پێداچوونەوە بە بڕیارەکانی دەستەی بەرزەفتەکردنی فەرمانبەرانی هەرێم (تمییز الدعاوي الانضباطیة) و بڕیارەکانی دادگای کارگێڕی

دوای دەرچوونی بڕیار لە دەستەی بەرزەفتەکردنی فەرمانبەرانی هەرێم یان لە دادگای کارگێڕی، لایەنی ناڕازی دەتوانێت تانە لەم بڕیارانە بدات لە دەستەی گشتی ئەنجومەنی شورای هەرێم، بە مەبەستی پێداچوونەوە.
لایەنی بەرپرس
ئەنجومەنى شوراى هەرێم
زانیاریی لایەنی بەرپرس

وەزارەتی دادی حکومەتی هەرێمی کوردستان/ ئەنجوومەنی شورای هەرێـم/

ماڵپەڕ
ماڵپەڕی فەرمیی وەزارەتی داد
کاتی کارکردن
(٨:٣٠) بەیانی بۆ (٣:٠٠) دوای نیوەڕۆ.
وەزارەتی دادی حکومەتی هەرێمی کوردستان/ ئەنجومەنی شورای هەرێم
شەقامی (٦٠)م چوارڕیانی فرانسوا میتران / ڕێگای عەنکاوە
ئیمەیڵ:- consultancy_krg@yahoo.com
07506489791
مەرجەکان
یەکەم: پێداچوونەوە بە بڕیارەکانی دەستەی بەرزەفتکردنی فەرمانبەرانی هەرێم:
هەبوونی بڕیارێکی دەستەی بەرزەفتکردنی فەرمانبەرانی هەرێم، بە مەبەستی تانەلێدان.
تانەلێدەر (الممیز) تیانووسێک (لائیحة) پێشکەش دەکات، کە تیایدا هۆکاری تانەلێدان بەڕوونی ئاماژە پێ دەکات.
لایەنی نارازی لەسەر بڕیارەکانی دەستەی بەرزەفتکردن بۆی هەیە تانە لە بڕیاری دەستە بدات، لە لای دەستەی گشتیی ئەنجومەنی شورای هەرێمەوە لە ماوەی پازدە (١٥) ڕۆژ لە ڕێکەوتی پێڕاگەیاندنی بە بڕیاری دەستە (تانەلێدراو) بەپێی بڕگەی (دووەم) لە ماددەی (٢٠) لە یاسای ژمارە (١٤)ی ساڵی ٢٠٠٨ یاسای ئەنجومەنی شورای هەرێم.
تانەلێدەر (الممیز) دەتوانێ خۆی یان لە ڕێگای بڕیکارەوە ئەم داواکارییە پێشکەش بکات.
بريکارنامەى تايبەت
بريکارنامەى گشتى
دووەم : پێداچوونەوە بە بڕیارەکانی دادگای کاڕگێری؛ لایەنی ناڕازی بۆی هەیە تانە لە بڕیارەکانی کارگێڕی بدات.
بڕیارەکانی پەیوەست بە هەڵوەشاندنەوەی فەرمان یان بڕیاری کارگێڕی و ‌بڕیارەکانی پەیوەست بە قەرەبووکردنەوە:
هەبوونی بڕیارێکی دادگای کارگێڕی بە مەبەستی تانەلێدان.
تانەلێدەر (الممیز) تیانووسێک (لائیحة) پێشکەشی سەرۆکی ئەنجومەنی شورا دەکات، لە ماوەی سی (٣٠) ڕۆژ لە ڕێکەوتی پێڕاگەیاندنی بە بڕیاری دادگای کارگێڕی بەپێی ماددەی (هەژدەم) لە یاسای ژمارە (١٤)ی ساڵی ٢٠٠٨ یاسای ئەنجومەنی شورای هەرێم، لە تیانووسەکە ئاماژە بە ژمارەی بڕیاری دادگای کارگێڕی (تانەلێدراو) و هۆکاری تانەلێدان دەکات.
ناسنامە و بەڵگەنامەکان
بڕیاری دادگا کە دادخواز لە دژی تانەی لێ دەدات.
ناسنامەی باری شارستانی یاخود یەکێک لە بەڵگەنامە کەسییەکان.
ناسنامەی پارێزەر و وێنەیەک لە بڕیکارنامەی پارێزەرایەتی ئەگەر لە لایەن پارێزەرەوە پێشکەش بکرێت.
ماوەی پێویست
ماوەی دیار نییە، بە گوێرەی جۆری داواکە دەگۆرێت.
تێچوو
- (٣,٠٠٠) سێ هەزار دینار بۆ ئەو داوایەی قەرەبووی تێدا نییە، بەپێی یاسای ڕەسمی دادی ژمارە (١١٤)ی ساڵی ١٩٨١ هەموارکراو.
- ڕەسمی پێداچوونەوە لە داواکانی قەرەبووکردنەوە بە ڕێژەی (٢٪) لە بڕی پارەی داواکراو دەستپێدەکات و لە بڕی (٧٥,٠٠٠) حەفتا و پێنج هەزار دینار تێناپەرێت.
- هەر تێچوونێک کە دەستە دیاری دەکات، لایەنی دۆڕاو دەبێت بیدات لە کۆتایی دادبینی (وەک کرێی لێزان).
- پوولی دارایی بە بڕی (٥٠٠) پێنج سەد دینار لە لایەن داواکار.
ڕێکار و هەنگاوەکان
داواکار دەتوانێت داوای پێداچوونەوە لە خامەی دادگای کارگێڕی پێشکەش بکات یان سەردانی خامەی پێداچوونەوە لە دەستەی گشتی بکات.
سەردانی دەستەی گشتی پێداچوونەوە بە بڕیاری تانەلێدراو دەکات، دواتر بڕیاری پێڕاگەیاندنی کۆتایی بۆ هەر دوو لایەن دەدرێت.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
یاسا و رێنمایی
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
وەزیری داد
ڕاوێژکار
سکرتێری ئەنجومەنی شورای هەرێم
پەسەند کراوە لەلایەن
فەرمانگەی هەماهەنگی و بەدواداچوون
پێناسی خزمەت
MOJ-63
بابەت
خزمەتە بنەڕەتییەکان
دوا دەستکاری
10-03-2024
ئەگەر هەر سکاڵایەکتان سەبارەت بەم خزمەتە هەبوو، تکایە ئاگادارمان بکەنەوە.
سکاڵا تۆمار بکە: سیستەمی سکاڵای هاوڵاتییان