پێویستە کەسی باجدەر مووچەکەی لە سەرووی (١،٠٠٠،٠٠٠) یەک ملیۆن دینار بێت.

بۆ فەرمانبەرانی کەرتی گشتی ڕاستەوخۆ لە ڕێگای گەنجینەکانەوە لێ بڕینەی باجەکە ئەنجام دەدرێت، بەڵام بۆ کارمەندانی کەرتی تایبەت پێویستە نوێنەری کۆمپانیا یاخود ڕێکخراوەکان سەردانی بەڕێوەبەرایەتی باجی تایبەتمەند بکەن، بۆ مەبەستی دانی باجی ئەو کارمەندانەی باجی لێ بڕینی ڕاستەوخۆ دەیانگرێتەوە.

(٢) دوو فۆرم کە ئامادەکراوە لە لایەن بەڕێوەبەرایەتى گشتى باجەکان، پێویستە باجدەر پڕی بکاتەوە و پێشکەشی بکات، یەکێکیان بە شێوەى وەرزییە و ئەوى تریان بە شێوەى ساڵانەیە.

لە کاتی پێشکەش نەکردنی ڕاپۆرتەکان لە لایەن باجدەر لە ماوەی دیاریکراودا سزایەکی دەکەوێتە ئەستۆ بە بڕی (٧٥،٠٠٠) حەفتا و پێنج هەزار دینار و بڕی سوەکەشی (٪١.٥) مانگانەیە.

ئەو خزمەتە دەکرێت لە لایەن بریکارەوە ئەنجامبدرێت، بە مەرجێک بریکارنامەی یاسایی هەبیت.