تۆمارکردنی بەرکەوتووانی چەکی کیمیایی و پێدانی دیاری (منحەی) مانگانە بەرکەوتووی چەکی کیمیاوی هەر کەسێکە، کە لە ئەنجامی تاوانی بەکارهێنانی چەکی کیمیاوی لە لایەن ڕژێمە داپڵۆسێنەرە یەک لە دوای یەکەکانی عێراقەوە، لە کوردستان زیانی جەستەییان بەرکەوتبێت و کاریگەرییەکانی بەردەوام بێت.
هاوکاری و چارەسەرکردنی نەخۆشی بۆ وارسی شەهیدی سەنگەر و ئەنفالکراوان و خودی زیندانیانی سیاسی کەسوکاری شەهیدان و ئەنفالکراوان (دایک، باوک، هاوسەر، کچ، کوڕ، خوشک، برا) و زیندانیکراو و گیراوی سیاسی (ئەوەی منحەی مانگانە وەردەگرێت) لە کرێی پشکنین، چارەسەرکردن و نەشتەرگەری لە نەخۆشخانە و مەڵبەندە تەندروستییەکانی حکومی لە ناو هەرێمدا دەبەخشرێن.
