پێناسە
خزمەتگوزاری ئەنتەرنێت بە سیستەمی (VAST) واتە لە ڕێگای مانگی دەستکرد کەبەردەستە لە هەرێمی کوردستان و لە ڕێی (٢) دوو کۆمپانیای مۆڵەت پێدراوی وەزارەتی گواستنەوە و گەیاندنەوە، پێشکەش بە هاوڵاتیانی هەرێمی کوردستان دەکرێت.
لایەنی بەرپرس
وەزارەتی گواستنەوە و گەیاندن / بەڕێوەبەرایەتی گشتی پۆستە و گەیاندن
ناونیشانی سەردانی هاوڵاتی

ناونیشانی سەردانی هاوڵاتی بۆ وەزارەتی گواستنەوە و گەیاندن / بەڕیوەبەرایەتی گەیاندن و بەڕێوەبەرایەتی کابلی تیشکی و لەرەلەرەکان(VSAT,WIFI,LTE4G)

کاتی کارکردن
(٨:٣٠)ی بەیانی بۆ (٢:٠٠)ی دوا نیوەڕۆ.
بەڕێوەبەرایەتی گەیاندن و بەڕێوەبەرایەتی کابلی تیشکی و لەرەلەرەکان
هەولێر / شەقامی کەرکوک / بەرامبەر تابلۆ مۆڵ
0662232800
مەرجەکانی وەرگرتنی ئەم خزمەتە
دەبێت کۆمپانیای تۆمارکراوبێت (لە بەڕێوەبەرایەتی گشتی تۆمارکردنی کۆمپانیاکان) لە وەزارەتی بازرگانی و پیشەسازی.
ئامادەکردنی داواکارییەک لەگەڵ دۆکیۆمێنتی پێویست بەو خزمەتگوزارییە و ئاڕاستەکردنی بۆ وەزارەتی گواستنەوە و گەیاندن.
دەبێت ڕەزامەندی لایەنە پەیوەندیدارەکانی هەبێت (وەزارەتی ناوخۆ، فڕۆکەخانەی نێودەوڵەتی هەولێر و فڕۆکەخانەی نێودەوڵەتی سلێمانی) کە لە لایەن وەزارەتی گواستنەوە و گەیاندن / بەڕێوەبەرایەتی گشتی پۆستە و گەیاندن بە نوسراوى فەرمی داوای لاری نەبوونیان لە ڕووى ئەمنی و لە ڕووى تەکنیکی بە پێی پەیوەندیان دەکرێت.
پێدانی ڕەزامەندی مۆڵەت بە گرێبەستی تایبەت لەگەڵ وەزارەتمان.
دەرکردنی فەرمانی وەزاری مۆڵەت پێدان لە وەزارەتمان.
ناسنامە و بەڵگەنامەکان
وێنەی بڕیاری کارگێڕی دامەزراندنی کۆمپانیا.
بڕوانامەی دامەزراندنی کۆمپانیا.
ناونیشانی کۆمپانیا.
ژمارەی پەیوەندی کۆمپانیا.
بەڕێوەبەری ڕێپێدراوی کۆمپانیا.
ماوەی پێویست بۆ وەدەستهێنانی ئەم خزمەتە
(١٥) پانزە بۆ (٢٠) بیست ڕۆژ، بەدەر لەو ماوەیەی کە پێویستە بۆ گەڕانەوەی ڕەزامەندی لایەنە پەیوەندیدارەکان، وەزارەتی ناوخۆ و هەردوو فرۆکەخانەی نێودەوڵەتی هەولێر و سلێمانی.
نرخی وەدەستهێنانی ئەم خزمەتە
(١٥،٠٠٠،٠٠٠) پانزە ملیۆن دینار کرێی ساڵانەی مۆڵەت.
(٥،٠٠٠،٠٠٠) پێنج ملیۆن دينار بۆ هەر یەک وێستگە لە کاتی دامەزراندنی.
بە پێی ڕێنمایی وەرگرتنی کرێی ساڵانە کە لە هاوپێچی ڕێنمایی دیاری کراوە.
ڕێکار و هەنگاوەکان
بەشەکانی بەڕێوەبەرایەتی پۆستە و گەیاندن.
بەڕێوەبەرایەتی یاسا و گرێبەستەکان (سەردانەکان بەم شێوەیە دەبێت):
ژووری هاتوو دەرچوو، بە مەبەستی وەرگرتنی داواکارییەکە لەگەڵ گشت بەراییەکان.
بەڕێوەبەرایەتی گشتی دیوان، بە مەبەستی ناردنی داواکاریەکە بۆ وەزیر.
ژووری وەزیر، بە مەبەستی زانین و ناردنی داواکارییەکە بۆ بەڕێوەبەری گشتی پۆستە و گەیاندن.
بەڕێوەبەری گشتی پۆستە و گەیاندن، بە مەبەستی ناردنی بۆ هەردوو بەڕێوەبەرایەتی گەیاندن و بەڕێوەبەرایەتی کابڵی تیشکی و لەرەلەرەکان.
بەڕێوەبەرایەتی یاسا و گرێبەستەکان، بە مەبەستی دیراسەکردنی داواکاریەکە لە ڕووى یاساییەوە.
بەڕێوەبەری گەیاندن، ژووری بەرپرسیارەتی کۆمپانیاکانی گەیاندن، بە مەبەستی دیراسەکردنی داواکاریەکە لە ڕووى تەکنیکییەوە.
بەڕێوەبەری کابڵی و تیشکی لەرەلەرەیان، بە مەبەستی تەرخانکردن و بە پێی توانای بوونی باندى لەرەلەرەی پێویست بۆ مۆڵەتی ئەو خزمەتگوزارییە.
بەڕێوەبەرایەتی یاسا و گرێبەستەکان، بە مەبەستی ئامادەکردنی گرێبەست.
وەزیر، بە مەبەستی واژۆکردنەوەی گرێبەست و فەرمانی وەزاری.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
وەزیری گواستنەوە و گەیاندن
بەرێوەبەری یاسایی
لیژنەی خزمەت لە وەزارەتی گواستنەوە و گەیاندن
پەسەند کراوە لەلایەن
فەرمانگەی هەماهەنگی و بەدواداچوون
پێناسی خزمەت
MOTAC-11
دوا دەستکاری17-03-2022

Add new comment