مۆڵەتی کارکردنی پیشەکانی (کۆمپیوتەر و چاپ سکرین و زەنگۆگراف)

پێدانی مۆڵەتی کارکردنی پیشەییە بۆ پیشەی مەڵبەندەکانی کۆمپیوتەر یان نووسینگەکانی چاپ سکرین یان زەنگۆگراف کە هاوڵاتییان دەتوانن بۆ هەر یەک لەو پیشانە بە جیاواز مۆڵەتی کارکردن بە دەستبهێنن، ئەم مۆڵەتەش دەتوانرێت تازە بکرێتەوە لە یەک (١) بۆ سێ (٣) ساڵ.

لایەنی بەرپرس

بەڕێوەبەرایەتی گشتی رۆشنبیری و هونەری

زانیاریی لایەنی بەرپرس

ناونیشانی وەزارەتی ڕۆشنبیری و لاوان / بەڕێوەبەرایەتی ڕۆشنبیری و هونەری پارێزگاکان

ماڵپەڕ

ماڵپەڕی فەرمیی وەزارەتی ڕۆشنبیری و لاوان

کاتی کارکردن

(٨:٣٠)ی بەیانی بۆ (٢:٣٠)ی دوای نیوەڕۆ.

ناونیشانەکان

بەڕێوەبەرایەتیی گشتیی ڕۆشنبیری و هونەری/ هەولێر

ڕێگای كه‌ركوک / به‌رامبه‌ر بەڕێوەبەرایەتیی گشتیی پۆلیسیی هه‌ولێر
ئیمەیڵ:- erbilcalture@gmail.com

بەڕێوەبەرایەتیی گشتیی ڕۆشنبیری و هونەری/ ڕاپەڕین

ئیدارەى ڕاپەڕین / ڕانیە / تەنیشت هۆڵى داخراوى وەرزشى
ئیمەیڵ:- Roshnbiryraparin2019@gmail.com

07501326161 - 07501017273

بەڕێوەبەرایەتیی گشتیی ڕۆشنبیری و هونەری/ سلێمانی

گەڕەکی هەندرێن/ پشت شارەوانیی سلێمانی / تەنیشت هۆڵی ڕۆشنبیری
ئیمەیڵ:- roshnberesul@ gmail.com

0533301653 - 07702136699

بەڕێوەبەرایەتیی گشتیی ڕۆشنبیری و هونەری/ هەڵەبجە

ئیمەیڵ:- roshnberyhalabja@yahoo.com

0538851853

بەڕێوەبەرایەتیی گشتیی ڕۆشنبیری و هونەری/ گەرمیان

قەزای كەلار / ناوەندی ئیدارەی گەرمیان
ئیمەیڵ:- www.roshnbery.garmyan . yahoo.com

07702217313 - 07719633011

بەڕێوەبەرایەتیی گشتیی ڕۆشنبیری و هونەری/ دهۆک

تاخێ ئێیت کەرتێ ٨٦
ئیمەیڵ:- Molatn74@gmail.com

07502123530

مەرجەکان

پێویستە تەمەنی لە هەژدە (١٨) ساڵ کەمتر نەبێت.

پێویستە پیشەوەر سەرەتا لە بەڕێوەبەرایەتیی گشتیی تۆمارکردنیی کۆمپانیاکان ناوە بازرگانییەکەی تۆماربکات.

تۆمارکردن و نوێکردنەوەی ناوی بازرگانی

نابێت کتێب یان گۆڤار یان ڕۆژنامە یان هەر بەڵگەنامەیەکی تر بە بێ ڕەزامەندی بەڕێوەبەرایەتیی گشتیی ڕۆشنبیری چاپ یان ڕەنووس بکەن.

ئەگەر مۆڵەتدراو بۆی نەکرا لە شوێنی کارەکەیدا کار بکات، ئەوا دەبێت بریکاری گشتی بۆ جێگرەکەی بکرێت، لەپاڵ ڕەزامەندی وەزارەتی ناوخۆ و وەزارەتی دارایی و ئابووری بەڕێوەبەرایەتیی باجی دەرامەت.

هەر چاپکراوێکی چاپ دەکرێت، پێویستە ناوی سیانی بەسەرەوە بێت، بۆ زەنگۆگراف و سکرین پێویستە بە وردی ناوی تەواو و مۆڵەتی ئەو دەزگایە تۆماربکات، کە کارەکەی بۆ ئەنجامدراوە، لە کاتی سەرپێچیکردنی ڕێنماییەکان مۆڵەتدراو بەپێی یاسا سزا دەدرێت.

دەزگای کۆمپیوتەر و سکرین پێویستە تۆمار و دۆسیەی تایبەتیان هەبێت و هەموو ئەو کارانەی ئەنجامیدەدەن تیادا تۆمارکرابن و هەڵگیرابن، لە کاتی پشکنین بخرێنە ڕوو.

پیشەوەر خۆی داواکاری پێشکەشبکات یاخود لە ڕێگەی بریکاری یاسایی.

بريکارنامەى تايبەت

بريکارنامەى گشتى

مۆڵەتی پیشەیی بۆ ماوەی یەک (١) بۆ سێ (٣) ساڵە و پێویستە نوێبکرێتەوە.

نوێکردنەوەی مۆڵەتە پیشەییە هونەرییەکان

وەرگرتنی ڕەزامەندی بەڕێوەبەرایەتیی باجی دەرامەت و بەڕێوەبەرایەتیی ئاسایش.

وەرگرتنی باجی پیشە و کارە بازرگانییەکان

بڕوانامەی خوێندن، یان هەر بەڵگەنامەیەکی دیکە بە مەرجێک کە بیسەلمێنێت خوازیاری مۆڵەت خوێندەواری هەیە.

بۆ بیانییەکان پێویستە کارتی نشینگەی هەبێت و ماوەکەی بەسەر نەچووبێت.

ناسنامە و بەڵگەنامەکان

کۆپى ناسنامەى بارى شارستانى.

کۆپى ڕەگەزنامەى عێراقى.

کۆپى کارتى زانیارى.

وێنەی تازە.

پشتگیریی باجی دەرامەت.

بڕوانامەی خوێندن.

بۆ بیانییەکان، کارتی نشینگە.

ماوەی پێویست

سێ (٣) بۆ حەوت (٧) ڕۆژ.

تێچوو

بەپێى فەرمانى ژمارە (٤/١/١٨٤٠) لە ڕێککەوتى ١٤/٤/٢٠١٦ وەزارەتى ڕۆشنبیرى و لاوان / بەڕێوەبەرایەتیی گشتیی دیوان / بەڕێوەبەرایەتى یاسا:
- بۆ کۆمپیەتەر بڕی (١٥٠,٠٠٠) سەد و پەنجا هەزار دینار.
- بۆ چاپ سکرین (١٥٠,٠٠٠) سەد و پەنجا هەزار دینار.
- بۆ زەنگۆگراف (١٠٠,٠٠٠) سەد هەزار دینار.

ڕێکار و هەنگاوەکان

خزمەتخواز بەپێی شوێنی جوگرافی سەردانی بەڕێوەبەرایەتیی گشتیی ڕۆشنبیری و هونەری پارێزگاکەی دەکات، بە مەبەستی پێشکەشکردنی داواکارییەکەی.

سەردانی ژووری مۆڵەتی پیشەیی هونەری دەکات، بە مەبەستی پێشکەشکردنی بەڵگەنامەکان.

سەردانی ژووری بەڕێوەبەری گشتی دەکات، بە مەبەستی وەرگرتنی ڕەزامەندی سەرەتایی.

سەردانی ژووری مۆڵەتی پیشەیی هونەری دەکات، بە مەبەستی ئامادەکردنی نووسراو بۆ بەڕێوەبەرایەتیی ئاسایشی ناوبراو و باجی دەرامەت.

دوای وەرگرتنی ڕەزامەندی سەرجەم لایەنەکان خزمەتخواز دووبارە سەردانی بەڕێوەبەرایەتیی گشتیی ڕۆشنبیری و هونەری پارێزگاکەی دەکاتەوە وە سەردانی ژووری وەرگرتە و دەرکردە دەکات، بە مەبەستی تۆمارکردنی ژمارەی وەرگرتە بۆ نووسراوەکان.

سەردانی بەڕێوەبەی گشتی دەکات، بە مەبەستی واژۆکردنی مۆڵەتەکە.

سەردانی ژووری مۆڵەتی پیشەیی هونەری دەکاتەوە، بە مەبەستی گەڕاندنەوەی وێنەیەک لە مۆڵەتەکە کۆتایی هاتنی مامەڵەکە.

فۆرمی داواکاری

پێویستە فۆرمی داواکاری هاوپێچ بکرێت، ئەگەر هەبێت.

یاسا و رێنمایی