وەرگرتنی باج لە گەورە باجدەران

وەرگرتنی باج لە گەورە باجدەران بەگوێرەی ئەو ڕاپۆرتە دەبێت، کە باجدەر خۆی پێشکەشی دەکات، هەر خۆشی بەرپرسیارێتیی ڕاستی و دروستیی زانیارییەکان دەگرێتە ئەستۆ.
دوای پێشکەشکردنی ڕاپۆرتەکە تا پێنج (٥) ساڵ دەسەڵاتی دارایی بۆی هەیە وردبینی لە ڕاستی و دروستیی ڕاپۆرتی پێشکەشکراو بکات. ڕێژەی وەرگیرانی باجەکە (١٥%)یە لە کۆی قازانجی ساڵانەکەی.

لایەنی بەرپرس

بەڕێوەبەرایەتی گەورەباجدەران

زانیاریی لایەنی بەرپرس

ناونیشانی بەرێوەبەرایەتی و نوسینگەکانی گەورە باج دەران

ماڵپەڕ

ماڵپەڕی فەڕمیی وەزارەتی دارایی و ئابووری

کاتی کارکردن

(٨:٣٠)ی بەیانی بۆ (٢:٣٠)ی دوای نیوەڕۆ

ناونیشانەکان

بەڕێوەبەرایەتیی گەورە باجدەران/ هەولێر

ناونیشان/ هەولێر/ شەقامی کەرکوک/ باڵاخانەی بانکی زانکۆ
ئیمەیڵ:- large.tax.d@gmail.com

07506003360-0662620135

نووسینگەی سلێمانی گەورە باجدەران

سلێمانی / شەقامی بازنەیی مەلیک مەحمود / پشت بەنزینخانەی بینایی / فەرعی بەڕێوەبەرایەتیی پۆلیسی ٦٢٠
ئیمەیڵ:- largetaxes.slemani@gmail.com

07481013030

نووسینگەی دهۆکی گەورە باجدەران

دهۆک/ شندۆخا / جادەی بارزان / ناو بینای بەڕێوەبەرایەتیی باجی دەرامەتی کۆمپانیاکانی دهۆک
ئیمەیڵ:- gawrabaja.duhok@gmail.com

07504874252

مەرجەکان

کۆمپانیا پێویستە تۆمارکراو بێت لە بەڕێوەبەرایەتیی گەورە باجدەران.

پێویستە باجدەر ساڵانە سەردانی بەڕێوەبەرایەتی و نووسینگەکانی گەورە باجدەران بکات لە ماوەی یاسایی کە شەش (٦) مانگە، لە کاتی سەردانی نەکردن لە ماوەی یاسایی، سزا و سووی دواکەوتنیشی دەکەوێتە سەر، بەپێی ڕێنمایی ژمارەی (١٠)ی ساڵی ٢٠١٧ میکانیزمی مامەڵەکردن لەگەڵ سەرپێچیکەرانی باج.

پێشکەشکردنی ڕاپۆرت و بوودجەی ساڵانەی باجدەر، کە بوودجەکە ڕاستێندراو بێت لە سەندیکای ژمێریاران و وردبینان.

دەتوانرێت ئەم خزمەتە لە ڕێگای بریکارەوە ئەنجامبدرێت، کە بریکارنامەی یاسایی هەبێت.

بريکارنامەى تايبەت

بريکارنامەى گشتى

ناسنامە و بەڵگەنامەکان

ئەگەر باجدەر بەڕێوەبەری ڕێپێدراوی کۆمپانیا بێت، ئەوا کارتی نیشتمانی یان هەر بەڵگەنامەیەکی تری کەسی پێ بێت.

ئەگەر نوێنەری باجدەر فەرمانبەری کۆمپانیا بێت، پێویستە نووسراوی سەرپشککردنی (تخویل)ی پێ بێت.

ماوەی پێویست

سی (٣٠) خولەک بۆ یەک (١) کاتژمێر.

تێچوو

- ڕێژەی وەرگیرانی باجەکە (١٥%)یە لە کۆی قازانجی ساڵانەکەی.
- جگە لە بڕی باجەکە هیچ بڕە پارەیەکی تر نادرێت لە کاتی داواکردنی خزمەتەکە.

ڕێکار و هەنگاوەکان