وەرگرتنی باجی کۆمپانیاکان

بریتییە لەو باجەی، کە ساڵانە دەکەوێتە ئەستۆی کۆمپانیا کاراکان لە هەرێمی کوردستان بە کۆمپانیا تاک و سادەکانیشەوە، بە ڕێژەی چەسپاو، کە بڕەکەی (١٥%)یە لە کۆی پوختەی قازانج.

لایەنی بەرپرس

بەڕێوەبەرایەتی باجی دەرامەتی کۆمپانیاکان

زانیاریی لایەنی بەرپرس

ناونیشانی سەردانی هاوڵاتی- بەڕێوەبەرایەتی باجی کۆمپانیاکان

ماڵپەڕ

ماڵپەڕی فەرمیی وەزارەتی دارایی و ئابووری

کاتی کارکردن

(٨:٠٠)ی بەیانی بۆ (٣:٠٠)ی دوای نیوەڕۆ.

ناونیشانەکان

بەڕێوەبەرایەتیى باجى دەرامەتى کۆمپانیاکان / هەولێر

هەولێر / ڕێگاى کەرکوک / تەنیشت بەڕێوەبەرایەتیی هاتووچۆى هەولێر

مەرجەکان

کۆمپانیاکە مۆڵەتی فەرمیی دامەزراندنی هەبێت.

تۆمارکردنی کۆمپانیای نیشتمانی

پێویستە بودجەی ساڵانەی کۆمپانیاکە لە لایەن سەندیکای ژمێریاران و وردبینان پەسەندکراوبێت.

پێویستە چالاکى قازانجدارى هەبێت.

ئەگەر بوودجەی ساڵانەی کۆمپانیا ڕەتکرایەوە لە لایەن دەسەڵاتی دارایی بە ڕێگای لیژنەی تایبەتمەندەوە بڕی قازانجەکە دەخەمڵێنرێت.

دەکرێت لەڕێگای بریکارەوە ئەنجامبدرێت، بە مەرجێک بریکارنامەی یاسایی هەبێت.

بريکارنامەى تايبەت

بريکارنامەى گشتى

ناسنامە و بەڵگەنامەکان

ناسنامەی کەسی باجدەر.

ئەگەر کۆمپانیا بیانی بوو ئەوا پاسپۆرتی کەسی بیانی.

ماوەی پێویست

دوو (٢) بۆ سێ (٣) کاتژمێر.

تێچوو

بێبەرامبەرە، لە کاتی پەسەندکردنی بوودجەی ساڵانەی کۆمپانیا، لە کاتی ڕەتکردنەوەی بوودجەکە پێویستی بە پشکنینە، کە کرێی دەرخستەکەی (٢٥,٠٠٠) بیست و پێنج هەزار دینارە.

ڕێکار و هەنگاوەکان

خزمەتخواز سەرانی یەکێک لە بەڕێوەبەرایەتییەکانی باجی دەرامەتی کۆمپانیاکان دەکات.

سەردانی ژووری کۆمپیوتەر دەکات، بە مەبەستی وەرگرتنی ژمارەی دۆسیە.

سەردانی ژووری دۆسیە دەکات، بە مەبەستی وەرگرتنی دۆسیە لەگەڵ کارمەندی تایبەت.

سەردانی ژووری خەمڵێنەر دەکات، بە مەبەستی خەمڵاندنی باج.

سەردانی ژووری بەڕێوەبەر دەکات، بە مەبەستی ڕەزامەندی و دەربڕین لەسەر خەمڵاندن.

سەردانی ژووری وردبینی دەکات، بە مەبەستی وردبینیکردن.

سەردانی ژووری تەقدیرات و جیبایە دەکات، بە مەبەستی تۆمارکردنی خەمڵاندنەکە.

سەردانی ژووری خەزنە دەکات، بە مەبەستی باجدان.

سەردانی ژووری دۆسییەکان دەکات، بۆ گەڕانەوەی دۆسیە لە لایەن کارمەندی تایبەتەوە.

فۆرمی داواکاری