مۆڵەتی کردنەوەى پەیمانگای فێرکردنی پیشەیی ناحکومی

خزمەتخواز سەرەتا سەردانی بەڕێوەبەرایەتی گشتی پەروەردەی پارێزگاکەی دەکات.

سەردانی ژووری بەڕێوەبەری گشتی دەکات، بە مەبەستی پێشکەشکردنی داواکاری و وەرگرتنی ڕەزامەندی سەرەتایی.

سەردانی ژووری بەشی فێرکردنی پیشەیی دەکات، بە مەبەستی جێبەجێکردنی ڕێکارەکان و دانانی ڕێکەوتی لیژنەی پشکنین بۆ بیناکە.

دوای ئەنجامدانی پشکنین بۆ بیناکە خزمەتخواز دووبارە سەردانی بەشی فێرکردنی پێشەیی دەکات، بە مەبەستی بەدەستهێنانی نوسراوی ڕەزامەندی و پشتگیری هەریەک لە (بەڕێوەبەرایەتی ئاسایش، بەڕێوەبەرایەتی تەندروستی، بەڕێوەبەرایەتی باج و دەرامەت، بەڕێوەبەرایەتی شارەوانی، بەڕێوەبەرایەتی دەستەبەری کۆمەڵایەتی، بەڕێوەبەرایەتی لێکۆڵینەوەی بەڵگەکانی تاوان (پەنجە مۆر)، بەرگری شارستانی) هەبێت.

دوای بە دەستهێنانی ڕەزامەندی سەرجەم فەرمانگەکان خزمەتخواز سەردانی بەڕێوەبەرایەتی پەروەردەی گشتی پارێزگاکەی / بەشی فێرکردنی پێشەیی دەکاتەوە، بە مەبەستی گەڕاندنەوەی نوسراوەکانی ڕەزامەندی.

دواتر هەر لە بەشی فێرکردنی پیشەیی نوسراو وەرگرتنی ڕەزامەندی وەزارەتی پەروەردە ئامادە دەکرێت و بە شێوازی ئەلیکترۆنی دەنێردرێت بۆ وەزارەتی پەروەردە، خزمەتخواز دەتوانێت لە ڕێی ئەم لینکەی خوارەوە بە شێوازێکی ئەلیکترۆنی بەدواداچوون بۆ خزمەتەکەی بکات کە گەیشتەوتە کێندەر.، دوای تەواوبوونی سەرجەم ڕێکارەکانی هەر لە ڕێگای ئەم لینکەوە خزمەتخواز ئاگادار دەکرێتەوە کە سەردانی بەریوەبەرایەتی فێرکردنی پیشەیی دەکاتەوە بە مەبەستی دانی ڕسوماتی مۆڵەتەکە.

خزمەتخواز سەردانی وەزارەتی پەروەردە / بەڕێوەبەرایەتی فێرکردنی پیشەیی دەکات، بە مەبەستی وەرگرتنەوەی نوسراوەکان.

خزمەتخواز سەردانی ژووری بەڕێوەبەری گشتی فێرکردنی پیشەیی دەکات، بە مەبەستی هاموش لەسەر نوسراوەکە، لە ڕێگای بەریدی وەزارەت نوسراوەکە دەچێتە نوسینگەی وەزیر، بە مەبەستی وەرگرتنی ڕەزامەندی وەزیری پەروەردە.

خزمەتخواز سەردانی ژووری بەڕێوەبەری فێرکردنی پیشەیی دەکاتەوە، بە مەبەستی وەرگرتنی دیاریکردنی بڕی ڕسوماتەکە.

سەردانی بەڕێوەبەرایەتی ژمێریاری دیوانی وەزارەتی پەروەردە دەکات، بە مەبەستی دانی ڕسوماتی دیاریکراو.

سەردانی بەڕێوەبەرایەتی فێرکردنی پیشەیی، بە مەبەستی گەڕاندنەوەی پسولەی دارایی.

خزمەتخواز لە ماوەی کەمتر لە هەفتەیەک لە ڕێگای تەلەفۆن ئاگادار دەکرێتەوە سەردانی بەڕێوەبەرایەتی گشتی پەروەردەی پارێزگاکەی بکات، بە مەبەستی وەرگرتنەوەی فەرمانی وەزاری پێدانی مۆڵەتی کردنەوەی پەیمانگاکەی و دەرکردنی فەرمانی کارگێڕی بۆی.