مۆڵەتی گواستنەوەى باڵەخانەى باخچەی منداڵان و قوتابخانەى بنەڕەتى و ئامادەیی ئەکادیمى و پیشەیى و پەیمانگا و کۆمەڵگا ناحکومییەکان

هەموو دامەزراوە پەروەردەییە ناحکومییەکان (باخچەی منداڵان و قوتابخانەى بنەڕەتى و ئامادەیی ئەکادیمى و پیشەیى و پەیمانگا و کۆمەڵگا ناحکومییەکان) خاوەن کۆدی نهێنی تایبەت بە خۆیانن لە سیستەمی (e-parwarda)، گواستنەوەی باڵەخانە بە شێوەى ئۆنلاین داوا دەکرێت لە خزمەتگوزارى ئەلیکترۆنى لە سیستەمى (e-parwarda).

خزمەتخواز لە سیستەمی (e-parwarda) دەچێتە سەر فۆرمی گواستنەوەی باڵەخانە، زانیارییەکانی ناو فۆرمەکە پڕ دەکاتەوە، فۆرمەکە بە ئۆنلاین دەچێتە وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان.

دوای وردبینیکردنی فۆرمەکە لە بەڕێوەبەرایەتی قوتابخانە و پەیمانگا ناحکومییەکان، لە ڕێگای پەیوەندی تەلەفۆنییەوە خزمەتخواز ئاگادار دەکرێتەوە سەردانی وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان بکات، بە مەبەستی هێنانی وێنەی ڕەسەنی نەخشەی پەسندکراو (سێتی کاملی نەخشە بە A3)، و پێدانی نوسراو بۆ بەڕێوەبەرایەتی گشتی پەروەردەی تایبەتمەند، بە مەبەستی وەرگرتنی ڕەزامەندی (بەڕێوەبەرایەتی شارەوانی، بەڕێوەبەرایەتی دەستەبەری کۆمەڵایەتی، بەڕێوەبەرایەتی باجەکان و خانوبەرەی میری، بەرگری شارستانی، وەزارەتی تەندروستی).

سەردانی ژووری بەڕێوەبەری بەڕێوەبەرایەتی قوتابخانە و پەیمانگا ناحکومییەکان، بە مەبەستی واژۆ لەسەر نوسراوی بەڕێوەبەرایەتی گشتی پەروەردەی تایبەتمەند.

سەردانی ژووری هاتوو دەرچوو، بە مەبەستی پێدانی ژمارەی دەرچوو بە نوسراوەکە.

لە لایەن بەڕێوەبەرایەتی گشتی بیناسازی وەزارەتی پەروەردە، خزمەتخواز لە ڕێگای پەیوەندی تەلەفۆنییەوە لە ڕێککەوتی پشکنینی باڵەخانە تازەکە ئاگادار دەکرێتەوە.

دوای وەرگرتنی ڕەزامەندییەکانی (بەڕێوەبەرایەتی ئاسایشی پارێزگاكەی، بەڕێوەبەرایەتی شارەوانی، بەڕێوەبەرایەتی دەستەبەری کۆمەڵایەتی، بەڕێوەبەرایەتی باجەکان و خانوبەرەی میری) وێنەی ڕەسەنی ڕەزامەندییەکان دەگەڕێنێتەوە وەزارەتی پەروەردە/ بەڕێوەبەرایەتی قوتابخانە و پەیمانگا ناحکومییەکان.

دواتر فەرمانی وەزاری مۆڵەتەکەی ئامادە دەکرێت لە ڕێگەی بەریدەوە دەگەڕێنرێتەوە پەروەردەی تایبەتمەند، دواتر لە ڕێگەی تەلەفۆنەوە هاوڵاتی ئاگادار دەکرێتەوە کە سەردانی بەڕێوەبەرایەتی پەروەردەی تایبەتمەند بکات، بە مەبەستی دەرکردنی فەرمانی کارگێڕی بۆی و وەرگرتنەوەی مۆڵەتەکەی.