پێدانى پێشینەى گەشتوگوزار و گەڕاندنەوەی پیشینەکە لە لایەن سودمەندان

خزمەتخواز تەمەنی هەژدە (١٨) ساڵی تەواو کردبێت.

مۆڵەتى دەستەى گەشتوگوزارى هەبێت، لەگەڵ دەرخستەکەى.

پێویستە ئەو موڵکەی پڕۆژەکەی لەسەر ئەنجامدەدرێت قەواڵەی موڵکی یان گرێبەستی بانانە (مساطحة)ی هەبێت، ئەگەر موڵکەکە قەواڵەی موڵکی یاخود گرێبەستی بانانە (مساطحة)ی نەبوو، پێویستە موڵکێکی تر، کە قەواڵەی هەبێت، نیشانەی گلدانەوەی بکرێتە سەر، هەروەها دەستەبەری دارایی (کفالة بملغ) هەبێت بە جۆرێک مووچەی بنەڕەتییەکەی لە (١,٠٠٠,٠٠٠) یەک ملیۆن دینار کەمتر نەبێت.

پێویستە لارینەبوونی یەکەى ئیدارى (شار، قەزا، ناحیە) و شارەوانى هەبێت، کە ئەو شوێنەی پڕۆژەکەی تێدا ئەنجامدەدرێت هیچ کێشەیەکی نییە و گونجاوە بۆ پڕۆژەی گەشتوگوزاری.

ئەو موڵکەی پڕۆژەکەی لەسەر ئەنجامدەدرێت نیشانەی گلدانەوەی لەسەر دادەنرێت تاوەکو گەڕاندنەوەی بڕی ئەو پێشینەی وەریگرتوە.

پێویستە پڕۆژەکە دڵنیایی (تأمين) هەبێت لە کۆمپانیایەکی دڵنیایی (تأمين).

ئەم خزمەتە لە لایەن بریکارەوە پێشکەشدەکرێت، بەپێی بریکارنامەی دادنووس.

خزمەتخواز پێویستە دوای ساڵێک لە وەرگرتنی قۆناغی یەکەمی پێشینەکەی دەست بە گەڕاندنەوەی پێشینەکەی بکات بەو شێوەی بۆی دیاریکراوە، لە کاتی نەگەڕاندنەوەی پێشینەکە لەو ماوەیەی بۆی دیاریکراوە سوودی دواکەوتنی بە ڕێژەی (١٠%)دەچێتە سەر.