پێدان و نوێکردنەوەی مۆڵەتی کار بە کۆمپانیای تایبەتمەند لە بواری پاسەوانی تایبەت

پێدانی مۆڵەتی کارە بە کۆمپانیای پاسەوانی تایبەت، بە مەبەستی پاسەوانیکردن لە دامەزراوە تایبەتەکان.

لایەنی بەرپرس

بەڕێوەبەرایەتی کۆمپانیا ئەمنیەکان و مۆڵەتپێدان

زانیاریی لایەنی بەرپرس

وەزارەتی ناوخۆ - بەڕێوەبەرایەتی گشتی دیوان - بەڕێوەبەرایەتی کۆمپانیا ئەمنیەکان و مۆڵەتپێدان

ماڵپەڕ

ماڵپەڕی فەرمیی وەزارەتی ناوخۆ

کاتی کارکردن

(٨:٣٠) بەیانی بۆ (٣:٠٠) دوای نیوەڕۆ.

ناونیشانەکان

بەڕێوەبەرایەتیی کۆمپانیا ئەمنیەکان و مۆڵەتپێدان / هەولێر

هەولێر / تەنیشت ئاسایشی هەولێر

مەرجەکان

بریکارنامە، کاتێک مامەڵەکە لە لایەن بریکارەوە ئەنجامبدرێت.

بريکارنامەى تايبەت

بريکارنامەى گشتى

هێنانی نووسراوی ڕاوبۆچوون لە وەزارەتی بازرگانی و پیشەسازی، بەڕێوەبەرایەتی گشتی تۆمارکردنی کۆمپانیاکان، بە مەبەستی وەرگرتنی ڕەزامەندی لایەنی ئەمنی.

دانانی بارمتە بە شێوەی چەکی بانکی لە هەر بانکێکی حکومی لە هەرێمی کوردستان بە بڕی (٢٥٠,٠٠٠,٠٠٠) دوو سەد و پەنجا ملیۆن دینار بۆ کۆمپانیای خۆماڵی، وە بڕی (٥٠٠,٠٠٠,٠٠٠) پێنج سەد ملیۆن دینار بۆ کۆمپانیای بیانی.

بۆ نوێکردنەوە دووبارە پێویست بە وەرگرتنی ڕەزامەندی ئەمنی ناکات.

ناسنامە و بەڵگەنامەکان

کارتی نیشتمانی(یان ناسنامەی باری شارستانی و ڕەگەزنامە)ی بەڕێوەبەری ڕێپێدراو.

کارتی زانیاری بەڕێوەبەری ڕێپێدراو.

بڕیاری دامەزراندنی کۆمپانیا.

بڕیاری کارگێڕی کۆمپانیا.

بڕوانامەی کۆمپانیا.

ماوەی پێویست

شەست (٦٠) ڕۆژی کارکردن.

تێچوو

بەپێی ڕێنمایی ژمارە (٤)ی ساڵی ٢٠٢٢ ئاماژە بە یاسای ژمارە (١٨) ساڵی ٢٠٢١ تایبەت بە کاری کۆمپانیا ئەمنییە تایبەتییەکان:
- (١٢,٠٠٠,٠٠٠) دوازدە ملیۆن دینار ڕسوماتی پێدانی مۆڵەتی کارکردنە بۆ ماوەی یەک (١) ساڵ.
- (١٠,٠٠٠,٠٠٠) دە ملیۆن دینار بۆ نوێکردنەوەی ساڵانەی مۆڵەتی کارە.
- بارمتە بە بڕی (٢٥٠,٠٠٠,٠٠٠) دوو سەد و پەنجا ملیۆن دینار بۆ کۆمپانیای خۆماڵی، وە بڕی (٥٠٠,٠٠٠,٠٠٠) پێنج سەد ملیۆن دینار بۆ کۆمپانیای بیانی.

ڕێکار و هەنگاوەکان

خزمەتخواز سەرەتا سەردانی وەزارەتی بازرگانی و پیشەسازی / بەڕێوەبەرایەتی گشتی تۆمارکردنی کۆمپانیاکان دەکات، بە مەبەستی داواکاری وەرگرتنی کۆمپانیا. دوای ئەنجامدانی ڕێکارەکان نووسراوی وەرگرتنی ڕەزامەندی ئەمنی دەکرێت بۆ وەزارەتی ناوخۆ/ بەڕێوەبەرایەتی کۆمپانیا ئەمنییەکان و مۆڵەتپێدان.

تۆمارکردنی کۆمپانیای نیشتمانی

تۆمارکردنی لقی کۆمپانیای بیانی

خزمەتخواز سەردانی بەڕێوەبەرایەتی کۆمپانیا ئەمنییەکان و مۆڵەتپێدان دەکات لە دیوانی وەزارەتی ناوخۆ.

سەردانی هۆبەی وەرگرتە دەکات، بە مەبەستی تۆمارکردنی ئەو داواکارییەی بە نووسراو لە وەزارەتی بازرگانی و پیشەسازی هێناویەتی.

خزمەتخواز دوای شەست (٦٠) ڕۆژدا ئاگاداردەکرێتەوە لە ئەنجامی پێدان یاخود ڕەتکردنەوەی داواکارییەکەی، لە کاتی ڕەزامەندی لەسەر داواکارییەکەی، پێویستە خزمەتخواز لە ماوەی سی (٣٠) ڕۆژ سەردانی بەڕێوەبەرایەتی کۆمپانیا ئەمنییەکان و مۆڵەتپێدان بکات، بە مەبەستی دانی ڕسوماتی دیاریکراو، لە هەمان ڕۆژ نوسراو دەکرێت بۆ پارێزگا و ئیدارەی سەربەخۆی تایبەتمەند، بە مەبەستی پشکنینی کۆمپانیا.

دوای گەڕاندنەوەی ئەنجامی لیژنەی پشکنین لە پارێزگا و ئیدارەی سەربەخۆی تایبەتمەند بۆ وەزارەتی ناوخۆ / بەڕێوەبەرایەتی کۆمپانیا ئەمنییەکان و مۆڵەتپێدان مۆڵەتەکەی بۆ ئامادەدەکرێت خزمەتخواز ئاگاداردەکرێتەوە، بە مەبەستی سەردانیکردن بۆ وەرگرتنەوەی مۆڵەتەکەی.

یاسا و رێنمایی