وەرگرتنی مۆڵەتی کردنەوەی پەیمانگای ناحکومی (ئەهلی)

ڕسووماتی داواکاری مۆڵەتى کردنەوەی پەیمانگاى ناحکومی بەو شێوەیەى خوارەوەیە:
١- بڕى (٢،٠٠٠،٠٠٠) دوو ملیۆن دینار وەردەگیرێت لە بەڕێوەبەرایەتی ژمێریاری لە دیوانی وەزارەت، بە پێی پسولەى دارایی ژمارە (٣٧أ) ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگە ناحکومییەکان ژمارە (٣)ی ساڵی ٢٠٢٠، ئەگەر هاتوو ڕەزامەندى درا یاخود نەدرا لە وەزارەتى پەروەردە بە داواکار، ئەو بڕە پارەیە گەڕانەوەى نییە.
٢- بڕى (٤٠٠،٠٠٠) چوار سەد هەزار دینار وەردەگیرێت بۆ بەشداربوون لە خزمەتگوزارى ئەلیکترۆنى لە سیستەمى (e-parwarda) پارەکە کۆمپانیاى (soft max) وەریدەگرێت بۆ ماوەى (١) یەک ساڵ بەرامبەر خزمەتگوزارى ئەلیکترۆنى کە بریتییە لە:
- سیستەمى زانیارى قوتابى.
- سیستەمى قوتابخانە.
- سیستەمى مامۆستا و فەرمانبەران.
- خولى ڕاهێنان.
- پاڵپشتى و سازدانەوە بۆ ماوەى (١٢) دوانزە مانگ.
- هەڵگرتنى زانیارى داواکار بۆ ماوەى (١٨) هەژدە مانگ.
٣- ئەگەر هاتوو ڕەزامەندى درا لە وەزارەتى پەروەردە بە داواکار، پێویستە داواکار ڕسوماتی پێدانی مۆڵەت بە بڕى (١٢،٠٠٠،٠٠٠) دوانزە ملیۆن دینار بۆ گشت پەیمانگاکان بدات بۆ بەڕێوەبەرایەتی ژمێریاری لە دیوانی وەزارەت بە پێی پسولەى دارایی (٣٧أ).ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگە ناحکومییەکان ژمارە (٣)ی ساڵی ٢٠٢٠.

٤- دوای وەرگرتنی مۆڵەت ئەگەر خزمەتخواز داوای کردنەوەی هەر بەشێکی نوێی کرد خزمەتخواز پێویستە بری (٢،٠٠٠،٠٠٠) دوو ملیۆن بدات. بە پێیڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگە ناحکومییەکان ژمارە (٣)ی ساڵی ٢٠٢٠.