ئەنجومەنى شوراى هەرێم

تایبەتە بە سەیرکردنی دروستی ئەو فەرمان و بڕیارە کارگێڕییانەی، کە لە فەرمانبەران و دەستەکانی فەرمانگەکانی هەرێمەوە دەردەچن، یەکلاکردنەوەی ئەو داوایانەی فەرمانگەکان و کەسەکان پێشکەشی دەکەن بۆ هەڵوەشاندنەوەی بڕیارە کارگێڕییە کۆتاییەکان. هەروەها داواکانی قەرەبووکردنەوە لەو زیانانەی، کە دروست دەبن لە ئەنجامی ئەو بڕیارە کارگێڕییانەی بە نایاسایی دەرچوون.
جۆرەکانی داوا لە دادگای کارگێڕی:
یەکەم: داوای هەڵوەشاندنەوەی فەرمان یاخود بڕیارە کارگێڕییەکان.
دووەم: داواکانی قەرەبووکردنەوە.

تایبەتە بەو داوایانەی (دعاوي) کە فەرمانبەرانی هەرێم پێشکەشی دەستەی بەرزەفتکردنی فەرمانبەرانی هەرێمی دەکەن، لە بارەی کێشەکانی پەیوەست بە یاساکانی ڕاژەی فەرمانبەران و سزا بەرزەفتییەکان (انضباطیة) کە لە لایەن فەرمانگەکەیانەوە دەرچووە.
جۆرەکانی داوا لە دەستەی بەرزەفتکردنی فەرمانبەرانی هەرێم:
یەکەم: داواکانی پەیوەست بە ڕاژەی فەرمانبەران
دووەم: داواکانی پەیوەست بە سزا بەرزەفتییەکانی فەرمانبەران

دوای دەرچوونی بڕیار لە دەستەی بەرزەفتەکردنی فەرمانبەرانی هەرێم یان لە دادگای کارگێڕی، لایەنی ناڕازی دەتوانێت تانە لەم بڕیارانە بدات لە دەستەی گشتی ئەنجومەنی شورای هەرێم، بە مەبەستی پێداچوونەوە.