به‌خشینی بریکاری ئارد و خۆراک

داواکاری ئاڕاسته‌ی یەکەی کارگێڕی ( ناحیە، قەزا، پارێزگا) شوێنی نیشتەجێبوون دەکرێت.

له‌ یەکەی کارگێڕی نووسراوی داواکاری بەخشینی بریکار ئاڕاسته‌ی لیژنه‌ی ئابووری پارێزگاکان ده‌کرێت، بە مەبەستی ڕەزامەندی.

له‌ پارێزگاکان نووسراوی ڕەزامەندی ئاڕاسته‌ی به‌ڕێوەبه‌رایه‌تیی گشتیی بازرگانیی ده‌کرێت.

لە بەڕێوەبەرایەتیی گشتیی بازرگانی، سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتە بۆ نووسراوەکە.

سەردانی ژووری بەڕێوەبەری گشتی دەکات، بە مەبەستی هامشکردنی نووسراوی وەرگرتە.

سەردانی ژووری بەڕێوەبەرایەتیی بازرگانیی ناوخۆ دەکات، بە مەبەستی وردبینیکردن و پێدانی ژمارەی بریکار، هەروەها ئامادەکردنی نووسراو بۆ بەڕێوەبەرایەتیی بازرگانیی کەلوپەلی خۆراک، ئەگەر مامەڵەکە بۆ بریکاری خۆراک بێت. ئەگەر مامەڵەکە بۆ بریکاری ئارد بێت، نووسراو ئاڕاستەی بەڕێوەبەرایەتیی دروستکراوی دانەوێڵە دەکرێت.

سەردانی ژووری بەڕێوەبەری گشتی دەکات، بە مەبەستی واژۆ لەسەر نووسراو.

سەردانی ژووری دەرکردە و وەرگرتە، بە مەبەستی وەرگرتنی ژمارەی دەرکردەی نووسراو.

لە بەڕێوەبەرایەتیی بازرگانیی کەلوپەلی خۆراک یاخود بەڕێوەبەرایەتیی دروستکراوی دانەوێڵە، سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتە بۆ نووسراوەکە.

سەردانی ژووری بەڕێوەبەر دەکات، بە مەبەستی هامشکردنی نووسراوی وەرگرتە.

سەردانی ژووری بریکاری دەکات، بە مەبەستی کردنەوەی دۆسیە، دانانی کاتی پشکنین بۆ شوێنەکەی و وەرگرتنی ڕسوماتی پێویست.

دوای گەڕانەوەی ئەنجامی پشکین و هێنانی نووسراوی پاکانەی باجی دەرامەت، خزمەتخواز سەردانی ژووری بریکاری دەکات، بە مەبەستی نووسراوکردن بۆ بەڕێوەبەرایەتیی پسوولەی خۆراکی تایبەتمەند.

لە بەڕێوەبەرایەتیی پسوولەی خۆراک سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتە بۆ نووسراوەکە.

ژووری بەڕێوەبەر دەکات، بە مەبەستی هامشکردنی نووسراوی وەرگرتە.

سەردانی ژووری بریکار و داتا و زانیاری دەکات، بە مەبەستی دانانی ژمارەی کۆمپیوتەر، ژمارەی بنکە و گواستنەوەی خێزان و هاوڵاتیان بۆ سەر ئەو بریکارە نوێیە.

بڕی ڕسوماتەکەی لێ وەردەگیرێت، دواتر شوێنی وەرگرتن دڵنیا دەکەینەوە.

دوای گەڕانەوەی مامەڵەکە لە بەڕێوەبەرایەتیی پسوولەی خۆراک بۆ بەڕێوەبەرایەتیی بازرگانیی کەلوپەلی خۆراک، خزمەتخواز سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتە.

سەردانی ژووری بەڕێوەبەر دەکات، بە مەبەستی هامشکردنی نووسراوی گەراوە.

سەردانی ژووری بریکاری دەکات، بە مەبەستی هەڵگرتنی دۆسیەکەی و تەواوبوونی مامەڵەکەی.