوەر) سەردانی بەڕێوەبەرایەتی پێوانەسازی کۆنترۆڵی جۆری دەکات بە پێی سنوری جوگرافی، بە مەبەستی دەرهێنانی مۆڵەت.
سەردانی ژووری مۆڵەتی خشڵ دەکات، بە مەبەستی پێشکەشکردنی داواکاری ئەگەر وێنەی تۆماری مولک یان گرێبەستی دوکان وە پشتگیری سەندیکای زێڕنگرانی هەبێت ڕاستەوخۆ کاتی پشکنینی مەیدانی دیاری دەکرێت.
دوای گەڕاندنەوەی ئەنجامی لیژنەی پشکنینی مەیدانی دوبارە سەردانی ژووری مۆڵەت دەکاتەوە، بە مەبەستی ئامادەکردنی نوسراو بۆ بەڕێوەبەرایەتی باجی دەرامەت و بەڕێوەبەرایەتی ئاسایش هۆبەی ئابووری بە پێی شوێنی جوگرافی.
دوای گەڕاندنەوەی نوسراوەکانی ڕەزامەندی لە ڕێگای تەلەفۆنەوە خزمەتخواز (پیشەوەر) لە ڕۆژی تاقیکردنەوەی پیشەگەری زێڕنگری ئاگادار دەکرێتەوە بۆ ئامادەبوون بە مەبەستی ئەنجامدانی تاقیکردنەوەی پیشەگەری زێڕنگری بە شێوەی تیۆری و کرداری (عملی و نظری).
دوای دەرچوونی پیشەگەر لە تاقیکردنەوەی پیشەکەی دەنێردرێتە ژووری ژمێریاری، بە مەبەستی دانی ڕسوماتی دەرهێنانی مۆڵەتەکەی.
دواتر وێنەیەک لە پسولەی ڕسومات دەگەڕێنێتەوە بۆ ژووری مۆڵەتی خشڵ، بە مەبەستی ئامادەکردنی مۆڵەت و واژۆی بەڕێوەبەری هۆبەی مۆڵەت.
دواتر سەردانی بەڕێوەبەری فەرمانگە دەکات، بە مەبەستی واژۆی کۆتایی لەسەر مۆڵەت.
دوبارە سەردانی ژووری مۆڵەت دەکات، بە مەبەستی گەڕاندنەوەی دۆسییەکەی.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
وەزیری پلاندانان
سەرۆکی دەستەی پێوانەسازی و کۆنتڕۆڵی جۆری
بەڕێوەبەری گشتی کارگێڕی و دارایی
بەڕێوەبەری یاسایی
پەسەند کراوە لەلایەن
فەرمانگەی هەماهەنگی و بەدواداچوون
پێناسی خزمەت
MOP-13
دوا دەستکاری07-08-2023

Feedback

ئایا ئەم زانیارییە بەسوودە؟

Please include your email if you want us to follow up with you.