پێدانی مۆڵەت بە پیشەوەران بۆ چاککردنەوەی (کەلوپەلی کارەبا و کەلوپەلی ناوماڵ و ئۆتۆمبێل و میکانیکی) مۆڵەتی پێشکەشکردنی خزمەتگوزاری پاش - فرۆشتن (چاککردنەوە)

خزمەتخواز سەردانی بەڕێوبەرایەتی کار دەکات لە پارێزگا و ئیدارە سەربەخۆکان، بە مەبەستی پێشکەشکردنی داواکاری.

سەردانی ژووری وەرگرتە دەکات، بە مەبەستی وەرگرتنی ژمارەی وەرگرتە بۆ داواکارییەکەی.

سەردانی ژووری بەڕێوەبەر دەکات، بە مەبەستی وەرگرتنی ڕەزامەندی سەرەتایی لەسەر داواکارییەکەی.

سەردانی ژووری خزمەتگوزاری دوای فرۆشتن دەکات، بە مەبەستی پڕکردنەوەی فۆڕم و دیاریکردنی ڕۆژی پشکنین و هەڵسەنگاندنی تاقیکردنەوەی پیشەوەر و ئامادەکردنی نووسراو بۆ فەرمانگەکان بەگوێرەی جۆری پیشەکە.

دوای ئەنجامدانی پشکنین و دەرچوونی لە تاقیکردنەوەی پیشەیی و گەڕاندنەوەی ڕەزامەندی سەرجەم فەرمانگەکانی داوای لێکراوە، فایلەکەی ڕەوانەی بەڕێوبەرایەتی گشتی کار و دەستەبەری کۆمەلایەتی دەکرێت، بە مەبەستی وردبینی کۆتایی و وەرگرتنی ڕەزامەندی پێدانی مۆڵەتەکە، ئەمە ڕێکارێکە بەڕێوەبەرایەتییەکانی کار لە ڕێگەی پۆستەچی خۆیان ئەنجامی دەدەن و پیشەوەر چاوەڕوانی گەڕانەوەی مۆڵەتەکەی دەکات.

دوای وردبینیکردن و نەبوونی هیچ کێشەیەک لە داواکاری و شوێنی کار، فەرمانی کارگێڕی و پێدانی مۆڵەتەکە لە لایەن بەڕێوبەرایەتی گشتی کار و دەستەبەری کۆمەلایەتی پەسەنددەکرێت، فەرمانگە لە ڕێگەی پۆستەچی خۆیانەوە مۆڵەتەکە دەگەڕێننەوە ئەو (بەڕێوبەرایەتییەی کار)ی کە داواکارییەکەی لێوە هاتووە، دواتر هاوڵاتی لە ڕێگەی تەلەفۆنەوە ئاگاداردەکرێتەوە بۆ وەرگرتنەوەی مۆڵەتە پیشەییەکە و کۆتایی مامەڵەکە.