کۆنترۆڵکردنی سەرچاوەی تیشکدەر

پێوستە داواكاری كۆمپانیاكان لە رێگای لایەنی پەیوەندیدار نووسراوێک ئاڕاستەی دەستەی پاراستن و چاککردنی ژینگە دەكرێت بۆ وەرگرتنی ڕەزامەندی.

مۆڵەتی دامەزراندن یان تۆماركردنی كۆمپانیای هاوردەكار كە لە وەزارەتی بازرگانی و پیشەسازی بەڕێوبەرایەتی گشتی تۆماركردنی كۆمپانیاكان دەرچوبێت.

پێوستە نووسراوی فەرمی لایەنی هاوردەكار تیایدا روونكرابێتەوە كە پێویستیان بە سەرچاوەی تیشكی هەیە، و ئەو لایەنەی كە بەكاری دەهێنێت، و شوێنی بەكارهێنانی و دەروازەی هاتنە ناوەوەی ئاماژە پێکرابێت.

ئەگەر هاوردەكار لایەنی حكومی بێت بۆ بەکارهێنانی ماددە تیشکدەرەکان بۆ پرۆژەکان، پێوستە ئاگادارمان بكەنەوە پێویستیان بەم سەرچاوانە هەیە، و داوای هاوەردەکردنی بكەن (وەزارەتی سامانە سروشتیەكان ، وەزارەتی ئاوەدانكردنەوە ، یان لایەنی حكومی كە لێپرسراوە لەم پرۆژەیە) ئەگەر سەرچاوەکە لە رێگای فرۆکەخانە و دەروازەسنوریەكان هاوردە بکرێت.

لایەنی هاوردەكار بە نووسراوی فەرمی یەكێك لە فەرمانبەرانی دەستنیشان دەكات بۆ سەردانی دەستە و ئیمزاكردن وبەدواداچوون بۆ تەواوكردنی ڕێكارەكانی پێدانی مۆڵەتی هاوردەكردن.

پێوستە سەرچاوە تیشكاوییەکان و ئامێرەكانی پێوەلكاو بەڵگەنامەی دروستكردنی هەبێت.

پێوستە ڕەزامەندی دروستكردنی كۆگا كەلەلایەن دەستەی پاراستن و چاككردنی ژینگە پێیدرابێت، ئەگەر سەرچاوەكە بەشێك بوو لە ئامێرەكەو لێ ى جیاناكرێتەوە پێویستە بە نووسراوێك ڕوونكردنەوە بدات و وێنەیەك لە كەتەلۆكەكەی هاوپێچ بكات.