نووسینگە و تۆمارگەکانی ڤیدیۆ و CD و DVD و دی ڤی کام

دەبێت لە هەژدە (١٨) ساڵ کەمتر نەبێت.

پێویستە پیشەوەر سەرەتا لە بەڕێوەبەرایەتیی گشتیی تۆمارکردنی کۆمپانیاکان ناوە بازرگانییەکەی تۆماربکات.

مۆڵەتدراو دەبێت پابەندی هەموو دابونەریتی کوردەواری بێت و بە هیچ جۆرێک نابێت ئەو فلیمانە بڵاوبکاتەوە یان تۆماربکات کە کاری خراپ یان زیانبەخش بە کۆمەڵگای کوردەواری دەگەیەنێت.

هەموو ئەو فلیمانەی لە نووسینگەکە یان لە تۆمارگەکەدا دایان دەنێت، دەبێت لە تۆمارێکی تایبەتدا تۆمارکرابن مۆری دەزگا پسپۆرییەکانیان پێوە بێت لە ڕووی یاساییەوە مۆڵەتدراوبن.

لیژنەی چاودێری و پشکنین بەردەوام ئەو نووسینگانە بەسەر دەکاتەوە بۆی هەیە لە هەر کات و ساتێکدا ئەو شوێنانە کەپس بکات و ئەو فلیمانەی لەبەر دەستیان یەکە یەکە بیان پشکنێت و سەرنجیان بدات و ئەوانەی قەدەغەن دەستیان بەسەدا بگرن و خاوەنەکانیشیان بەپێی یاسا ڕەفتاریان لەگەڵدا بکرێت.

دەکرێت مۆڵەت بدرێتە ئەو کۆمپانیا یان نووسینگانەی فلیم لە دەرەوە بەرهەمدێنن بە نیازی کڕین و فرۆشتن و مامەڵە پێکردنن، هەروەها ئەو دەزگایانەش کە فلیم بەرهەمدێنن ئەویش لە ڕێگەی خاوەن یان نوێنەری دەزگاکە.

بەڕێوەبەرایەتیی گشتیی بە نوێنەرایەتیی وەزیری ڕۆشنبیری و لاوان بۆی هەیە ئەگەر بەرژەوەندی گشتی بخوازێت مۆڵەتەکە لە یەک لاوە هەڵبوەشێنێتەوە، هەر کاتێکیش هۆکارەکانی هەڵوەشاندنەوەی مۆڵەتەکە نەمان ئەوا بۆی هەیە دوبارە داوای مۆڵەت بکاتەوە.

دەبێت ئەو بابەتانەی لەسەر کاسێتەکە تۆماردەکرێن لە لایەن دەزگا پسپۆرییەکانی دەزگای ڕۆشنبیرییەوە مۆڵەتدرابن و هیچ گرفتێکیان نەبێت.

ئەگەر خاوەن مۆڵەت کۆچی دوایی کرد، یان مەرجێک لە مەرجە یاساییەکانی لەدەستدا، یان هیچ پەیوەندییەکی بە نووسینگەکەوە نەما ئەو کاتە مۆڵەتەکە بە هەڵوەشاوە لەقەڵەم دەدرێت و نابێت کاری پێبکرێت تا ئەو کاتەی ڕەزامەندی وەزیر وەردەگیرێت بۆ ئەوەی کارەکە لە لایەن کەس و کارییەوە بەڕێوەبچێت.

کەسی مۆڵەتدراو ئەگەر نووسینگەکە بفرۆشێت یان واز لە بەشێکی بێنێت بۆ یەکێکی دیکە، ئەوە دەبێت ئەو کەسەی دەیکڕێت هەموو مەرجەکانی ئەم ڕێنماییەی تێدا بێت و دەبێت داواکارییەکەش پێشکەشبکات بۆ گواستنەوەی مۆڵەتەکە بۆ سەر ناوی خۆی، چ هەموو مۆڵەتەکە بێت یان بەشێکی بێت.

مۆڵەتدراو دەبێت ئەو تۆمارانە لە نووسینگەکەی دا هەبێت (تۆمارێک بە ناونیشانی ئەو کاسێتانەی لە نووسینگەکەدا هەن، تۆمارێک بۆ لیژنەی پشکنین و بەسەرکردنەوە، تۆمارێک بۆ ئەو کاسێتانەی لە لایەن لیژنەی چاودێری و دەزگا بەرپرسەکان دەبردرێن بۆ پشکنین و بەسەرکردنەوە، دۆسییەکی تایبەت بە نووسراو و ڕێنماییەکان کە بۆ کاری ڕۆژانە بەکار دێن).

دەبێت ناوی کۆمپانیا و ئەو دەزگایەی فلیمەکەی لێ بەرهەمهێناوە، لەگەڵ ئەوەی دابەشیدەکات لەگەڵ ژمارەی مۆڵەتەکەی لەسەر کاسێتەکە لە دەرەوە و ژوورەوە تۆمارکرابێت.

نووسینگەکانی ڤیدیۆ ئەوانەی کاری وێنەگرتن و کاسێت فرۆشتن دەکەن، لەگەڵ ئەو تۆمارگانەی تەنیا کاری تۆمارکردن دەکەن هەموو ئەو بڕگە و خاڵانەی سەرەوە وەک یەک دەیانگرێتەوە.

هەموو ئەو کەسانەی بە بێ مۆڵەت کاسێت و فلیمی ڤیدیۆیی دەفرۆشن مامەڵەی پێدەکەن، لەم کارە قەدەغە دەکرێن و لەکاتی سەرپێچیکردندا دەست بەسەر کاسێت و فلیمەکانیان دەگیرێت و سزا دەدرێن.

پیشەوەر خۆی داواکاری پێشکەشبکات یاخود لە ڕێگەی بریکاری یاسایی.

مۆڵەتی پیشەیی بۆ ماوەی یەک (١) بۆ سێ (٣) ساڵە و پێویستە نوێبکرێتەوە.

وەرگرتنی ڕەزامەندی بەڕێوەبەرایەتیی باجی دەرامەت و بەڕێوەبەرایەتیی ئاسایش.

بڕوانامەی خوێندن، یان هەر بەڵگەنامەیەکی دیکە بە مەرجێک کە بیسەلمێنێت خوازیاری مۆڵەت خوێندەواری هەیە.

بۆ بیانییەکان، پێویستە کارتی نشینگەی هەبێت و ماوەکەی بەسەر نەچووبێت.