هەڵوەشاندنەوەی مۆلەتی پیشەی بۆ چاکردنەوەی (کەلوپەلی ناومال و کەلوپەلی کارەبای و کەلوپەلی ئۆتۆمبێل و میکانیکی)

خزمەتخواز سەردانی بەرێوبەرایەتی کار دەکات لە پارێزگا و ئیدارە سەربەخۆکان، بەمەبەستی پێشکەشکردنی داواکاری بۆ هەڵوەشاندنەوی مۆڵەتەکەی.

سەردانی ژووری هاتوو، بەمەبەستی وەرگرتنی ژمارەی هاتوو بۆ داواکارییەکەی.

سەردانی ژووری بەرێوبەر بە مەبەستی وەرگرتنی ڕەزامەندی سەرەتایی لەسەر داواکارییەکەی.

سەردانی ژووری خزمەتگوزاری دوای فرۆشتن، بە مەبەستی پڕکردنەوەی فۆرمی هەڵوەشاندنەوی مۆلەتی پیشە و ئامادەکردن هێنانی نووسراوی پاکانە بۆ بەرێوەبەرایەتی دەستەبەری کۆمەلایەتی، بەرێوبەرایەتی باجی دەرامەت، شارەوانی پەیوەندیدار و ئاسایشی ناوچەکە.

دوای گەڕاندنەوەی سەرجەم پاکانە و لارینەبوونەکان، پیشەوەر سەردانی ژووری خزمەت گوزاری دوای فرۆشتن دەکات، کاتی پشکنینی بۆ دیاریدەکرێت بەمەبەستی دڵنیابوون لە نەمانی شوێنی پیشەکە.

دوای ئەنجام دانی پشکنین و گەڕاندنەوەی ڕەزامەندی سەرجەم ئەو فەرمانگانەی بۆی دیاریکراوە، فایل و داواکارییەکە ڕەوانەی بەرێوبەرایەتی گشتی کار و دەستەبەری کۆمەلایەتی دەکرێت بە مەبەستی وردبینی کۆتایی و بڕیاردان لەسەر هەڵوەشاندنەوی مۆلەتەکە، ئەم ڕێکارە لەرێگای پۆستەچی فەرمانگەکە خۆی دەکرێت، پیشەوەر چاوەڕوانی بڕیاری هەڵوەشاندنەوەی پیشەکەی دەکات تا ئاگادار دەکرێتەوە.

دوای وردبینیکردن و نەبوونی هیچ کێشەیەک لە داواکاری و شوێنی کار، پیشەوەرەکە فەرمانی کارگێری و هەڵوەشاندنەوی مۆلەتەکەی لەلایەن بەرێوبەرایەتی گشتی کار و دەستەبەری کۆمەلایەتی پەسەندەکریت و فەرمانەکە لە رێگەی پۆستەچی فەرمەنگەکەوە دەنیردرێتەوە بۆ ئەو بەرێوەبەرایەتییەی داواکارییەکی لێهاتووە، دواتر پیشەوەر لە ڕێگای تەلەفونەوە ئاگادار دەکرێتەوە بۆ هاتنی و وەرگرتنەوەی فەرمانی هەڵوەشاندنەوەی مۆڵەتی پیشە.