مۆڵەتی پیشەی چاککەرەوەی سەلاجە و بەفرگر - ئامێرەکانی ساردکردنەوە و فێنککەرەوە (سپلیت)

خزمەتخواز سەردانی بەڕێوەبەرایەتی کار دەکات بە مەبەستی پێشکەشکردنی داواکاری لە لایەن خاوەن پیشەوەرەوە.

سەردانی ژووری وەرگرتە دەکات، بە مەبەستی وەرگرتنی ژمارەی وەرگرتە بۆ داواکارییەکەی.

سەردانی ژووری بەڕێوەبەر دەکات، بە مەبەستی وەرگرتنی ڕەزامەندی سەرەتایی لەسەر داواکارییەکەی.

سەردانی ژووری خزمەتگوزاری دوای فرۆشتن دەکات، بە مەبەستی پڕکردنەوەی فۆڕم و دیاریکردنی ڕۆژی پشکنین و هەڵسەنگاندنی تاقیکردنەوەی پیشەوەر و ئامادەکردنی نووسراو بۆ فەرمانگەکان بەگوێرەی جۆری پیشەکە.

دوای ئەنجامدانی پشکنین و دەرچوونی لە تاقیکردنەوەی پیشەیی و گەڕاندنەوەی ڕەزامەندی سەرجەم فەرمانگەکانی داوای لێکراوە، فایلەکەی ڕەوانەی بەڕێوبەرایەتی گشتی کار و دەستەبەری کۆمەڵایەتی دەکرێت بە مەبەستی وردبینی کۆتایی و وەرگرتنی ڕەزامەندی پێدانی مۆڵەتەکە، ئەمە ڕێکارێکە بەڕێوەبەرایەتییەکانی کار لە ڕێگەی پۆستەچی خۆیان ئەنجامیدەدەن و پیشەوەر چاوەڕوانی گەڕانەوەی مۆڵەتەکەی دەکات.

دوای وردبینیکردن و نەبوونی هیچ کێشەیەک لە داواکاری و شوێنی کار، فەرمانی کارگێڕی و پێدانی مۆڵەتەکە لە لایەن بەڕێوەبەرایەتی گشتی کار و دەستەبەری کۆمەڵایەتی پەسەنددەکرێت، فەرمانگە لە ڕێگەی پۆستەچی خۆیانەوە مۆڵەتەکە دەگەڕێننەوە ئەو (بەڕێوەبەرایەتی کار)ی، کە داواکارییەکی لێوە هاتووە، دواتر هاوڵاتی لە ڕێگەی تەلەفۆنەوە ئاگاداردەکرێتەوە بۆ وەرگرتنەوەی مۆڵەتە پیشەییەکە و کۆتایی مامەڵەکە.