نوێکردنەوەی مۆڵەتی پەیمانگای فێرکردنی پیشەیی ناحکومی

خزمەتخواز سەرەتا سەردانی بەڕێوەبەرایەتی گشتی پەروەردەی پارێزگاکەی دەکات.

سەردانی ژووری بەڕێوەبەری گشتی دەکات، بە مەبەستی پێشکەشکردنی داواکاری نوێکردنەوەی مۆڵەتی پەیمانگاکە و وەرگرتنی ڕەزامەندی سەرەتایی.

سەردانی ژووری بەشی فێرکردنی پیشەیی، بە مەبەستی جێبەجێکردنی ڕێکارەکان و دانانی ڕێکەوتی لیژنەی پشکنین بۆ بیناکە.

دوای ئەنجامدانی پشکنین بۆ بیناکە، خزمەتخواز دووبارە سەردانی بەشی فێرکردنی پێشەیی دەکات، بە مەبەستی بەدەستهێنانی نوسراوی ڕەزامەندی و پشتگیری هەریەک لە (بەڕێوەبەرایەتی ئاسایش، بەڕێوەبەرایەتی تەندروستی، بەڕێوەبەرایەتی باج و دەرامەت، بەڕێوەبەرایەتی شارەوانی، بەڕێوەبەرایەتی دەستەبەری کۆمەڵایەتی، لێکۆڵینەوەی بەڵگەکانی تاوان (پەنجە مۆر)، بەڕێوەبەرایەتی بەرگری شارستانی) هەبێت.

دوای بە دەستهێنانی ڕەزامەندی سەرجەم فەرمانگاکان خزمەتخواز سەردانی بەڕێوەبەرایەتی پەروەردەی گشتی پارێزگاکەی/ بەشی فێرکردنی پێشەیی دەکاتەوە، بە مەبەستی گەڕاندنەوەی نوسراوەکانی ڕەزامەندی.

دواتر هەر لە بەشی فێرکردنی پیشەیی، نوسراو وەرگرتنی ڕەزامەندی وەزارەتی پەروەردە ئامادە دەکرێت و بە شێوازی ئەلیکترۆنی دەنێردرێت بۆ وەزارەتی پەروەردە/ بەڕێوەبەرایەتی فێرکردنی پیشەیی، و لە هەمان کاتدا خزمەتخواز ئاگادار دەکرێتەوە کە لە چ ڕۆژێکدا سەردانی وەزارەتی پەروەردە/ بەڕێوەبەرایەتی فێرکردنی پیشەیی بکات بۆ ئەنجامدانی ڕێکارەکان.

خزمەتخواز سەردانی وەزارەتی پەروەردە /بەڕێوەبەرایەتی فێرکردنی پیشەیی دەکات، بە مەبەستی وەرگرتنەوەی نوسراوەکان.

خزمەتخواز سەردانی ژووری بەڕێوەبەری گشتی فێرکردنی پیشەیی دەکات، بە مەبەستی هاموش لەسەر نوسراوەکە، لە ڕێگای پۆستەی وەزارەتی پەروەردە نوسراوەکە دەچێتە نوسینگەی وەزیر، بە مەبەستی وەرگرتنی ڕەزامەندی وەزیری پەروەردە.

خزمەتخواز سەردانی ژووری بەڕێوەبەری فێرکردنی پیشەیی دەکاتەوە، بە مەبەستی وەرگرتنی دیاریکردنی بڕی ڕسوماتەکە.

سەردانی بەڕێوەبەرایەتی ژمێریاری دیوانی وەزارەتی پەروەردە دەکات، بە مەبەستی دانی ڕسوماتی دیاریکراو.

سەردانی بەڕێوەبەرایەتی فێرکردنی پیشەیی، بە مەبەستی گەڕاندنەوەی پسولەی دارایی.

خزمەتخواز لەنماوەی کەمتر لە هەفتەیەک لە ڕێگای پەیوەندی تەلەفۆنییەوە ئاگادار دەکرێتەوە سەردانی بەڕێوەبەرایەتی گشتی پەروەردەی پارێزگاکەی بکات، بە مەبەستی وەرگرتنەوەی فەرمانی وەزاری نوێکردنەوەی مۆڵەتی پەیمانگاکەی و دەرکردنی فەرمانی کارگێڕی بۆی.