گۆڕینى خاوەنداریەتى باخچەی منداڵان و قوتابخانەى بنەڕەتى و ئامادەیی ئەکادیمى و پیشەیى و پەیمانگا و کۆمەڵگا ناحکومییەکان

هەموو دامەزراوە پەروەردەییە ناحکومییەکان (باخچەی منداڵان و قوتابخانەى بنەڕەتى و ئامادەیی ئەکادیمى و پیشەیى و پەیمانگا و کۆمەڵگا ناحکومییەکان) خاوەن کۆدی نهێنی تایبەت بە خۆیانن لە سیستەمی (e-parwarda)، گۆڕینی خاوەنداری بە شێوەى ئۆنلاین داوا دەکرێت کە لە خزمەتگوزارى ئەلیکترۆنى لە سیستەمى (e-parwarda) هاتووە.

لە سیستەمی (e-parwarda) دەچێتە سەر فۆرمی گۆڕینی خاوەنداریەتی، زانیارییەکانی ناو فۆرمەکە پڕ دەکاتەوە، فۆرمەکە بە ئۆنلاین دەچێتە وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان.

دوای وردبینیکردنی فۆرمەکە لە بەڕێوەبەرایەتی قوتابخانە و پەیمانگا ناحکومییەکان، لە ڕێگای پەیوەندی تەلەفۆنییەوە خزمەتخواز ئاگادار دەکرێتەوە سەردانی وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان بکات، بە مەبەستی پێدانی نوسراو بۆ بەڕێوەبەرایەتی ژمێریاری وەزارەتی پەروەردە، بە مەبەستی دانی ڕسوماتی گۆڕینی خاوەنداریەتی، و نوسراو بۆ بەڕێوەبەرایەتی گشتی پەروەردەی تایبەتمەند، بە مەبەستی وەرگرتنی ڕەزامەندی (بەڕێوەبەرایەتی ئاسایشی پارێزگاكەی، بەڕێوەبەرایەتی نەهێشتنی تاوانی پارێزگاکە، بەڕێوەبەرایەتی دەستەبەری کۆمەڵایەتی، بەڕێوەبەرایەتی باجەکان و خانوبەرەی میری).

سەردانی ژووری بەڕێوەبەری بەڕێوەبەرایەتی قوتابخانە و پەیمانگا ناحکومییەکان، بە مەبەستی واژۆ لەسەر نوسراوی بەڕێوەبەرایەتی گشتی پەروەردەی تایبەتمەند.

سەردانی ژووری هاتوو و دەرچوو، بە مەبەستی پێدانی ژمارەی دەرچوو بە نوسراوەکە.

سەردانی بەڕێوەبەرایەتی ژمێریاری، بە مەبەستی دانی ڕسوماتی دیاریکراو.

دوای وەرگرتنی ڕەزامەندییەکانی (بەڕێوەبەرایەتی ئاسایشی پارێزگاكەی، بەڕێوەبەرایەتی نەهێشتنی تاوانی پارێزگاکە، بەڕێوەبەرایەتی دەستەبەری کۆمەڵایەتی، بەڕێوەبەرایەتی باجەکان و خانوبەرەی میری) وێنەی ڕەسەنی ڕەزامەندییەکان دەگەرێنێتەوە وەزارەتی پەروەردە/ بەڕێوەبەرایەتی قوتابخانە و پەیمانگا و کۆمەڵگا ناحکومییەکان.

دواتر فەرمانی وەزاری مۆڵەتەکەی ئامادە دەکرێت لە ڕێگەی بەریدەوە دەگەڕێنرێتەوە پەروەردەی تایبەتمەند، دواتر لە ڕێگەی تەلەفۆنەوە هاوڵاتی ئاگادار دەکرێتەوە کە سەردانی بەڕێوەبەرایەتی پەروەردەی تایبەتمەند بکات، بە مەبەستی دەرکردنی فەرمانی کارگێڕی بۆی و وەرگرتنەوەی مۆڵەتەکەی.