پشکنینى ئاوى بەكارهاتوو بۆ گیراوەى کۆنکرێتى

سەرەتا خزمەتخواز سەردانی بەڕێوەبەرایەتی تاقیگەی بیناسازی دەکات بە پێی سنوری جوگرافیاکەی، بە مەبەستی پێشکەشکردنی بەڵگەنامە و ئەو کەرستەیەی پشکنینی بۆ ئەنجام دەدات.

هێنانی کەرەستە بۆ پشکنین بۆ ژووری ( وەرگرتنی نمونە) بۆ ڕادەستکردنی نمونەکە بە تاقیگە.

وەرگرتنى ڕەزامەندى بەڕێوەبەری هونەری لەسەر نوسراوی داواکراو بۆ دڵنیابوون لە ڕاستی و دروستی نوسراوی داواکردنی پشکنین.

دوای ڕەزامەندى واژووی وەرگرتنی نموونە داواكارييەكە داخلى سيستەمى تاقيگە دەكرێت وە ژمارەى نهێنى وەردەگرێت و ئاراستەى هۆبەى پەیوەندیدار دەكرێت و پشكنينى بۆ ئەنجام دەدرێت .

واژووی فەرمانبەری پشکنین و ڕاپۆرت بۆ دروستکردنی ڕاپۆرتی پشکنین بە ڕاستی و دروستی بە هەمان سيستەم كە تيادا هەڵسەنگاندن بۆ دەرئەنجامەکان دەكات وە بە پێى ڕەوش و ستاندەردەکان ڕاپۆرتى كۆتايى بەرهەم دێت، كە تيايدا گونجاوى و نەگونجاوى نموونەكان و تێبينى پێويست دەدرێت بە لايەنى داواكارى پشكنين.

واژووی بەرپرسی هۆبەی پەیوەندیدار بۆ دروستکردنی ڕاپۆرتی پشکنین بە ڕاستی و دروستی.

واژووی نوسینگەی هونەری بۆ وردبینکردنی ڕاپۆرت تاکو بەڕێوەبەر واژووی لەسەر بکات.

واژووی بەڕێوەبەری تاقیگە بۆ پەسندکردنی ئەنجامەکان.

لایەنى داواکراو ڕاپۆرتەکان وەردەگرێتەوە لە بەشى ڕاپۆرتەکان پاش ئەوەى پاکانەى ژمێریارى دەکات وە نرخى تێچووى پشکنینەکان دەدات .