نوێکردنەوەی مۆڵەتی باخچەی منداڵان و قوتابخانەى بنەڕەتى و ئامادەیی ئەکادیمى و پیشەیى و پەیمانگا و کۆمەڵگا ناحکومییەکان

هەموو دامەزراوە پەروەردەییە ناحکومییەکان (باخچەی منداڵان و قوتابخانەى بنەڕەتى و ئامادەیی ئەکادیمى و پیشەیى و پەیمانگا ناحکومییەکان) خاوەن کۆدی نهێنی تایبەت بە خۆیانن لە سیستەمی (e-parwarda)، نوێکردنەوەی مۆڵەتەکانیان بە شێوەى ئۆنلاین داوا دەکرێت کە لە خزمەتگوزارى ئەلیکترۆنى لە سیستەمى (e-parwarda) هاتووە.

لە سیستەمی (e-parwarda) دەچێتە سەر فۆرمی نوێکردنەوەی مۆڵەت، زانیارییەکانی ناو فۆرمەکە پڕ دەکاتەوە، فۆرمەکە بە ئۆنلاین دەچێتە وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان.

دوای وردبینیکردنی فۆرمەکە لە بەڕێوەبەرایەتی قوتابخانە و پەیمانگا و کۆمەڵگا ناحکومییەکان، لە ڕێگای پەیوەندی تەلەفونییەوە خزمەتخواز ئاگادار دەکرێتەوە سەردانی وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان بکات، بە مەبەستی پێدانی نوسراو بۆ بەڕێوەبەرایەتی ژمێریاری وەزارەتی پەروەردە بۆ دانی ڕسوماتی نوێکردنەوە و نوسراو بۆ بەڕێوەبەرایەتی گشتی پەروەردەی تایبەتمەند، بە مەبەستی وەرگرتنی ڕەزامەندی (بەڕێوەبەرایەتی تەندروستی پارێزگاكەی، بەڕێوەبەرایەتی ئاسایشی پارێزگاكەی، بەڕێوەبەرایەتی بەرگری شارستانی).

سەردانی ژووری بەڕێوەبەری بەڕێوەبەرایەتی قوتابخانە و پەیمانگا و کۆمەڵگا ناحکومییەکان، بە مەبەستی واژۆ لە سەر نوسراوی بەڕێوەبەرایەتی گشتی پەروەردەی تایبەتمەند.

سەردانی ژووری هاتوو و دەرچوو، بە مەبەستی پێدانی ژمارەی دەرچوو بە نوسراوەکە.

سەردانی بەڕێوەبەرایەتی ژمێریاری، بە مەبەستی دانی ڕسوماتی دیاریکراو.

دوای وەرگرتنی ڕەزامەندییەکانی (بەڕێوەبەرایەتی تەندروستی پارێزگاكەی، بەڕێوەبەرایەتی باجی دەرامەت، بەڕێوەبەرایەتی خانوبەرە، بەڕێوەبەرایەتی بەرگری شارستانی، بەڕیوەبەرایەتی شارەوانی پارێزگاکەی) وێنەی ڕەسەنی ڕەزامەندییەکان دەگەڕێنێتەوە وەزارەتی پەروەردە/ بەڕێوەبەرایەتی قوتابخانە و پەیمانگا و کۆمەڵگا ناحکومییەکان.

دواتر فەرمانی وەزاری مۆڵەتەکەی ئامادە دەکرێت لە ڕێگەی بەریدەوە دەگەڕێنرێتەوە پەروەردەی تایبەتمەند، دواتر لە ڕێگەی تەلەفۆنەوە هاوڵاتی ئاگادار دەکرێتەوە کە سەردانی بەڕێوەبەرایەتی پەروەردەی تایبەتمەند بکات، بە مەبەستی دەرکردنی فەرمانی کارگێڕی بۆی و وەرگرتنەوەی مۆڵەتەکەی.