مۆڵەتی کارکردنی پیشەی نووسینگەکانی (فۆتۆکۆپی و ئیستینساخ و کەپسی ناسنامە (کپس الهویات)، پەڕاوگە (القرتاسیة))

پێدانی مۆڵەتی کارکردنی پیشەییە بۆ پیشەی فۆتۆکۆپی و ئیستینساخ، کەپسی ناسنامە (کپس الهویات)، پەڕاوگە (القرتاسیة)، کە هاوڵاتییان دەتوانن بۆ هەر یەک لەو پیشانە بە جیاواز مۆڵەتی کارکردن بە دەستبهێنن، ئەم مۆڵەتەش دەتوانرێت نوێبکرێتەوە لە یەک (١) بۆ سێ (٣) ساڵ.

لایەنی بەرپرس

بەڕێوەبەرایەتی گشتی رۆشنبیری و هونەری

زانیاریی لایەنی بەرپرس

ناونیشانی وەزارەتی ڕۆشنبیری و لاوان / بەڕێوەبەرایەتی ڕۆشنبیری و هونەری پارێزگاکان

ماڵپەڕ

ماڵپەڕی فەرمیی وەزارەتی ڕۆشنبیری و لاوان

کاتی کارکردن

(٨:٣٠)ی بەیانی بۆ (٢:٣٠)ی دوای نیوەڕۆ.

ناونیشانەکان

بەڕێوەبەرایەتیی گشتیی ڕۆشنبیری و هونەری/ هەولێر

ڕێگای كه‌ركوک / به‌رامبه‌ر بەڕێوەبەرایەتیی گشتیی پۆلیسیی هه‌ولێر
ئیمەیڵ:- erbilcalture@gmail.com

بەڕێوەبەرایەتیی گشتیی ڕۆشنبیری و هونەری/ ڕاپەڕین

ئیدارەى ڕاپەڕین / ڕانیە / تەنیشت هۆڵى داخراوى وەرزشى
ئیمەیڵ:- Roshnbiryraparin2019@gmail.com

07501326161 - 07501017273

بەڕێوەبەرایەتیی گشتیی ڕۆشنبیری و هونەری/ سلێمانی

گەڕەکی هەندرێن/ پشت شارەوانیی سلێمانی / تەنیشت هۆڵی ڕۆشنبیری
ئیمەیڵ:- roshnberesul@ gmail.com

0533301653 - 07702136699

بەڕێوەبەرایەتیی گشتیی ڕۆشنبیری و هونەری/ هەڵەبجە

ئیمەیڵ:- roshnberyhalabja@yahoo.com

0538851853

بەڕێوەبەرایەتیی گشتیی ڕۆشنبیری و هونەری/ گەرمیان

قەزای كەلار / ناوەندی ئیدارەی گەرمیان
ئیمەیڵ:- www.roshnbery.garmyan . yahoo.com

07702217313 - 07719633011

بەڕێوەبەرایەتیی گشتیی ڕۆشنبیری و هونەری/ دهۆک

تاخێ ئێیت کەرتێ ٨٦
ئیمەیڵ:- Molatn74@gmail.com

07502123530

مەرجەکان

دەبێت تەمەنی خوازیاری مۆڵەت لە هەژدە (١٨) ساڵ کەمتر نەبێت.

پێویستە هەر پیشەیەک سەرەتا لە بەڕێوەبەرایەتیی گشتیی تۆمارکردنی کۆمپانیاکان ناوە بازرگانییەکەی تۆماربکرێت.

تۆمارکردن و نوێکردنەوەی ناوی بازرگانیی پیشەوەر

ئەو پیشەوەرانەی داوای مۆڵەتی ئەو پیشانە دەکەن دەبێت شوێنی دیار و گونجاویان هەبێت بە مەرجێک لەگەڵ سروشتی پیشەکانیاندا بگونجێت.

نابێت پیشەیەکیتر لە هەمان شوێن ئەنجامبدات، جگە لەو پیشەی کە مۆڵەتی وەرگرتووە.

مۆڵەتدراوانی پیشەی فۆتۆکۆپی و تایپکاری، هەر کارێکی نامەشروع و قەدەغەکراو ئەنجامبدەن، ئەوا بەپێی یاسا ڕەفتاریان لەگەڵدا دەکرێت.

مۆڵەتدراوان لە کاتی فرۆشتن یان کڕین فرۆشتن یان گواستنەوە یان هەر کارێکی تری پەیوەست بە گۆڕانکاری لە کارەکانیدا دەبێت لە ماوەی دوو هەفتەدا بەڕێوەبەرایەتیی ڕۆشنبیری پارێزگاکەی لێ ئاگاداربکاتەوە.

پیشەوەر خۆی داواکاری پێشکەشبکات، یاخود لە ڕێگەی بریکاری یاسایی.

بريکارنامەى تايبەت

بريکارنامەى گشتى

مۆڵەتی پیشەیی بۆ ماوەی یەک (١) بۆ سێ (٣) ساڵە و پێویستە نوێبکرێتەوە.

نوێکردنەوەی مۆڵەتە پیشەییە هونەرییەکان

وەرگرتنی ڕەزامەندی بەڕێوەبەرایەتیی باجی دەرامەت و بەڕێوەبەرایەتیی ئاسایش.

وەرگرتنی باجی پیشە و کارە بازرگانییەکان

بڕوانامەی خوێندن، یان هەر بەڵگەنامەیەکی دیکە بە مەرجێک، کە بیسەلمێنێت خوازیاری مۆڵەت خوێندەواری هەیە.

بۆ بیانییەکان پێویستە کارتی نشینگەی هەبێت و ماوەکەی بەسەر نەچووبێت.

ناسنامە و بەڵگەنامەکان

کۆپى ناسنامەى بارى شارستانى.

کۆپى ڕەگەزنامەى عێراقى.

کۆپى کارتى زانیارى.

وێنەی تازە.

پشتگیریی باجی دەرامەت.

بڕوانامەی خوێندن.

بۆ بیانییەکان، کارتی نشینگە.

ماوەی پێویست

سێ (٣) بۆ حەوت (٧) ڕۆژ.

تێچوو

بەپێى فەرمانى ژمارە (٤/١/١٨٤٠) لە ڕێکەوتى ١٤/٤/٢٠١٦ وەزارەتى ڕۆشنبیرى و لاوان / بەڕێوەبەرایەتیى گشتیى دیوان / بەڕێوەبەرایەتیى یاسا:
- بۆ فۆتۆکۆپی عادی (٧٥,٠٠٠) حەفتا و پێنج هەزار دینار.
- بۆ فۆتۆکۆپی ملەوەن (١٥٠,٠٠٠)ن سەد و پەنجا هەزار دینار.
- بۆ پەڕاوگەی پلە یەک (٥٠٠,٠٠٠) پێنج سەد هەزار دینار.
- بۆ پەڕاوگەی پلە دوو ( ٣٠٠,٠٠٠) سێ سەد هەزار دینار.
- بۆ کەپسی ناسنامە (٥٠,٠٠٠) پەنجا هەزار دینار.

ڕێکار و هەنگاوەکان

خزمەتخواز بەپێی سنووری جوگرافی سەردانی بەڕێوەبەرایەتیی گشتیی ڕۆشنبیری و هونەری پارێزگاکەی دەکات، بە مەبەستی پێشکەشکردنی داواکارییەکەی.

سەردانی ژووری مۆڵەتی پیشەیی هونەری دەکات، بە مەبەستی پێشکەشکردنی بەڵگەنامەکان.

سەردانی ژووری بەڕێوەبەری گشتی دەکات، بە مەبەستی وەرگرتنی ڕەزامەندی سەرەتایی.

سەردانی ژووری مۆڵەتی پیشەیی هونەری دەکات، بە مەبەستی ئامادەکردنی نووسراو بۆ بەڕێوەبەرایەتیی ئاسایشی ناوبراو و باجی دەرامەت.

دوای وەرگرتنی ڕەزامەندی سەرجەم لایەنەکان خزمەتخواز دوبارە سەردانی بەڕێوەبەرایەتیی گشتیی ڕۆشنبیری و هونەری پارێزگاکەی دەکاتەوە و سەردانی ژووری وەرگرتە و دەرکردە دەکات، بە مەبەستی تۆمارکردنی ژمارەی وەرگرتە بۆ نووسراوەکان.

سەردانی بەڕێوەبەری گشتی دەکات، بە مەبەستی واژۆکردنی مۆڵەتەکە.

سەردانی ژووری مۆڵەتی پیشەیی هونەری دەکاتەوە، بە مەبەستی گەڕاندنەوەی وێنەیەک لە مۆڵەتەکە کۆتایی هاتنی مامەڵەکە.

فۆرمی داواکاری

پێویستە فۆرمی داواکاری هاوپێچ بکرێت، ئەگەر هەبێت.

یاسا و رێنمایی