مۆڵەتی پیشەی سینەما ئەهلییەکان

دەبێت تەمەنی خوازیاری مۆڵەت لە هەژدە (١٨) ساڵ کەمتر نەبێت.

پێویستە هەر پیشەوەر سەرەتا لە بەڕێوەبەرایەتیی گشتیی تۆمارکردنی کۆمپانیاکان ناوە بازرگانییەکەی تۆماربکات.

هەنموو ئەو فلیمانەی نیشاندەدرێن، دەبێت لە لیژنەی تایبەتەوە کە لە بەڕێوەبەرایەتیی گشتیی پێک دێت مۆڵەت بدرێن، هەر فلیمێکی بێ مۆڵەتیش نیشانبدرێت ئەوا خاوەن سینەما لێی بەرپرسە و بەپێی یاسا سزا دەدرێت.

هەموو ئەو ڕەسم و ناونیشانانەی، کە لە ناوەوە و دەرەوەی سینەما هەڵدەواسرێن، دەبێت بە مۆری تایبەتی بەڕێوەبەرایەتیی گشتیی مۆرکرابن، بە مەرجێک لە ڕووی دابونەریت و ڕەوشتی بەرزی کوردەوارییەوە جێگەی گلەیی و سەرنج و سەرزەنشتی هاوڵاتییان نەبن.

خاوەن سینەما ناتوانێت هیچ فلیمێکی نەگونجاو و نەشیاو و قەدەغەکراو کار پێ بکات.

دەبێت لە هەموو سینەماکان تۆماری تایبەت هەبێت و ئەم زانیارییانەی تێدا تۆمارکرابێت (ناوی فلیمەکە و ئەو دەزگایەی بەرهەمی هێناوە و ناوی دیارترین نمایشکراوان و دەرهێنەری فلیمەکر، ژمارە و ڕۆژی نووسراوی مۆڵەتدانی فلیمەکە، ناوی خاوەن فلیمەکە یان ناوی بەرهەمهێنەرەکەی).

دەبێت لە کارگێڕی سینەمادا تۆمارێکی تایبەت هەبێت بۆ کاری چاودێری و پشکنین، لە پاڵ دۆسییەکی تایبەت بە ڕێنماییەکان.

دەبێت فلیمەکە بە تەواوی نیشانبدرێت و پارچە پارچە نەکرێت.

هۆڵی نیشاندان پێویستە هەموو مەرجەکانی تەندروستی تێدا بێت، لە ڕووی ڕوناکییەکی کز و ئاڵوگۆڕی هەوا،

دەبێت لە نێوان هەر نیشاندانێکدا ماوەی نیو کاتژمێر پشودانێک هەبێت، بۆ پاککردنەوە و گۆڕانی هەوای هۆڵەکە.

لە ڕۆژێکدا نابێت لە یەک (١) فلیم زیاتر کار پێبکرێت.

خاوەن سینەما یان جێگرەکەی بە مەرجێک مۆڵەتدراو بێت، تا ماوەی نیشاندانی فلیمەکە تەواو دەبێت لە سینەما ئامادە بێت.

هەموو ئەو کارمەندانەی لە سینەمادا کاردەکەن، پێویستە ناسنامەی تایبەت بەخۆیان هەبێت.

دەبێت سینەما لە ڕووی جوانکاری و لێوەشاوییەوە بەرچاو و دیار بێت.

پیشەوەر خۆی داواکاری پێشکەشبکات، یاخود لە ڕێگەی بریکاری یاسایی.

مۆڵەتی پیشەیی بۆ ماوەی یەک (١) بۆ سێ (٣) ساڵە و پێویستە نوێبکرێتەوە.

وەرگرتنی ڕەزامەندی بەڕێوەبەرایەتیی باجی دەرامەت و بەڕێوەبەرایەتیی ئاسایش.

بڕوانامەی خوێندن، یان هەر بەڵگەنامەیەکی دیکە بە مەرجێک کە بیسەلمێنێت خوازیاری مۆڵەت خوێندەواری هەیە.

بۆ بیانییەکان پێویستە کارتی نشینگەی هەبێت و ماوەکەی بەسەر نەچووبێت.