پێدانی مۆڵەت بۆ کردنەوەی چایخانە

تەمەنی لە هەژدە (١٨) ساڵ کەمتر نەبێت و لێهاتوویی یاسایی هەبێت جگە لەوانەی، کە ڕێنماییەکی تایبەتیان هەیە.

شوێنی چایخانە پێویستە لە سنووری کارگێڕی یەکە کارگێڕییەکە بێت، کە داوای مۆڵەتەکەی لێ دەکات.

پێویستە پیشەوەر سەرەتا لە بەڕێوەبەرایەتی گشتی تۆمارکردنی کۆمپانیاکان ناوە بازرگانییەکەی تۆمارکردبێت.

هێنانی لارینەبوون و ئەستۆپاکی لە (وەزارەتی شارەوانی، بەرگری شارستانی، وەزارەتی تەندروستی، ئاسایشی ناوچەکە، بەڕێوەبەرایەتیی باجی دەرامەت).

ئەم مۆڵەتە پێویستە ساڵانە نوێبکرێتەوە.

پێویستە خاوەنکار پابەند بێت بە هەبوونی شوێنە بازرگانییەکەی و نووسینی هەمان ئەو ناوە بازرگانییەی، کە تۆماری کردووە لەسەر تابلۆی شوێنی کارەکەی بە مەرجێک تابلۆکەی ناوە بازرگانییەکەی بە زمانی کوردی بنووسرێت، ئەگەر لە پاڵ زمانی کوردی زمانێکی تر بنووسرێت پێویستە قەبارەی نووسینی ناوەکە هاوشێوەی کوردی یان بچووکتر بێت.

پێویستە لە شوێنی کار کامێرای چاودێری و سەلەی خۆڵ و خاشاک (زبڵدان) هەبێت و پابەند بێت بە پاک و خاوێنی شوێنەکە.

خاوەنکار پێویستە نرخی خواردنەوەکان هەڵبواسێت.

خزمەتخواز خۆی یان بریکارەکەی ئامادە بێت.