مۆڵەتی هاوردەکردنی ئامێر و کەلوپەلی پزیشکی

پێدانی نووسراوی مۆڵەتی هاوردەکردنی ئامێر و کەلوپەلی پزیشکییە، بۆ کۆمپانیا کە لە دەرەوەی هەرێمی کوردستان هاوردەی دەکەن.

لایەنی بەرپرس

بەڕێوەبەرایەتی کۆنترۆلی جۆریی دەرمان

زانیاریی لایەنی بەرپرس

ناونیشانی سەردانی هاوڵاتی بۆ بەڕێوەبەرایەتی کۆنترۆلی جۆریی دەرمان

ماڵپەڕ

ماڵپەڕی فەرمیی وەزارەتی تەندروستی

بەڕێوەبەرایەتیى کۆنتڕۆڵکردنى هێنان و دروستکردنى دەرمان و ئامێر و پێداویستیى پزی…

کاتی کارکردن

(٨:٠٠)ی بەیانی بۆ (٢:٣٠)ی دوای نیوەڕۆ.

ناونیشانەکان

بەڕێوەبەرایەتیی کۆنترۆڵی جۆریی دەرمان / هەولێر

شەقامی (١٠٠)م تەنیشت نەخۆشخانەی ڕاپەڕین
ئیمەیڵ: info@kmcakrg.org

مەرجەکان

کەسی جێبەجێکار دەبێت سەر بە کۆمپانیا بێت، ئەگەر داواکارییەکە لە لایەن کۆمپانیا بوو، ئەگەر داواکارییەکە لە لایەن کارگە بوو کەسی جێبەجێکار دەبێت سەر بە کارگە بێت.

فەرمانی وەزاری تۆمارکردنی کۆمپانیا لە وەزارەتی تەندروستی.

ناسنامە و بەڵگەنامەکان

بڕوانامەی وڵاتی سەرچاوە (Certificate of origin) بە پەسەندکراوی.

لیستی بەرهەمەکان (Packaging list).

پسوولەی (Invoice) کڕین.

هاوپێچکردنی وێنەی پاکەیجەکە (Art work).

ماوەی پێویست

یەک (١) تاکو سێ (٣) ڕۆژی کارکردن.

تێچوو

بە پێی کۆنووسی فەرمانی کارگێڕی ژمارە (٤٥٢٧) لە ٢٥/٥/٢٠١٤ بڕی:
- (٢٠,٠٠٠) بیست هەزار دینار بۆ ڕێگەپێدانی کاتی هاوردەکردنی دەرمانی گیایی، تەواوکەری خۆراکی و ماددە (Sterile)ەکان.
- (١,٠٠٠) یەک هەزار دینار لە بری فۆڕمی ڕێگەپێدان.

ڕێکار و هەنگاوەکان

خزمەتخواز سەردانی ماڵپەڕی http://kmcakrg.org دەکات.

ماڵپەڕی بەڕێوەبەرایەتیى کۆنتڕۆڵکردنى هێنان و دروستکردنى دەرمان و ئامێر و پێداویستى پزیشکی لە کوردستان

لە (erequest.kmcakrg.org) داواکارییەکەی پێشکەشدەکات، کە تێیدا جۆری ماددەکە دیاریدەکات.

ماڵپەڕی سیستەمی داواکاری ئەلیکترۆنی (KMCA)

دوای تەواوبوونی ڕێگەپێدان بە شێوەی ئۆنڵاین، هاوڵاتی سەردانی هۆبەی ژمێریاری دەکات، بە مەبەستی لێ وەرگرتنی ڕسومات.

سەردانیکردنی بەشی چاپکردن، بە مەبەستی پێشکەشکردنی پسوولە و چاپکردنی نووسراوی ڕێگەپێدان.

سەردانیکردنی هۆبەی پەیوەندییەکان، بە مەبەستی وەرگرتنەوەی مامەڵەکە.

فۆرمی داواکاری

پێویستە فۆرمی داواکاری هاوپێچ بکرێت، ئەگەر هەبێت.

یاسا و رێنمایی