یەکسانکردنی بڕوانامەی بیانی بریتییە لە یەکسانکردنی سەرجەم ئەو بڕوانامانەی لە دەرەوەی عێراق بە دەستهاتوون.
پەسەندکردنی بڕوانامەی زانکۆ و پەیمانگە تایبەتەکان بریتییە لە پەسەندکردنى ناوى دەرچووانى گشت زانکۆ و پەیمانگە تایبەتەکان، ڕاستاندنى بڕوانامەى فەرمانبەرانى دامودەزگاکانى حکومەتى هەرێمى کوردستان، کە دەرچووى زانکۆ و پەیمانگە تایبەتەکانى هەرێمى کوردستانن.
وەرگرتنی قوتابییان لە زانکۆ و پەیمانگەکانی هەرێم وەرگرتنى دەرچووانی پۆلی (١٢) دوازدەی ئامادەییە لە زانکۆ و پەیمانگەکانی هەرێم.
داواکردنی سکۆلەرشیپ (Scholarship) دەستەبەرى دارایی (کفالە) لەسەر موڵکی نەگوازراوە (عقار) دادەنرێت بۆ بەرژەوەندی وەزارەتى خوێندنی باڵا و توێژینەوەى زانستی، هەر کاتێک خوێندکار و قوتابی نەیتوانی لە خوێندن سەرکەوتوو بێت یان نەگەڕێتەوە بۆ ناوەوەى وڵات، ڕێکارى یاسایی لەسەر ئەو دەستەبەریە ئەنجامدەدرێت بۆ پاراستن و وەرگرتنەوەى مافی حکومەت.
پێدانی مۆڵەتی کردنەوەی زانکۆ و پەیمانگەی تایبەت پێدانی مۆڵەتی کردنەوەی زانکۆ و لقی زانکۆی نێودەوڵەتی، پەیمانگەی تایبەت، لقی زانکۆی تایبەتی ناوخۆیی و لقی پەیمانگەی تایبەتی ناوخۆییە، هەروەها کردنەوەی کۆلێژ، سەنتەری زانستی و بەشی زانستی لە زانکۆ و پەیمانگە تایبەتەکان لە هەرێمی کوردستان.
گواستنەوەی قوتابییان و خوێندکاران لە ناوەوە و دەرەوەی هەرێم گواستنەوەی قوتابییان و خوێندکارانە لە نێوان زانکۆ و پەیمانگەکانی هەرێم، یان لە زانکۆ و پەیمانگەکانی ناوەڕاست و باشوری عێراق یان قوتابییانی دەرەوەی وڵات بۆ زانکۆ و پەیمانگەکانی هەرێم یان قوتابییانی هەرێم بۆ دەرەوەی وڵات.
مامەڵەی گواستنەوەی ڕاژە و تەنسیب هاوکاری هەموو ئەم بەڕێزانەی، کە لە دامودەزگاکانی خوێندنی باڵای هەرێمی کوردستان دەیانەوێت بە تەنسیب یان گواستنەوە خزمەتەکانیان بگوازنەوە بۆ دامودەزگاکانی سەر بە خوێندنی باڵای حکومەتی فیدراڵ و بە پێچەوانەوە. تێبینی: ئێمە تەنیا نووسراوەکانیان بۆ دەکەین بە زمانی عەرەبی و بۆ ئەوەی ڕەوانەی لایەنی پەیوەندیدار بکرێت. بەڵام تەواوی ڕەزامەندی و ڕێکارە کارگێڕیەکانی تر لە فەرمانگەی کارگێڕی و دارایی ئەنجامدەدرێت.
یەکسانکردنی کۆی نمرەی ئەو بڕوانامانەی کە لە دەرەوەی عێراق بە دەستهاتوون بریتییە لە هاوتاکردنی کۆنمرەی ئەو بڕوانامانەی، کە لە دەرەوەی عێراق بە دەستهاتوون.
پەسەندکردن و ڕاستاندنی بڕوانامەى دەرچووانى زانکۆ و پەیمانگە حكومییهكان لە هەڵگرانی بڕوانامەی (دكتۆرا و ماستهر و دبلۆمی باڵا و بهكالۆریۆس و دبلۆم) بریتییە لە پهسهندکردن و ڕاستاندنی بڕوانامەى قوتابی / خوێندکارانی دهرچووی زانکۆ و پەیمانگە حکومییهکان لە دکتۆرا، ماستهر، بهکالۆریۆس، دبلۆمی باڵا و دبلۆم، دوای وردبینی و یهکانگیربوونی؛ نوقسراو، زانیاری، مۆر و واژۆی سهر بڕوانامه لهگهڵ ئهو داتایەی له هۆبهی بڕوانامهکان پارێزراوه، چ له شێوهی فایلی بهرجهسته یان فایل و داتای کۆمپیوتهری، ههماههنگی لهگهڵ زانکۆ حکومییهکان بۆ ئهم مهبهسته.
زەمالاتی خوێندنی ماستەر و دکتۆرا بریتییە لە بەدەستهێنان و پرۆسێسکردنی ئەو کورسییانەی لە لایەن وڵاتان یان زانکۆکانی دەرەوە، لە چوارچێوەی ڕێککەوتننامە پێشکەش بە قوتابی و خوێندکارەکانی هەرێمی کوردستان دەکرێت.