خێزانی جێگرەوە

خزمەتخواز سەردانی بەڕێوەبەرایەتی چاودێری کۆمەڵایەتی دەکات، بە مەبەستی ناو نووسین.

پێشکەشکاری
پاشان ئەم فۆڕمانە پڕ دەکرێنەوە:
- (فۆڕمی ئەو شتانەی دەبێت ڕەچاو بکرێت) لە لایەن توێژەری سەرەکییەوە لە هۆبە پڕ دەکرێتەوە.
- پاشان خێزانەکە فۆڕمی (پاکانەی تاوانکاری) و فۆڕمی (پرسیار نامەیەکی پزیشکی نهێنی - پاکانە) لە ماڵەوە خۆیان پڕی دەکەنەوە.
- دوای هێنانەوەی فۆڕمی پاکانەی تاوانکاری و پاکانەی پزیشکی بە پڕکراوەیی (زانیاری ڕاستەقینە) بۆ خێزانەکە لە هۆبە پڕ دەکرێتەوە.

دوای تەواوبوونی ئەم قۆناغانە نووسراو دەکرێت بۆ ئەم لایەنانە (بەڕێوەبەرایەتی بەڵگەی تاوان، لیژنەی پزیشکی هەمیشەیی، تاقیگەی مەرکەزی بۆ پشکنینی ڤایرۆسی، ئاسایش، نزیکترین بنکەی پۆلیس لە ماڵی داواکارەکان).

دوای گەڕانەوەی نووسراوی وەڵامی سەرجەم نووسراوەکان پاشان فۆڕمی (ڕاپۆرتی هەڵسەنگاندن ١- بەشی ٢- زانیاری وەسفی) لە ماڵی داواکارەکان لە لایەن توێژەری سەرەکییەوە پڕ دەکرێتەوە بۆ هەر یەکێکیان.
لە یەکەم سەردانی پڕکردنەوەی فۆڕمی زانیاری وەسفی (تحلیلي)، توێژەری سەرەکی فۆڕمی لیستی وردبینی سەلامەتی و تەندروستی پڕ دەکاتەوە، پاش چەند سەردانێکی تر، فۆڕمی وەسفی (تحلیلي) کۆتایی دێت.
پاشان کاری توێژەری سەرەکی دەستپێدەکات بە ئامادەکردنی ڕاپۆرتی نهێنی خێزانەکە و پێشکەشکردنی بە لیژنەی پەسەندکاری، بە مەبەستی پەسەندکردنی خێزانەکە.

پاشان پڕکردنەوەی فۆڕمی پشتگیریکاران بۆ شەش (٦) کەسی نزیکیان، کە لە لایەن توێژەری سەرەکییەوە ئەنجامدەدرێت.