پێناسە
دەستنیشانکردن و پێدانی بریکارییە بە کەسێک بۆ مەبەستی وەرگرتن و دابەشکردنی بەشە خۆراکی مانگانە بەسەر هاووڵاتییان.
لایەنی بەرپرس
وەزارەتی بازرگانی و پیشەسازی / بەڕێوەبەرایەتی گشتی بازرگانی
ناونیشانی سەردانی هاوڵاتی

ناونیشانی هاوڵاتیان بۆ به‌ڕێوه‌به‌رایه‌تییەکانی بازرگانی كه‌لوپه‌لی خۆراک

کاتی کارکردن
(٨:٣٠)ی بەیانی بۆ (٣:٠٠)ی دوای نیوەڕۆ.
به‌ڕێوه‌به‌رایه‌تی بازرگانی كه‌لوپه‌لی خۆراک / هه‌ولێر
هه‌ولێر / شەقامی (١٠٠)م نزیک پێشانگاكانی ئۆتۆمبێل
ئیمەیڵ:- CFT.ERBIL@yahoo.com
07514453106
به‌ڕێوه‌به‌رایه‌تی بازرگانی كه‌لوپه‌لی خۆراک / سلێمانی
سلێمانی /شه‌قامی دووسایدی هه‌واری شار
ئیمەیڵ:- xoraksulaimany@ymail.com
07701557984
به‌ڕێوه‌به‌رایه‌تی بازرگانی كه‌لوپه‌لی خۆراک / دهۆک
دهۆک/ مالتائیسلام
ئیمەیڵ:- Fa_db@yahoo.com
07504594805
به‌ڕێوه‌به‌رایه‌تی بازرگانی كه‌لوپه‌لی خۆراک / گه‌رمیان
كه‌لار / كه‌لاری كۆن
ئیمەیڵ/ Garmiyansfood @yahoo.com
07480101049
مەرجەکانی وەرگرتنی ئەم خزمەتە
بریکار دانیشتووی ئه‌و پارێزگایه‌ بێت که‌ تێیدا داوای بریکاری ده‌کات.
ته‌مه‌نی (١٨) هەژدە ساڵی تەواو کردبێت.
ڕه‌گه‌زنامه‌ی عێراقی هەبێت.
خزمەتخواز پێویستە پاکانەی باجی دەرامەتی هەبێت.
خوێنده‌وار بێت.
مووچه‌خۆری حکومەت نه‌بێت.
ناسنامە و بەڵگەنامەکان
کارتی نیشتمانی یاخود ناسنامەی باری کەسی.
قەواڵەی مولکیی، ئەگەر شوێنەکە هی خۆی بێت.
گرێبەستی بە کرێگرتن، ئەگەر شوێنەکە کرێ بێت.
به‌ڵێننامه‌ی دادنوس کە خزمەتخواز مووچەخۆری حکومەت نییە.
(٢) دوو وێنەی کەسی.
ماوەی پێویست بۆ وەدەستهێنانی ئەم خزمەتە
(١٠) دە ڕۆژ بۆ (١٨) هەژدە ڕۆژ.
نرخی وەدەستهێنانی ئەم خزمەتە
پێویستە نرخی بەدەستهێنانی ئەم خزمەتە دیاری بکرێت.
ڕێکار و هەنگاوەکان
داواکاری ئاراسته‌ی یەکەی ئیداری ( ناحیە، قەزا، پارێزگا) شوێنی نیشتەجێبوون دەکرێت.
له‌ یەکەی ئیداری نووسراوی داواکاری بەخشینی بریکار ئاراسته‌ی لیژنه‌ی ئابووری پارێزگاکان ده‌کرێت، بە مەبەستی ڕەزامەندی.
له‌ پارێزگاکان نووسراوی ڕەزامەندی ئاڕاسته‌ی به‌ڕێوەبه‌رایه‌تی گشتی بازرگانی ده‌کرێت.
لە بەڕێوەبەرایەتی گشتی بازرگانی، سەردانی ژووری هاتوو و دەرچوو دەکات، بە مەبەستی وەرگرتنی ژمارەی هاتوو بۆ نوسراوەکە.
سەردانی ژووری بەڕێوەبەری گشتی، بە مەبەستی هامشکردنی نووسراوی هاتوو.
سەردانی ژووری بەڕێوەبەرایەتی بازرگانی ناوخۆ دەکات، بە مەبەستی وردبینیکردن و پێدانی ژمارەی بریکار، هەروەها ئامادەکردنی نووسراو بۆ بەڕێوەبەرایەتی بازرگانی کەلوپەلی خۆراک، ئەگەر مامەڵەکە بۆ بریکاری خۆراک بێت. ئەگەر مامەڵەکە بۆ بریکاری ئارد بێت، نووسراو ئاراستەی بەڕێوەبەرایەتی دروستکراوی دانەوێڵە دەکرێت.
سەردانی ژووری بەڕێوەبەری گشتی، بە مەبەستی واژۆ لەسەر نووسراو.
سەردانی ژووری دەرکردە و وەرگرتە، بە مەبەستی وەرگرتنی ژمارەی دەرکردەی نووسراو.
لە بەڕێوەبەرایەتی بازرگانی کەلوپەلی خۆراک یاخود بەڕێوەبەرایەتی دروستکراوی دانەوێڵە، سەردانی ژووری هاتوو و دەرکردە دەکات، بە مەبەستی وەرگرتنی ژمارەی هاتوو بۆ نووسراوەکە.
سەردانی ژووری بەڕێوەبەر، بە مەبەستی هامشکردنی نووسراوی هاتوو.
سەردانی ژووری بریکاری دەکات، بە مەبەستی کردنەوەی دۆسیە، دانانی کاتی پشکنین بۆ شوێنەکەی و وەرگرتنی ڕسوماتی پێویست.
دوای گەڕانەوەی ئەنجامی پشکین و هێنانی نووسراوی پاکانەی باجی دەرامەت، خزمەتخواز سەردانی ژووری بریکاری دەکات، بە مەبەستی نووسراوکردن بۆ بەڕێوەبەرایەتی پسووڵەی خۆراکی تایبەتمەند.
لە بەڕێوەبەرایەتی پسولەی خۆراک سەردانی ژووری هاتوو و دەرکردە دەکات، بە مەبەستی وەرگرتنی ژمارەی هاتوو بۆ نووسراوەکە.
ژووری بەڕێوەبەر، بە مەبەستی هامشکردنی نووسراوی هاتوو.
سەردانی ژووری بریکار و داتا و زانیاری، بە مەبەستی دانانی ژمارەی کۆمپیوتەر، ژمارەی بنکە و گواستنەوەی خێزان و هاووڵاتیان بۆ سەر ئەو بریکارە نوێیە.
بڕی ڕسوماتەکەی لێ وەردەگیرێت، دواتر شوێنی وەرگرتن دڵنیا دەکەینەوە.
دوای گەڕانەوەی مامەڵەکە لە بەڕێوەبەرایەتی پسولەی خۆراک بۆ بەڕێوەبەرایەتی بازرگانی کەلوپەلی خۆراک، خزمەتخواز سەردانی ژووری هاتوو و دەرچوو دەکات، بە مەبەستی وەرگرتنی ژمارەی هاتوو.
سەردانی ژووری بەڕێوەبەر، بە مەبەستی هامشکردنی نووسراوی گەراوە.
سەردانی ژووری بریکاری، بە مەبەستی هەڵگرتنی دۆسیەکەی و تەواوبوونی مامەڵەکەی.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
پێویستە ئەم خزمەتە لەلایەن بەڕێزان وەزیر/سەرۆکی دەستە و بەڕێوبەری گشتی دیوان و لیژنەی خزمەت واژوو بکرێت.
پێناسی خزمەت
MOTI-15
دوا دەستکاری18-04-2022

Add new comment