مۆڵەتی بریکاری غاز

ڕێگەدان بە فرۆشتن و دابەشکردنی بوتڵی غاز بەپێى مەرج و ڕێنماییەکانی دابەشکردن، واتا بوون بە بریکاری دابەشکردنی غاز.

لایەنی بەرپرس

بەڕێوەبەرایەتی گشتی وەبەرهێنانی کانزایی

زانیاریی لایەنی بەرپرس

ناونیشانی سەردانی هاوڵاتی بۆ وەزارەتی سامانە سروشتییەکان بەڕێوەبەرایەتی نەوت و کانزاکان (سلێمانی،دهۆک،هەولێر،گەرمیان) 5 خزمەت

ماڵپەڕ

ماڵپەڕی فەرمیی وەزارەتی سامانە سروشتییەکان

کاتی کارکردن

(٨:٠٠)ی بەیانی بۆ (٣:٠٠)ی دوای نیوەڕۆ.

ناونیشانەکان

بەڕێوەبەرایەتی نەوت و کانزاکانی هەولێر

هەولێر / ڕێگای فلکەی باز / تەنیشت بەڕێوەبەرایەتیی حەج و عەمرە
ئیمەیڵ: zanearynawt@yahoo.com

07504401346

بەڕێوەبەرایەتی نەوت و کانزاکانی سلێمانی

سلێمانی / شەقامی کازیوە
ئیمەیڵ: dsgeoserv2004@yahoo.com

0533510205

بەڕێوەبەرایەتی نەوت و کانزاکانی دهۆک

دهۆک / جادەى نزاركى (١٠٠)مەتری
ئیمەیڵ: duhoknaft@yahoo.com

07504570485

بەڕێوەبەرایەتی نەوت و کانزاکانی گەرمیان

کەلار / تەنیشت سەرۆکایەتیی شارەوانی کەلار
ئیمەیڵ: nawt.garmian@mnr.krg.org

07701533993

بەڕێوەبەرایەتی نەوت و کانزاکانی زاخۆ

زاخۆ / بێدار / نزیک نەخۆشخانەی بێداری
ئیمەیڵ: naftzakho@gmail.com

07517716530

مەرجەکان

ڕەگەزى نێر بێت.

تەمەنی لە هەژدە (١٨) ساڵ زیاتر بێت.

مۆڵەتی شوفێری گشتی هەبێت.

بارهەڵگر بەپێی ڕێنماييەكان، بە ناوى خۆى بێت و لە جۆری گاز بێت.

لارى نەبوونى ئەو يەكە ئيدارييەى بريكاریيەتەكەى لێ ئيش دەكات بهێنێت.

فەرمانبەری حکومی نەبێت.

هەبوونی پاکانەی باجی دەرامەت.

وەرگرتنی باجی پیشە و کارە بازرگانییەکان

كردنەوەى حيساب جارى لە بانک. (ئەم خاڵە تەنیا لە پارێزگای هەولێر پەیرەو دەکرێت).

کردنەوەى ئەژمێرى ڕەوەنى (حساب جاری) بۆ هاوڵاتییان

پێویستە خزمەتخواز خۆی کارەکان ئەنجامبدات.

وەرگرتنی ڕەزامەندی لایەنی ئاسایش، تەنیا بۆ گەرمیان و دهۆک و زاخۆ.

ناسنامە و بەڵگەنامەکان

ناسنامەی باری شارستانی (نفوس)، بە مەبەستی ناساندنی خاوەن بریکاری غاز.

ڕەگەزنامەی عێراقی (جنسية)، بۆ دڵنیابوون لە هاوڵاتی بوون عێراقی.

کارتی زانیاری، بۆ زانینی شوێنی نیشتەجێبوونی بریکارەکە.

فۆڕمی خۆراک، بۆ زیاتر زانیاری دەربارەی باری خێزانیی بریکارەکە.

نووسراوى يەکەی کارگێڕى و پارێزگا، بۆ سەلماندنی پێویستیی يەکەی ئيدارى بە مۆڵەتی بريكارى غاز، هەروەها پێویستبوون بە بریکاری زیاتری غاز لەو ناوچەیە.

مۆڵەتى شوفێرى گشتى نوێكراوە، مۆڵەتى گشتى شوفێرى پێویستە لەبەر ئەوەی خاوەن بريكار خۆى ئۆتۆمۆبێلەکەى غازى دابەشكردن لێ دەخوڕێت.

بۆ هەولێر و دهۆک (ساڵنامەى بارهەڵگر نوێكراوە و مۆدێلی لە پێنج (٥) ساڵ زياتر نەبێت، ساڵنامەى (سنوية) ئۆتۆمبێل پێویستەو نوێكراوە بێت بۆ ئەوەى كێشە لە هاتووچۆى ئۆتۆمبێل دروست نەبێت لە كاتى لێخوڕین لە لايەن كارمةندانى هاتووچۆ، وە پێویستە مۆدێلەکانی ئۆتۆمۆبێل لە پێنج (٥) مۆدێل تێنەپەڕێت بۆ ئەوەى ئۆتۆمبێلەكان نوێ و مۆدێرن لە كاتى لێخوڕين و هاتووچۆ و بەتايبەت لە ناو گەڕەکەكان)، بەڵام لە سلێمانى و گەرميان ڕەچاوى مۆدێل ناكرێت تەنیا مەرجەكانى توندوتۆڵى تێدا بێت.

پاكانەى باجى دەرامەت، بۆ ئەوەى باجى ساڵانەى بريكار لە كاتى خۆى بدات. تەنیا لە پارێزگای هەولێر و دهۆک و زاخۆ.

ماوەی پێویست

چوار (٤) بۆ حەوت (٧) ڕۆژ.

تێچوو

بۆ پارێزگای هەولێر:
پارەی ڕسوماتی گرێبەست (٣،٠٠٠) سێ هەزار دینارە بەپێی ڕێنمایی وەزارەتی دارایی/ بەڕێوەبەرایەتیی گشتیی بودجە/ بەڕێوەبەرایەتیی داهات و خەرجییەکان ژمارە (٢٠٠٦١) لە ٩/١٢/٢٠١٣.

لە پارێزگاکانی (سلێمانی، دهۆک ، ئیدارەی گەمیان، زاخۆ) هیچ ڕسوماتێک وەرناگیرێت لەبەر ئەوەی کارگەکان ناحکومیین.

ڕێکار و هەنگاوەکان

بۆ پارێزگای هەولێر، خزمەتخواز سەردانی بەڕێوەبەرایەتیی نەوت و کانزاکانی هەولێر دەکات.

سەردانی ژووری کارگێڕی دەکات، بە مەبەستی ڕاییکردنی مامەڵەکە.

سەردانی بەشی دابەشکردن دەکات، بە مەبەستی ڕاییکردنی مامەڵەکە.

سەردانی هۆبەی سەلامەتی و ئاگرکوژێنەوە دەکات، بە مەبەستی ئەنجامدانى كەشف لەسەر بارهەڵگرەکەى.

سەردانی بەڕێوەبەرایەتی باجی دەرامەت دەکات، بە مەبەستی تۆمارکردن.

وەرگرتنی باجی پیشە و کارە بازرگانییەکان

سەردانی ژووری ژمێریاری دەکات، بە مەبەستی دانانی بارمتە (تأمينات).

سەردانی ژووری دابەشکردن دەکات، بە مەبەستی کردنەوەی فایل و دەرهێنانی فەرمانی پێویست بۆ کارکردنی.

سەردانی ژووری یاسا دەکات، بە مەبەستی ئەنجامدانی گرێبەست لەگەڵ بریکارەکە.

بۆ پارێزگای (سلێمانی، دهۆک، ئیدارەی گەرمیان، زاخۆ):-

سەردانی ژووری بەڕێوەبەر دەکات، بە مەبەستی ڕاستاندن.

سەردانی ژووری کارگێڕی دەکات، بە مەبەستی تۆمارکردنی لە نووسراوە هاتووەکان.

سەردانی بەرهەمە نەوتییەکان دەکات، بە مەبەستی کردنەوەی دۆسیەی تایبەت، بەڵام لە دهۆک دەچێتە هۆبەی غاز.

سەردانی ژووری یاسا دەکات، بە مەبەستی ئەنجامدانی گرێبەست. (ئیدارەی گەرمیان بەشی یاسایی نییە)، بۆ گرێبەست و کۆتایی پرۆسەکە سەردانی فەرمانگەی دادنوس دەکات.

فۆرمی داواکاری