وەرگرتنی مۆڵەتی کردنەوەی قوتابخانەی بنەڕەتی ناحكومی

ڕسوماتی داواکاری مۆڵەتى کردنەوەی قوتابخانەی بنەڕەتی ناحکومی بەو شێوەیەى خوارەوەیە:
١- بڕى (٢،٠٠٠،٠٠٠) دوو ملیۆن دینار وەردەگیرێت لە بەڕێوەبەرایەتی ژمێریاری لە دیوانی وەزارەت، بە پێی پسوولەى دارایی ژمارە (٣٧أ) لە ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگا ناحکومییەکان ژمارە (٣)ی ساڵی ٢٠٢٠، ئەگەر هاتوو ڕەزامەندى درا وەیان نەدرا لە وەزارەتى پەروەردە بە داواکار ئەو بڕە پارەیە گەڕانەوەى نییە.
٢- بڕى (٤٠٠،٠٠٠) چوار سەد هەزار دینار وەردەگیرێت، بۆ بەشداربوون لە خزمەتگوزارى ئەلیکترۆنى لە سیستەمى (e-parwarda)، پارەکە کۆمپانیاى (soft max) وەری دەگرێت بۆ ماوەى (١) یەک ساڵ، بەرامبەر خزمەتگوزارى ئەلیکترۆنى کە بریتییە لە:
- سیستەمى زانیارى قوتابى.
- سیستەمى قوتابخانە.
- سیستەمى مامۆستا و فەرمانبەران.
- خولى ڕاهێنان.
- پاڵپشتى و سازدانەوە بۆ ماوەى (١٢) دوازدە مانگ.
- هەڵگرتنى زانیارى داواکار بۆ ماوەى (١٨) هەژدە مانگ.
٣- ئەگەر هاتوو ڕەزامەندى درا لە وەزارەتى پەروەردە بە داواکار، پێویستە داواکار ڕسوماتی پێدانی مۆڵەت بە بڕى (١٢،٠٠٠،٠٠٠) دوازدە ملیۆن دینار بدات بەڕێوەبەرایەتی ژمێریاری لە دیوانی وەزارەت بە پێی پسولەى دارایی (٣٧أ). بە پێی ڕێنمایی ژمارە (١)ی ساڵی ٢٠٢١ هەمواری یەکەمی ڕێنمایی قوتابخانە و پەیمانگا ناحکومییەکان ژمارە (٣)ی ساڵی ٢٠٢٠.