خزمەتخواز سەرەتا پشتگيرى بەردەوام بوونی خوێندن لەو قوتابخانە یان پەیمانگا یان زانکۆیە دەهێنێت کە لێی دەخوێنێت، کە تێیدا بڕى پاره‌ى خوێندن و ساڵى خوێندن و به‌ش و قوناغى خوێندن قوتابی ديارى كرابێت.

قوتابی و خوێندکار ئەگەر ناوی شەهیدەکەی لە لیستی بودجەی تەرخانکراوی بەڕێوەبەرایەتی گشتی پارێزگایەک بێت و شوێنی خوێندنەکەی لە پارێزگایەکی تر بێت پشتگیری لەو بەڕێوەبەرایەتییە گشتییە دەهێنێ کە شەهیدەکەی لێ تۆمارە بۆ بەڕێوەبەرایەتی گشتیی ئەو پارێزگایەی کە لێی دەخوێنێت.

سه‌ردانى به‌ڕێوه‌به‌رايه‌تی گشتی کاروباری شەهیدان و ئەنفالکراوانی پارێزگاکەی یان ئیدارە سەربەخۆکان دەکات.

سه‌ردانى هۆبه‌ى په‌روه‌رده‌، بە مەبەستی تۆمارکرنی ناوی قوتابی له‌ سيسته‌می داتابیس.

سه‌ردانى ژووری بانکی زانیاری، بە مەبەستی دڵنیابوون له‌ ڕاستى و دروستى زانياريیه‌كان.

سەردانی ژووری بەڕێوەبەر، بە مەبەستی پەسندکردن و واژۆ لەسەر فۆرمەکە.

دووبارە سەردانی ژووری پەروەردە، بە مەبەستی ڕاکێشانی فۆرمی ساڵانەی خوێندن، دواتر قوتابی و خوێندکار فۆرمەکە دەباتە ئەو قوتابخانە یان پەیمانگا یان زانکۆیەی لێی دەخوێنێت، مامەڵەکەی کۆتایی دێت، بۆ هەر ساڵێکی خوێندن ئەم ڕێکارە دووبارە دەکاتەوە.